حلم ابن مصر البار
****
مصر يا امى
مصر يا شامة وعلامة
مصر حبي
وانتى يا نبع الكرامة
مصر بلدي
يا شجاعة ومش جبانة
***
عاوز اكون لك ابن بار
ليل نهار اعمل فى همة
***
لو حداد انكوى بالنهار
علشان اخلد فيك يا امى
***
وتلاقينى ع السقالة
فوق كتافي مونة صبة
***
ماشي ف صلب ومتانة
وكل ده علشانك يا شابة
***
وتلاقينى جندي اسمر
اصرخ واقول الله اكبر
***
واضرب عدوك ضربة قاضية
واشوف غطانك لونها اخضر
***
ياسلام ع العيشة فيكي
بين اخويا وبين جيرانى
***
مش ف دولة تانية غيرك
ابقي ف الغربة باعاني
***
شوفي عزى وفرحى بك
اد ايه باعتز بك
***
ياسلامة ويا يمامة
ده السلام والنصر فيك
====*****=====
الخواطر دي نشرتها بجريده القوات المسلحة فى اول يناير 94
ودلوقتى وبعد مرور فترة على ثورة يناير 2011
حبيت انشره هنا بمدونتى
لان الكلام حاسس انه بتاع الفترة دي بجد
فترة العمل والجدية علشان نصلح اقتصدنا بالفعل
