عذرا سيدتى
فلم استطيع ان اقاوم سحر عيونك
عذرا سيدتى
لاننى اخترقت كل حدودك
******
احبينى
بلا خوف
اكره ان اكون نقطة ضعف
احبينى
بلا صمت
احبينى
بكل حرارة الصيفا
احبينىبلا تحضر
فقد مرت على عينيك
كل حضارة الحضر
احبينى
بلا خجل
آه لو تساعدينى 000
فلا تبيعينى
احبينى
بكل شراسة الانثى
بطهارتها
وبذنوبها
احبينى
بانفاسك
وهى تمرح على صدرى
احبينى
باحشائك وكاننى طفلا ينبض بداخلك
احبينى
بغرائز امرأة محرومة
تعبث باصابعها على وسادتها الخالية
فى ليالى الشتاء الموحشة
احبينى
بكل خطوط جسدك
احبينى
بلا عقد
لى سؤال .....
هو احنا بدون ليه ...
وايه الهدف من التدوين ..
ياترى علشان اللى يشوف اعمالنا وكتابتنا يقول حلوة وجميلة ..
ولا علشان نخرج اللى جوانا .. بلحظة صدق مع النفس
اتمنى ان يكون احساسي واصل ؟؟!!!
48 التعليقات:
هييييييييييييييييه كالعادة
اول تعلييييييييييييق
احساسك المرة دي يفوووووق الوصف
جاااااامدة جدا
عذرا سيدتى
فلم استطيع ان اقاوم سحر عيونك
عذرا سيدتى
لاننى اخترقت كل حدودك
***
احبينى
باحشائك وكاننى طفلا ينبض بداخلك
تشبيهك هنا حكااااااية
تسلم ايدك بجد اسلوبك راائع
بدون بكش ولا مجاملة ^ـ*
وبالنسبة لسؤالك كل مدون ليه هدف معين وهو حر فيه ^ـ*
ومعظم المدونين عاوزين يخرجوا الي جواهم :)
دمت بالف خيررررر
السلام عليكم
اخى الكبير
وحشتنى قووى
اخبارك ايه
كعادتك رائع برسوماتك التحفه وكلماتك الاروع
ربنا يديمها علي نعمه
بالنسبه للتدوين اكيد كلا منا جواه حاجات ورغبات مش قادر يعبر عنها غير من خلال الصفحه دى واكيد انت فاهم كويس
اما عن البوست بجد اروع من الرائع
كلمات ققويه وجميله
احيك عليها من كل قلبى
تحياتى
انوسه
شفت بقى أن من حق كل واحد يخلق لنفسه حياة خيالية يهرب ليها شوية - احساسك وصل وماشاء الله جميل شوية زى نزار قبانى - الله أعلم بنوايا من يدون لكن الاغلبية لانها تريد التعبير عما يجول بخاطرها - ولا تنتظر أن تنال كتابتها أعجاب القراء - أنا بدأت الكتابة هنا حين تركت العمل فكرت فى تجميع بعض ما كنت أكتبه وبدات فى ابريل بعد شهرين من البحث عن عمل ودونت خواطر سابقة من سنوات سابقة نجت من تمزيقى - وطلبت من عائلتى واصدقائى قرأتها وكانت هى المرة الاولى يعرفوا هذا الجانب فى وشجعونى على الاستمرار ورايت انهم يقرأون لى وكأنى أكتب فى عمود صحفى رغم أننى لا شىء وتطور الامر بظهوركم فانا لم اتصور ابدا ولم أتوقع أن يقرأ لى أحد سوى عائلتى واصدقائى وهم لايتركون لى تعليق سوى هالة وعائلتى ايضا لاننا نتناقش فيما اكتب فاصبحت أحرص على الا أكتب يسىء لاحد أو يجرح شعور أى شخص والحمدلله أنا لست من يسخر من الناس ولا افعالهم مهما كانوا أنا فقط أرصد بعض ما يحدث حولنا أما فى أطار فكاهى أو بعض الخواطر التى تكون اما من الخيال أو بناء على احداث من الماضى السحيق واحب أن اشارك كل الناس ما اقرأ من كتب أو أشاهد من أفلام أو ما أحب وأنقل اسفارى للذين لم يروا العالم ولانى أريد أن أحتفظ فى ذاكرتى بتلك الاحداث وليس بالضرورى كل ما أكتبه يثير الاعجاب ولكنى أحب أن أكتب حين تأتيينى الافكار - وأنا اسفة لانى طولت عليك جدا جدا - ويبدو أننى أدمنت قراءة مدونات اصدقائى
السلام عليكم
الرسومات رائعه جدا جدا جدا
العين هي مفتاح الأنسان يعني تقدر من عين الشخص الي قدامك تفهم هو عايز ايه هو بيبدلك نفس الشعور ولا لا
احساس جميل وكلام اجمل
الأنسان لما بيكون في باله حاجه لازم يخرجها لاي حد وطبعا الكاتبه هي نوع من الوسائل ال بيخرج الأنسان فيها كل مابيشعر بيه..................
انا لما بكون مخنوقه بقعد اكتب الخنقني عشان ميحصليش حاجة من السكوت او احكي لحد
*****تقبل مروري*********
^_^
زماااااااااااااااااااان
كان اللي جواه شيء
يعني مشاعر او تعب او فرحة بيجيب نوتة صغننة كده ويكتب يومياته
وكان بيرتاح جدا
اتخيل ان التدوين فعلا مش للي بيقرأ
التدوين للي بيكتب غالبا
بيريحه دي نقطة
بيدي له مشاركة بني البشر في مشاعر جواه وده جميل حيث اننا مخلوقات اجتماعية ودي النقطة التانية
وبشكل او بآخر في بعض التدوينات بنستفيد جدا جدا سواء من تجارب الآخرين أو من ثقافتهم ودي النقطة التالتة
بس ايه يا عم الرومانسية دي؟
تحياتي
الاخت نوارة
نورتى المدونة
دايما على طول الاولى
اشكرك بجد على ذوقك فى التعليق
انا باحاول اخرج اللى جواى مش اكتر
تحياتى لك
الاخت الصغيرة انوس
ومش هاقول عاشقة الاحزان
المفروض بقي تغيري الاسم
ههههههههههههههه
عاوزين نشوف ابتسامتك اللى منورة دى
شكرا لتعليقك الجميل ومجاملتك ليا على الكلام والرسومات
انا بس باحب اخرج اللى جوايا مش اكتر
تحياتى لك
الاخت mona
شفت ياستى
انا بالفعل باعمل كده
وخالق لنفسي حياة باحب اعيشها لوحدى بمعظم الاحيان
كنت اتمنى ادرس الفن او الاعلام
بس بينى وبينك شوية فشل
ههههههههههه
مش فاشل قوى يعنى
نص نص
يكفينى ان اقول انا موجود طبعا مش هنا بس ... بكل مكان اكون متواجد فيه
باتمنى لك كل توفيق
وان شاء الله لما ارجع مصر تعزمينى على حاجة ساقعة فى الجريرة اللى هتشتغلى فيها
تقبلى تحياتى
fL0weR-giRL
نورتى المدونة المتواضعة لاول مرة تقريبا
بس ان شاء الله مش هتكون الاخيرة
اتفقناااااااا
العين هي مفتاح الأنسان يعني تقدر من عين الشخص الي قدامك تفهم هو عايز ايه هو بيبدلك نفس الشعور ولا لا
اكيد نفس الشعور
انا بالفعل باعتمد على نظرة العيون للدخول جوه الاخر
اشكرك على تعليقك اللطيف
تقبلى تحياتى
ستيته حسب الله الحمش
الاول حمدلله على السلامة
اخبارك ايه
انا فعلا الاول كنت باعمل كده
اجيب النوتة واكتب .. وافضفض بجد
وكنت بعدها باقطه الورق
المهم عندى انى اخرج اللى جوايا
اتخيل ان التدوين فعلا مش للي بيقرأ
التدوين للي بيكتب غالبا
متفق معاكى فى النقاط
مستنى زيارتك كتيررر .. متتاخريش
تقبلى تحياتى
السلام عليكم
انا عن نفسى بدون لما بحس بحاجات جوايه ومش باقدر اقولها بلسانى فباقولها فى مدونتى.....وكمان لما اعرف اراء غيرى اكيد هاتعلم
ربنا يوفقك
تحياتى
مبتسم باشا :)
ازيك .. نورتني فـ مدونتي
بس نفسي افهم تعليقات مفتحتش معاك ليه بقى .؟؟؟
:S
شكرا لمرورك :)
::
المهم
بنكتب عشان نطلع اللي جوانا
انا مبقولش عليها تدوين ..
بقول عليها فضفضه و خواطر فـ بال الواحد مننا بيكتبها .
بتلاقي حد يشاركك فرحك .. حزنك
او حتى يقولك يخرب عقل جنانك
بتحس انو ناس حواليك ومعاك اصحاب كتير
بتنبسط
حلوه الصحبه .. وحلو انك تحس انو فيه ناس بيشاركوك .. وتحس فـ لحظه ضعف انو عندك اصحاب كتير بيسألو عليك
والاهم انك بتكتب اللي بيخطر فـ بالك . و بتعبر عن نفسك.
اما عن كلامك فهو مش حلو خااالص
ابدا .. على الاطلاق
ايه اللي انت كاتبو دا اصلا :!!
يخرب عقل رومنسيتك
تووحفه بجد جميل
وسلامي ليك :)
ابتدينا
وبتمني تشاركنا
وتكون معانا
في
آفشنا حرامي
في انتظارك
كلمات رائعه و احساس و مشاعر اروع
رسوماتك ايضا جميله و معبره سلمت يداك
اما اجابة سؤالك فأنى أرى اننا ندون حتى نخرج ما بداخلنا بكل الصدق مع انفسنا و ايضا مع من نتواصل معهم فالتواصل اهم ما يجعل للتدوين معنى لأننا نجد من يشاركنا افكارنا و مشاعرنا و اهتمامتنا ..
دمت متواصل معنا و دمت بكل الخير
خالص تحياتى
دوما اعشق شعر العيون ابتسامة العين دائما ساحرة لانها صادقة اكثر من ابتسامة الشفاه
دومت شاعرا جميلا باذن الله
ميرو انتكة
نورتى المدونة
تحياتى
bola helmi
اشكرك على تعليقك المميز
ومجاملتك اللطيفة لكلماتى
تحياتى لك
افشنا حرامى
انا دخلت عندكم وسجلت اسمى
هى النتيجة هتظهر امتى
هههههههههههههههههه
ياريت تنورونا هنا كمان
تحياتى
rovy
تعليق مميز واجابتك على السؤال منطقية
شكرا لزيارتك
واتنى تكرارها
تحياتى
hisham
دوما اعشق شعر العيون ابتسامة العين دائما ساحرة لانها صادقة اكثر من ابتسامة الشفاه
شرفت المدونة للمرة الاولى
واتمنى تكرر الزيارة باستمرار
واشكرك على تعليقك الجميل
تحياتى
السلام عليكم
كلمات جميله وتشبيهات رائعه
ورومانسيه خياليه
احبينى
باحشائك وكاننى طفلا ينبض بداخلك
تشبيه روعه بجد
وباشكرك بشده على تشريفك لمدونتى
الوليده ويارب يدوم التواصل دايما
اما بالنسبه للتدوين فده عالم تانى
صحيح هو عالم افتراضى بس ممكن فيه تقول
وتفضفض براحتك سواء لنفسك او لحد تانى
يسمعك ويشاركك فى افكارك
تحياتى لحضرتك
فى حفظ الرحمن
السلام عليكم ورحمة الله وبركاته
اولا
هههههههههههههههههههه
ههههههههههههههههه
هع هع هع هع هع هع
هاهاهاهاهاهاهاهاهاهاه
بضحك اهووووو عشان متقولش عليا انى مكشره
هههههههههههههه
بجد ربنا ما يحرمنيش من حضورك الطيب واحساسك الدافىء يا اخى الجميل
ربنا يبارك فيك ويعزك
وان شالله هتحضر الفرحه وهترقص وانا معاك
انا بموت فى الرقص ومش اى رقص
هههههههههههههههه
بسعد قووى بيك وبوجودك الجميل قووى اللى بيريحنى
ربنا يديم الود بينا الى الابد
بس والله محتاجه اعرف الثروة دى كام يعنى انا طماعه ولاذم اعرف بالنص
هههههههههههههههه
ربنا يزيد ويبارك ويرزقك بالحلال
اللهم امين يارب العالمين
تحياتى
انوسه
السلام عليكم ورحمة الله وبركاته
سعدت جدا بزيارتك حضرتك للمدونة ومفيش مشكلة مصر مش هاتروح في حتة خالص موجود بكل حاجة فيها
اكيد تنور بحضرتك
كلمات مميزة وسوف اترك نفسى لقراءة ما تكتبة تحياتى لحضرتك
وشكرا على تواصلك
كم هي جميلة كلمات ومعبرة عن صدق الحب الجميل
وعلي اساس ان لكل فعل رد فعل مساوي له في المقدار
فان من تحبها كل هذا الحب اكيد ان شاء الله تنعم بحبها مدي العمر
اما بخصوص انا بنكتب ليه
بنكتب علشان نخرج اللي جوانا
بنفرح لما حد يعجبه الكلام
بنتشجع
بقينا اسرة واحدة الحاضر يسأل عن الغايب
بنتابع بعض ونستفيد من تجاربنا
حاجات كتيير اوي استفادتها من عالم التدوين
والاهم اني لقيت اخوات محترمين ربنا يدمهم عليا
سلام
لا..وصل جدا
بجد كلام فيه روح نزار قباني بشكل واضح
قمة الرومانسية
تحياتي
السلام عليكم ورحمه الله وبركاته
الاول طبعا ابتسامه
الاول كدا نعلق
جميل اوى كل كلامك
بحب وصفك لها وتمنيك حبها بكل صورها
نجى بئى للعتاب
بجد انا مش بدخل من زمان اوى حتى مش بكتب حاجه من مده طويله غير موضوع امبارح دا
بس برده لك حق تزعل ان شاء الله ارجع ادوام على دخول المدونه
بالنسبه احنا ليه بندون
ممكن بنكون مبسوطين لما حد بيقرا كلامنا ويعجبه
بس الاهم اننا بنكتب لاننا حاسين حاجه عاوزين نخرجها
ودا الاهم
ولا اى رايك
هو انا هالاقيها منك وللا من فشكول
يابني بلاش تقليب المواجع
تحياتي
السلام عليكم
دى أول زيارة لى فى مدونتك و بصراحة شدنى إسمها، عجبنى إسم المدونة و شكل المدونة و التصميم و كمان إسم صاحب المدونة"ذو الوجه المبتسم" أدام الله نور الإبتسام على وجهك.
حلوة كلماتك البوست جميل
أما عن إحنا ليه بندون فإجابتى الشخصية هى إننا بيكون جوانا خواطر عايزين نقولها بس غالبا مش بنلاقى الشخص المناسب اللى يسمع و لو لاقيناه مش بنجد الوقت المناسب و لو كنت إنت فاضى تتكلم ممكن هو مايكونش فاضى يسمع و لما يفضى علشان يسمعك تكون إنت مشغول ... فكان الحل هو التدوين أنا أقول اللى فى نفسى فى الوقت اللى يناسبنى و اللى مهتم بكلامى يقرأه فى الوقت اللى يناسبه و يعلق عليه كمان و بعدين أنا أرض فالحلقة تكتمل و الموضوع يمشى علشان كده سميت مدونتى المتنفس علشان بأفك فيها عن نفسى.
تقبل مرورى
تحياتى
اهلا بك لقد سعد بمرورك
اولا الخيانة لا تعرف امرأه ولا رجل
عندما تسيطير علي الشخص تقضي عليه
ثانيا يجب ان تحب بقلبك كي تتذوق
طعم الحب الرائع
اتمني لكي المزيد من التقدم
اولا
انا جايه اشكرك علي مشاركتك الوجدانيه ليا وزيارتك الكريمه
ثانيا بقي عجبني بجد الكلام الي حضرتك كتبه والاحساس كمان
ثالثا بقي احنا بندون ليه
السؤال ده اللي يجاوب عليه كل واحد فينا عشان نبقي صدقين مع نفسنا
كل واحد اكيد ليه اسباب غير الاخر
تحياتي
واتنمي التواصل
قصيدة جميلة جداً جداً
أحييك على كتاباتك الرائعة
أما سؤالك إحنا بندون ليه ؟
فأعتقد إن كل واحد أنشىء مدونة لة هدف خاص وهدف عام
الخاص مختلف بإختلاف أفكارة وإتجاهاتة
والهدف العام هو التواصل والتعارف وتعرف الناس على موهبتة وأفكارة وأن ترى كتاباتة النور والشهرة
الحقيقة كنت أتمنى أكون باصيف
لكن كان فية عطل كبير فى الكمبيوتر وأخيراً إتصلح والحمد لله
شكراً على سؤالك عليا وإهتمامك
تحياتى
ليس فقيرا من يحب
شكرا لزيارتك ولتعليقك
اتمنى تكرار الزيارة
تحياتى
عاشقة .... ايناس
ايوه كده
عاوز دايما تكون الابتسامة هى اول شئ تفكرى به
تحياتى لك
عماد خلاف
نورت المدونة
واتمنى تكرار الزيارة
تحياتى
وردة
نورتى المدونة
متتاخريش تانى
تحياتى
micheal
نورتنى باول زيارة لك
وان شاء الله تكون موجود باستمرار
تحياتى
هايدي
ازيك
نورتينى بجد
طبعا رايي من رايك
هههههههههههه
تحياتى
قيس بن الملوح
هههههههههههههه
مواجع ايه بس ياعم
هو فيه احلى من كده فى الدنيا
سلامى للاخ فشكول
تحياتى
dr.kafy
شكرا لتعليقك المميز
وان شاء الله اكون عن حسن ظن الجميع بيا
وقبلها اكون عند حسن ظن نفسي
اشكرك لكلماتك الجميلة
وان شاء الله تداوم على الزيارة
تقبل تحياتى
نص جميل
و احساسه جميل أيضا
..
بالنسبة لسؤالك
أعتقد كل مدون و له أهدافه الخاصة
بعضهم يعتبرون المدونة هي بوح للروح
و البعض الآخر يتعلم و ينتظر تقييم الآخرين
و هناك من يحاول الانتشار كإسم في عالم الكتابة
و هناك السياسي و من ينشر آراءه و من و من ... و هكذا
دمت بكل ود
نادية
نورتى المدونة
بس هتنور اكتر بتكرار الزيارة
وان شاء الله نتواصل
تحياتى
سمكة واحدة
هو فيه بنا شكرا
احنا مش اخوات ولا ايه
وبعدين بلاش حضرتك دي
خليها ذو الوجه المبتسم
نورتى المدونة
وان شاء الله يدوم التواصل
صدى الصمت - عاشقة الورد
حمدلله على السلامة
وحمد لله على سلامة الكمبيوتر
لو عملها تانى وعطل هاتى واحد جديد احسن
نورتى المدونة
تقبلى تحياتى
نحن فى انتظارك دوما
البداية بدات اليوم
ونتمنا نشر لينك هذه المدونة بين كل اصدقائك
وتقوم بوضع لينك المدونة على قائمة المدونات بمدونتك للتواصل الدائم
مع تحياتنا
آفشنا حرامى
احساسك واصل اكيد احنا بندون عشان نعبر عن اليى جوانا
وعشان نلاقى اليى يعيش معانا الشئ اليى بنعبر عنه ده
الشعر رائع طبعا
كلمات من رجل لانثى فعلا
ما شاء الله لوحات رائعه جدا و ارقى من ان تكون مجرد رسومات وكلام القصيدة رائع وحسسنس اني بقرأ قصيدة لنزار القباني
وبالنسبة للسؤال ... مع اني لسه جديده بينكم... بس حاسة ان معظم اللي عاملين مدونات بيحاولوا يخرجو اللي جواهم اللي مش قادرين يخرجوه مع الناس بره
وبرده نفسهم الناس تسمعهم ويردو عليهم ويتناقشوا معاهم علشان ميحسوش برده بالوحده
وبجد تحياتي لحضرتك ولكل اعمالك
إرسال تعليق