السبت، 15 نوفمبر 2008

صرخة فى وجه الارهاب

صرخة فى وجه الارهاب

انا ارهابى
ضيعت شبابى
فى قتل ودم وشر كتير
عشت حياتى مع ام اخواتى
فى هم وغم وكرب مرير
ماتت امي اتجوز ابويا
بعد ما ماتت بدون تفكير
فى ابن وحيد ازاى هيعيش
مع ام جديدة عمر سنين
كانت قاسية من غير قلب
يعطف على المسكين
كانت كلمتها هى العليا
وابويا عليه التدبير
فاتت سنين والحال اتغر
وابويا الغنى اصبح فقير
زوجة ابويا عايزة كتير
مصاريف فسح ولبس حرير

ولما ضاق بيا الحال
سالت نفسي كم سؤال
ليه اعيش مشغول البال
ليه اعيش مكتوف الايد
وفيه الف طريق للمال
حلال حرام شئ مش بعيد
اخترت طريق كله زوال
للبشرية حر عبيد
الناس بتقول عليه ارهاب
هلاك دمار شر مبيد

وسمعت كلمة على كل لسان
لسان كل طفل رضيع
ودمعة حزن مسموعة
تصرخ وتقول مطلوب من الجميع
يتصدو للارهاب
قبل البلد ما تضيع
وتكون فريسة للذئاب
انظر لكل شاب صريع
عن حضن امه غاب
ومن حوله جمع ضليع
والكل بيسخط على الارهاب

وسمعت اب بيصرخ ويقول
ابنى لو كان ارهابى
انا كنت اتبرا منه
واقطع جميع اسبابى بينى وبينه لانه
خرج عن كل دين
والكل قال عنه
ارهابى .. ارهابى .. ارهابى

بالاسم مسملمين وهما مجرمين
دا الدين حكمة ولين
ذى ما قال القرآن للمسلمين
مفهش اضرب واحرق
طب دا كله لصالح مين
ان مرجعتوش لصوابكم
يا جهلة يا مخدوعين
مصر مش هتضعف ابدا
وبتعرف تتصرف مع المجانيين

وفى الاخر انا بين القضبان
محكوم عليا بالاعدام
اصرخ واقول سامحينى يا بلدى
لكن بعد فوات الاوان

25 التعليقات:

Unknown يقول...

السلام عليكم
ورحمة الله تعالى وبركاته
القصيدة حلوة برغم الالم اللى فيها لكن الحقيقة انا جاية مخصوص اتمنى لك التوفيق فى سفرك للعمل بالسعودية كما قرأت فى مدونة شمس النهار.
تحياتى لك وتمنياتى ودعواتى لك بالتوفيق ولكل مصر ولكل انسان بيسيب بلده واهله وناسه لاجل ما يعمل فى بلد اخرى .انا جربت الغربة وعارفة يعنى ايه غربة.ربنا يوفقك فى سفرك ولك كل دعواتى بالتوفيق.

Kiara يقول...

مؤؤؤؤؤؤؤلمة اوي لكن واقعيه

ابدعت حقا

اقصوصه يقول...

فعلا استغرب جدا من تفكير الارهابين

اسمع عن تفجيرات بين الفنيه والاخرى فالعراق

اطفال ونساء تتبعثر اشلائهم فالسوق

اسال نفسه يا ترى اللي وراء هالموضوع

بأي طريقه ممكن يبرر موت هالضحايا الابرياء

بهالطريقه البشعه؟

والا الانتحاريين اللي يفجرون نفسهم وسط الناس

طيب شو كسبتوا؟

اي جنه هاي اللي بتدخلونها؟

اي جنه اللي دخولها يكون بازهاق ارواح الابراء؟

عيل جهنم وبأس المصير حق منو؟

تدوينه جميله

سررت بمروري من هنا

شمس النهار يقول...

انت صدمتني بس للأسف دي الحقيقه
ربنا يرحمنا برحمته

SeNdReLLa يقول...

بجد كلامك جميل اوى
مع انه قاسي ومؤلم بس واصل لقلوبنا كلنا
تقبل مرورى وتحياتى

منه مرتجى - عازفة الأوتار يقول...

كلام جميل
و فكرة مختلفة

تحياتى

ذو الوجه المبتسم يقول...

اخوانى واخواتى واصدقائى وصديقاتى
اسف لانى تاخرت عليكم
ده اول يوم ادخل النت بعد وصولى للسعودية
سعدت جدا بمروركم
وباوعدم بعد عودتى من الحج باذن الله هاكتب جديد
وهاعلق فى كل مدوناتكم
تمنياتى لكم بكل شئ جميل وطيب
وتمنياى لكم بعيد اضحى سعيد يا رب
من اخوكم ذو الوجه المبتسم
متنسوش دعواتكم لى بالغربة
وادعولى ربنا يقدرنى واشرف بلدى مصر

Unknown يقول...

السلام عليكم ورحمة
الله تعالى وبركاته
وحمدآ لله على السلامة
ربنا يوفقك فى شغلك
وفى حياتك ويحافظ عليك
ويرجعك لبلدك ولأهلك
وناسك سالم غانم
باذنه تعالى
دعواتى .

Maha Shahen يقول...

هايل القصيده جميله جدا

أما بعد
المرور دا للتهنئه بالعيد

كل عام وانتم بخير... نظرا للظروف الأقتصاديه وارتفاع الأسعار هذه التهنئه صالحه لمدة سنه وتشمل: عيد أضحى _ تعيين _ ترقيه _ نجاح _ سنه جديده _ مولود _ نقل _ زواج ... الخ
معلش اصلى منوفيايه ههههههههههه

م/ الحسيني لزومي يقول...

تقبل الله منا ومنكم
وكل عام وانتم بخير

yoyo يقول...

من اول ما دخلت على مدونتى وانا معجبة بكلماتك وبجد يوم عن يوم بيزيد اعجابى اكتر تسلم ويسلم قلمك المبدع

كل سنة وانت طيب

ويارب عيد سعيد عليك

تحياتى
يويو

Beram ElMasry يقول...

اخى . ذو الوجه المبتسم

السلام عليكم ورحمة الله وبركاته اجمل التهانى بمناسبة عيد الاضحى المبارك اعاده الله عليكم وجميع الاهل بالخير والبركة ، وجعلنا واياكم من الملبين فى العام القادم
والسلام عليكم ورحمة الله

RaRa يقول...

▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒
▒♥▒▒♥kol Sana w antom Tayebeeeeeen♥▒▒♥▒▒♥▒▒♥▒▒
♥▒▒♥▒▒♥عـــــيــــد سـعـــيــــد ♥▒▒♥▒▒♥▒▒♥▒▒♥▒▒♥
▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥

"عبير النجار "نيجار يقول...

كلماتك رائعه رغم صدمتها ومرارة حقيقتها أحييك على احساسك ،
وكل عام وأنت بألف خير
تحياتي لك

Unknown يقول...

الارهاب شئ مريع
لكن من يصنع الارهاب
من يوجهه ؟!!

ذو الوجه المبتسم يقول...

Norahaty
اشكرك جدا على سؤالك ومتابعتك لى
واشكرك ايضا لدعائك لى
دمتى لى اختا كريمة
لك منى كل تحية

ذو الوجه المبتسم يقول...

مولان
مؤلمة ولكنها من الواقع
شرفتينى بزيارتك
اتمنى التكرار
تقبلى تحياتى

ذو الوجه المبتسم يقول...

اقصوصة
مبسوط جدا لتكرار زيارتك
الارهاب لا يعرف العقل وليس له دين
فهانى
تقبلى تحياتى

ذو الوجه المبتسم يقول...

شمس النهار
بجد وحشتينى
ترجعى لبلدك بالسلامة
ياريت اشوف تعليقك قريب جدا
تقبلى تحياتى

ذو الوجه المبتسم يقول...

Nor shahen
تعرفى انا مبسوط بجد لزيارتك
عارفة ليه
انا دخلت عندك اكتر من مرة
عارفة تحليلى لشخصيتك هو ايه
بس بدون زعل
مغرورة
بس دمك زى العسل
مقبولة الهدية
وكل سنة وانتى طيبة
ابقى كررى الزيارة
تقبلى تحياتى

ذو الوجه المبتسم يقول...

Yoyo
اخيرا شفت تعليقك
مش هاقول وحشتينى
لانك بجد وحشتينى
كل سنة وانتى طيبة
تقبلى تحياتى

ذو الوجه المبتسم يقول...

Beram elmasry
بجد مش عارف اقول ايه
يمكن لو كنت فى مصر حاليا كنت جيت زرتك بالبيت
وبخاصة اننا طلعنا جيران
كل سنة وانت بخير
تقبل تحياتى

ذو الوجه المبتسم يقول...

Rara
كل سنة وانتى بخير

خلينا نشوفك تانى

ذو الوجه المبتسم يقول...

نهر الحب

اولا كل سنة وانتى بخير
ثانيا الارهاب لا يعرف الا طريق واحد
الدمار
من يواجه صانع الارهاب
تفتكرى مين
اكيد احنا
باقلامنا على الاقل
باحساسنا
من راى منكم منكرا فليغيره
فان لم يستطع فبلسانه
فان لم يستطع فبقلبه
وهذا اضعف الايمان

يمكن لو وضعنا ايدينا بايد بعض وارتبطت عقولنا واحاسيسنا
يمكن نقدر نغيير شئ

ذو الوجه المبتسم يقول...

نيجار
كل سنة وانتى بالف خير
اتمنى تكرار الزيارة
تقبلى تحياتى