الأحد، 30 أغسطس، 2009

محمود عبدالعزيز .. صديقي

منذ اكثر من 12 سنة كنت اجلس منفردا بنفسي فى البيت بغرفة خارجية لبيتنا
كان الوقت تقريبا بعد العصر وما اجمل هذا الوقت فى الريف عندما تظلل الاشجار بظلها
على البيوت وعلى الشوارع سمعت من ينادي باسمى
استاذ ناجي .. خرجت لارى من المنادي فوجدت شابين
احداهما الاستاذ محمد السعيد وهو شاعر وكاتب والاخر لم اكن اراه من قبل
وهو محمود عبدالعزيز ،
اتفضلوا اهلا وسهلا بكم
دخلنا الغرفة وبدأنا التعارف
الاول انا حمادة السعيد من غيتة " البلد اللى جنبنا "
الثاني انا محمود عبدالعزيز من غيتة وصديق حمادة
انا : اهلا وسهلا بكم
حمادة : انت طبعا متعرفناش
انا : بصراحة انا سمعت عنك يا حمادة مش انت صاحب ديوان شعر كذا ...
ونزلته قريب باسم محمد السعيد
حمادة : ايوه .. انت قريته
انا: بصراحة لا.. بس سمعت عنك من صديق وكان نفسي اتعرف عليك
حمادة : ده شرف ليا طبعا ، محمود عبدالعزيز من اعز اصدقائي وهو كاتب ومؤلف
وبصراحة سمع عنك بخصوص الرسم ف جيت انا وهو علشان يكون بيننا تعاون مشترك
انا: تحت امركم
محمود : انا باجهز ديوان جديد لاول مرة وعاوز حضرتك ترسم رسوماته
انا : من عينيا
بدأ محمود يعرفنى بنفسه وهو من عائلة مين فى البلد ...
واكتشفت انه يقرب لي من بعيد ، يعنى قرابة من ناحية الوالدة
شربنا الشاي واتكلمنا كتير واتعرفنا على بعض اكتر
انا وحمادة و محمود والوقت جري بسرعة
حمادة : طيب احنا هنستأذن وياريت نشوفك عندنا قريب تشرفنا طبعا
انا: حاضر .. بصراحة انا مبسوط جدا بالتعرف عليكم
بدأنا بالفعل تبادل الزيارات وبعد فترة اتعرفت على مجموعة اكبر
من الاصدقاء الفنانيين والكتاب والشعراء والمفكرين من بلدهم ، بصراحة شباب زي العسل

** اما عن محمود فهو انسان مميز وسط هذا العدد من الاصدقاء كتاباته
وافكاره كان فيها ابداع رهيب واسلوبه وحواراته كانت متميزة جدا
بهدوء الاعصاب والابتسامة اللى مش بتفارق وجهه ابداً
حسيت ان علاقتى بمحمود اصبحت اقوى
رغم ان تعارفنا من فترة بسيطة جدا وهو ايضا كان دايما ما يتحدث عنى لاهله ولاصدقائه
محمود كان وقتها بكلية الاداب - قسم اعلام - السنة النهائية
وكان بيجهز اوراق الديون اللى المفروض اخده منه اعمل له الرسومات
علشان نبدأ طباعته وتوزيعه
قبل امتحانات الجامعة محمود فكر يعمل عملية القلب لانه كان مريض بالقلب منذ صغره
وقرر يعمل العملية قبل ما ينتهى من الجامعة علشان المصاريف ،
والهدف ان الجامعة هتساهم فى جزء من تكاليف العملية
لما عرفت بموضوع العملية رحت له البيت وقعدت معه
وقلت له ما تأجلها لبعدين طالما صحتك الحمد لله كويسة
قال لى متخافش دى عملية سهلة وبسيطة ودلوقتى بتتعمل
والواحد بيخرج بعدها يجرى زى الحصان ،
كنت قلقان مش عارف ليه
فى اليوم ده طلب منى ارسم له صورة للشيخ الشعراوى على لوحة كبيرة
علشان عاوز يعلقها بالمسجد بتاعهم ، يعنى زى نظام مجله حائط ،
وبالفعل رسمت له طلبه بعد كم يوم محمود انهى تجهيز اوراق العلمية
وكمان انهى امتحانات الجامعة اللى كان دايما متفوق فيها
دخل محمود معهد القلب
كنت وقتها بالشغل فى مدينة العاشر من رمضان
ولما عرفت خرجت من شغلى الى معهد القلب فى القاهرة لما دخلت عليه غرفته
لقيته اتعرف على الناس اللى فى الدور كله بالمعهد
والكل بيروح يقعد معه ، ايه يا بنتى ده لحقت فى يومين تعمل علاقات كده ،
حكيت معه شوية وجاء وقت صلاة المغرب وصلى بينا محمود امام للجماعة
وبعد الصلاة جلست معه شوية وبعدين روحت لان المسافة بين البلد والمعهد بعيدة شوية
كانت الزيارة يوم الثلاثاء وتانى يوم اتصلت به ورد عليا اخوه محمد
وقال انه هيعمل العملية بكرة الخميس
اتصلت يوم الخميس واخوه رد عليا
انا : ايه يا محمد الاخبار .. طمنى
محمد : الحمد لله محمود عمل العملية ونجحت الحمد لله
انا : هاطير من الفرح بجد الحمد لله
طيب انا هاجي لكم الليلة .. هاطلع من الشغل على المعهد على طول
محمد : لا مفيش داعى احنا يمكن نيجى البلد بكرة او بعده بالكتير
انا : طيب انا هاتصل بك كل شوية علشان اطمن على محمود
محمد : اوك ومتقلقش
عدى يوم الخميس والجمعة ورحت الشغل يوم السبت
اتصلت بمحمد يوم السبت بعد الظهر وكانو لسة بالمعهد
انا : ايه الاخبار يا محمد
محمد : الحمد لله محمود بخير
انا : هتيجو امتى البلد
محمد : ربنا يسهل يمكن اليوم او بكرة بالكتير
انا فرحان جدا ..
قضيت يوم العمل واخر النهار روحت البيت
امى حضرت لى الاكل وقلت لها بسرعة علشان هاروح اشوف محمود اليوم

ستى ام ابويا كانت قاعدة عندنا بالبيت
ناجى هو انت معرفتش
انا : عرفت ايه يا ستى
مش صاحبك مات النهاردة
انا : صاحبي مين
امى : مفيش حد كمل اكلك يا ناجى ، ده واحد تانى انت متعرفهوش
بعد ما اكلت وخلصت
امي : بص يا ناجى الموت ده بتاع ربنا واحنا ملناش يد فيه
محمود عبدالعزيز صاحبك مات والعزاء بتاعه دلوقتى
انا : ازاى ، انا اتصلت من ساعتين باخوه محمد وقال انه كويس
طلعت من البيت بسرعة ، ورحت بلد محمود ، دخلت الشارع لقيت العزاء
بصراحة مش عارفة حسيت وقتها بايه ، دخلت بدون ما اسلم على احد ،
ومقدرتش امسك نفسى من البكاء ، ووقفت مع اهله وهما بياخده عزاه
كل الاخوة والاصدقاء منهاريين فى البكاء
وقفت مع اهله حتى انتهى العزاء والناس كلها مشيت
وبعدها قعدت مع اصدقائه شوية ومحدش فينا كان عراف يتكلم ولا كلمة
الكل بجد مش قادر يمتلك اعصابه والكل بيبكي
بعدها رحت عند بيت خالى بنفس البلد
خالى: ايه يا ناجي اول مرة اشوفك بتبكي بجد
يا راجل دى ستك ام امك اللى كنت بتموت فيها لما ماتت معملتش كده
فضلت يومين بعد الوفاء بجد مش قادر امسك نفسي من البكاء
حتى وانا فى الشغل تانى يوم العزاء بجد بكيت بالدموع
بعد يومين رحت لاهل محمود البيت
وطلبت منهم اخد اوراق الشعر اللى كتبها
لانى عاوز اعملها على حسابي وهانشرها علشان اخلد ذكراه
لكن للاسف
لقيت المفاجأة
محمود كاتب وصية
منها تحرق جميع اوراقى ومؤلفاتى بعد وفاتى
ولم احصل على اى ورقة تخصه ولا حتى اوراق الديوان اللى كنت هارسم رسوماته

اسأل الله العلي القدير ان يتغمد اخى وصديقي محمود عبدالعزيز برحمته
ويدخله فسيح جناته ، واسالكم جميعا الدعاء له

الثلاثاء، 25 أغسطس، 2009

الإنسان الفعال

الإنســـــان الفعـــــــال
=====
هو الذي يعطي الحياة والظروف من حوله معان الفرح والبهجة والحيوية
وهذه العادة من الإيجابية يمكن اكتسابها بتكرار الممارسة حتى تغدو سلوكاً لا غنى لنا عنه.
تعلم كيف تخاطب نفسك بطريقة إيجابية ولا تقارنها بالآخرين
أو تدعها نهباً لمن يحاولون تثبيط همتك بل اتخذ لك صديقاً متفائلاً ناجحاً
يكون عوناً ودعماً لك ,وإذا داهمتك الضغوط فتذكر النقاط المضيئة في حياتك
وفكر في كيفية توظيفها بالشكل الأمثل وتذكر حالات مشابهة مرت بك
وتمكنت من اجتيازها بنجاحتذكر: إن الفعالية التي تواجه بها أي مشكلة
وأنت واثق من نفسك لا تقارن بالضعف الذي تواجهها به
وبداخلك شعور غامر أنها مستحيلة الحل.
إنــتــبــــــــــه
=======

الثقة بالنفس لا تأتي من فراغ أو من مجرد تمني ذلك
بل لا بد من توافر رصيد في كيانك الفكري والجسدي يؤهبك لها.
وروح المبادرة لا تعني التدخل في شؤون الآخرين
أو أجبار أنفسنا على القيام بما لا تستطيعه بل تعني وضع أهداف
وخطط متناسبة مع قدراتنا والعمل على تنمية كفاءاتنا باستمرار
الإنسان الفعال لا وقت لديه للتفكير في الفشل لأن ما يشغله
من تخطيط وعمل لا يدع له مجالاً لذلك

السبت، 22 أغسطس، 2009

المؤمن المراقب لله فى كافة أعماله تقل أخطاؤه لا محالة

المؤمن المراقب لله فى كافة أعماله تقل أخطاؤه لا محالة

وقد تزل قدمه فيأتي بعمل لا ينبغي صدوره عنه فيذكر الله

فيرى مبلغ خطيئته فيقلع عنها وهو بادي الألم عميق الحسرة .

بالمؤمن قد يخطئ وأن الله لا يكلف أحدا بالعصمة

إنما كلف المؤمن إذا اخطأ أن يتوب إلى رشده وإذا زلقت قدمه

فكبا أن ينهض من كبوته وأن يزيح ما علق به من إثم .

ثم يستأنف طريقه إلى غايته المنشودة لهذا المخطئ

عذر على خطيئته يحرص على طلب المغفرة المؤدي الى لون

من محاسبة النفس ومراقبة الله التى تحيي موات الضمير فى الانسان
=============
قال حكيم لابنه :-
اتق الله فإن لا عمل لمن لا نية له
ولا مال لمن لا رفق له
ولا حرمة لمن لا دين له
=============
ولست ارى السعادة جمع مال 000
000 ولكن التقي هو السعيد
وتقوى الله خير الزاد ذخراً 000
000 وعند الله للأتقى مزيد
===============
السنَّة تعجيل الفطر في الصيام
أسأل هل الإفطار فرض أم لا؟ فعندما يصل المسلم إلى المسجد وقت صلاة المغرب،
وفي أثناء وقت الإفطار، فهل عليه/عليها أن يفطر أولا ثم يدرك الجماعة، أم يصلي أولا ثم يفطر؟.

الحمد لله
السنَّة أن يعجّل الإنسان الفطر ، وهذا الذي تدل عليه الأحاديث فعَنْ سَهْلِ بْنِ سَعْدٍ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ : ( قَالَ لا يَزَالُ النَّاسُ بِخَيْرٍ مَا عَجَّلُوا الْفِطْرَ ) رواه البخاري (1821) ومسلم (1838)
فالذي ينبغي المبادرة إلى الإفطار على لقيمات يسكن بها جوعه ثم يقوم إلى الصلاة ، ثم إن شاء عاد إلى الطعام حتى يقضي حاجته منه .
وهذا كان فعل النبي عليه الصلاة والسلام ، فعن أَنَسِ بْنِ مَالِكٍ قَالَ : ( كَانَ النَّبِيُّ صَلَّى اللَّهُ عَلَيْهِ وَسَلَّمَ يُفْطِرُ قَبْلَ أَنْ يُصَلِّيَ عَلَى رُطَبَاتٍ فَإِنْ لَمْ تَكُنْ رُطَبَاتٌ فَتُمَيْرَاتٌ فَإِنْ لَمْ تَكُنْ تُمَيْرَاتٌ حَسَا حَسَوَاتٍ مِنْ مَاءٍ ) رواه الترمذي (الصوم / 632) وصححه الألباني في صحيح أبي داود برقم (560)
قال المباركفوري في شرحه للحديث : وَفِيهِ إِشَارَةٌ إِلَى كَمَالِ الْمُبَالَغَةِ فِي اِسْتِحْبَابِ تَعْجِيلِ الْفِطْرِ .
الشيخ محمد صالح المنجد
منقول

الجمعة، 21 أغسطس، 2009

جدول يعينك على طاعة الله في رمضان


جدول يعينك على طاعة الله في رمضان

=================
لقد اظلنا شهر كريم وموسم عظيم يعظم الله فيه الاجر ويجزل العطاء .

شهر الخير والبركات . فاقول لكم كل عام وانتم متقربين الى الله بالطاعات

فان بلوغ رمضان نعمة كبيرة على من بلغه وقام بحقه بالرجوع الى ربه

من معصيته الى طاعته ومن الغفلة عنه الى ذكره ومن البعد عنه الى

الانابة اليه ياذا الذي ماكفاه الذنب في رجب ...

حتى عصى ربه في شهر شعبـان لقد اضلك شهر الصوم بعدهمـا ...

فلا تصيره ايضا شهـر عصيـان واتـل القران وسبح فيه مجتهـدا ...

فانـه شهـر تسبيــح وقــرآن كم كنت تعرف ممن صام في سلف ...

من بين اهـل وجيران واخـوانافنـاهم الموت واستبقـاك بعدهـم ...

حينا فما اقرب القاصي من الداني فاليك اخيه جدول يعينك على طاعة الله في رمضان

واسال الله ان يرينا الحق حقا ويرزقنا اتباعه ويرينا الباطل باطلا ويرزقنا اجتنابه


الفجــر ...

- اداء صلاة الفجر ثم اذكار الصلاة وبعدها اذكار الصباح .

-الجلوس بعد الصلاة الى ان تشرق الشمس للذكر وتلاوة القران ثم صلاة الركعتين .

- النوم بعدها مع الاحتساب فيه . - الاستيقاظ الساعة الحادية عشر لاداء صلاة الضحى .

- مزاولة اعمال المنزل مع ملازمة ذكر الله والاستغفار اثناء العمل وقراءة كتاب الله .

الظهــر ...

- صلاة الظهر في وقتها ثم قراءة الاذكار بعدها .

- تخصيص وقت بعد الصلاة لتلاوة مالايقل عن جزء واحد من كتاب الله .

- اذا احتجتي الى قسط من الراحة واكمال بعض الاعمال فلاباس .

العصــر ...

- صلاة العصر ثم الاذكار بعدها .
- تحضير طعام الافطار مع مراعاة عدم التكلف والاسراف فيه والاستفادة من الوقت بذكر الله

والاستماع الى شريط مفيد اثناء العمل . المغــرب ...

- اذكار المساء والاستعداد لتناول طعام الافطار والدعاء اثناء الافطار فان الدعاء عند الافطار مستجاب .

- ويستحب عدم الاكثار من الاكل لانه يكسل عن العبادة .

المغـــرب ....

- اداء صلاة المغرب في وقتها ثم اذكار الصلاة .

- الاجتماع مع الاسرة والاهل وتدارس مايفيد ويمكن اكمال بعض الاعمال او تناول بقية الافطار .

العشــاء ...

- صلاة العشاء في وقتها ثم الاذكار بعدها .

- الحرص على صلاة التراويح في البيت او في المسجد .

- بعد التراويح يمكن زيارة الاقارب والجيران مع الاستفادة من الوقت واجتناب الكلام المحرم .

- اجتناب السهر والحرص على النوم في الليل فان فيه خير وبركة وتطبيق سنة المصطفى في النوم وذلك من النوم على طهارة وعلى الجانب الايمن والاذكار والادعية .

- الاستيقاظ قبل الفجر بوقت للتهجد وقيام الليل ودعاء الله في الثلث الاخير من الليل .
====================
كل اخوانى واخواتى واصدقائي كل سنة وانتم بخير ياترى مين اول واحد هيعزمنى لما انزل مصر هههههه


الخميس، 20 أغسطس، 2009

اقبل رمضــــــان


ماذا أفعل قبل أن يأتي رمضان؟
================
1- أحاول أن أضع أمامي الهدف من الصيام ، وهو الآية الكريمة
"يا أيُّها الذينَ آمَنوا كُتِبَ عليكُمُ الصيامُ كما كُتِبَ على الذين مِن قبلكم لعلَّكُم تتَّقون "
أي أن المقصود من الصيام هو أن أصبح تقياً...
أي أن أخشى الله عز وجل وأجعل بيني وبين غضبه وقاية،
بأن أُخلص نيتي لله عز وجل ثم أتَّبع أوامر الله تعالى ، وأجتنب نواهيه .
لذا يجب أن أعلق هذه الآية في مكان يراه أهل البيت جميعاً،
مع ملاحظة وضع خط تحت الكلمتين " لعلكم تتقون" أو كتابتهما بخط كبير واضح .
2
- أبدأ الاستعداد وتمرين نفسي من الآن ، كي أكون في رمضان
من المتقين الفائزين برضوان الله وجناته .
3- أحاول تغيير عادة سيئة من عاداتي واستبدالها بعادة حميدة ....
فإذا كنت أعتاد السهر إلى وقت متأخر حتى تضيع مني صلاة الفجر مثلاً ،
فيجب أن أعوِّد نفسي - بالتدريج ، مع الاستعانة بالله والدعاء –
على النوم المبكر من أجل الاستيقاظ قبل الفجر لقيام الليل وصلاة الفجر.

-4أحاول تحسين أخلاقي ، بالابتعاد عن خُلُق سيء كنت أفعله، وأستبدله بخُلُق حَسَن ....
فإذا كنت فضولي مثلاً ، فيمكنني أن أستبدل هذا الخُلُق بالسؤال عن أماكن سكن اليتامى
والأرامل ، والبحث عنها لأدل عليهم الآخرين من أقاربي ومعارفي
لكي يحاولوا رعايتهم وكفالتهم ، فأنال بذلك أجر كفالة اليتامي ....
لأن الدال على الخير كفاعله .ولنا أن نتخيل : إذا كان حُسن الخُلُق من أثقل الأعمال في الميزان،
فما بالنا إذا اقترن حُسن الخُلُق بالصيام والقيام ؟!!
-5 أَرفِق بنفسي في عبادتي لله ، فأقوم بعمل خطة تدريجية لقيام الليل مثلاً،
فأبدأ بركعتين قبل أذان الفجر ولو بخمس دقائق- و لا أنسى أن الدعاء مستجاب يقيناً في هذا الوقت –
وبعد أن أعتادها أجعل قراءتي في القيام بسور أطول ،
وفي المرحلة التالية أستيقظ قبل الفجر بربع ساعة ، ليكون لدي وقت للتسبيح
والاستغفار حتى أذان الفجر، فإذا تبقى لي وقت قبل أذان الفجر قمت بتلاوة بعض آيات القرآن
من المصحف بعد التسبيح والاستغفار ، فإذا شعرت بحلاوة قيام الليل وصارت نفسي تهفو
إليه إستيقظتُ قبل الفجر بنصف ساعة وصليت عدداً أكبر من الركعات.
6- إذا كانت هناك شحناء أو بغضاء نحو أحد فيجب أن أستعين بالله لكي يطهِّر قلبي منها
وأبادر إلى مصالحته وأنا أذكر حديث النبي صلى الله عليه وسلم " و خيرُهُما الذي يبدأُ بالسلام "
، ثم الدعاء له بالمغفرة ، حتى أدخل شهر رمضان نقي الصدر ، سليم القلب ،
فتكون المغفرة أقرب ، ولأن هذه هي الطهارة الداخلية .
7- أعوِّد نفسي – بالتدريج – على (الطهارة الخارجية ) بأن أتوضأ في غير أوقات الصلاة ،
مثل: قبل النوم ، وقبل الذهاب لدرس علم ديني ، وقبل الخروج من المنزل ،
و لا أنسى أن أصلي ركعتي سُنَّة الوضوء ، فقد كان سيدنا بلال كلما أحدث توضأ وصلى ركعتين ،
فكانت النتيجة أن سمع النبي صلى الله عليه وسلم خشخشة (صوت )
نعلية في الجنة !!!!كما كان البخاري يغتسل و يصلي قبل أن يكتب الأحاديث النبوية !!!
8- إذا كان لديَّ أمانات ، كشريط مثلاً أو كتاب... أو أي شيء أقترضته ونسيت أن أرده ،
فيجب أن أبادر بردها لأصحابها على الفور .
9- أطلب من أصحاب الحقوق عليَّ أن يسامحوني ، سواء كنت اغتَبتُهم أو ظلمتهم ،
أو غير ذلك ... فإن لم يتيسر لي ذلك ، قمتُ بالدعاء لهم : " اللهم اغفر لي ولوالدّيَّ ولِمَن كان له ُحقٌ عليَّ "
10- أحاول أصِل أرحامي ، وجيراني ، وإخوتي في الله ، وأهدي كل منهم –قدر الإمكان –
طبقاً من التمر ليفطروا عليه وأنال ثواب صيامهم جميعا .
11- أحاول أن أدعو أهل بيتي وجيراني وأقاربي للاستعداد لرمضان حتى يكونوا من عتقاء الله
من النار في هذا الشهر الكريم، سواء بنسخ هذه الورقة وإهدائها لهم، أو بشريط ، أو مطوية ،
أو عن طريق الحديث إليهم مباشرة ...... وذلك حتى أتفرغ للعبادة في رمضان .
12- أحاول أن أُدخل السرور على قلوب المكروبين ، أو المستضعفين ، ولو بكلمة طيبة ،
أو ابتسامة حانية، كما أُبَشِّرهم بكرم الله وعطاءه في رمضان ليبتهجوا ،
و أذكِِّرهم بأن السعادة الحقيقية هي الفوز برضوان الله والجنة ، والنجاة من النار،
كما لا أنسى إهدائهم دعاء الكرب كما ورد في القرآن الكريم : "
لا إله إلا أنتَ سُبحانك إنِّي كُنتُ من الظالمين" " حسبي اللهُ لا إلهَ إلا هو عليهِ توكَّلتُ وهوَ ربُّ العرش العظيم " ،
" وأفوَّضُ أمري إلى الله إنَّ اللهَ بصيرٌُ بالعِباد" ، "إنَّما أشكو بَثِّي وحُزني إلى الله "
وكما ورد في سُنَّة الحبيب صلى الله عليه وسلم: " اللهم إنِّي أعوذُ بك مِن الهَمِّ والحَزَن ،
وأعوذُ بكَ من العَجز والكسَل، وأعوذُ بِكَ من الجُبن والبُخل، وأعوذُ بك من غَلَبَةِ الدَّينِ وقهرِ الرِّجال "
" لا إله إلا الله الحليم الكريم، لا إله إلا الله العلي العظيم، سبحان رب السماوات السَّبع ورب العرش العظيم،
الحمد لله رب العالَمين " كما أذكِّرهم بحديث الرسول صلى الله عليه وسلم:"
مَن لَزِمَ الاستغفار جعل الله له من هَمٍّ فرجا ، ومن كل ضيقٍ مَخرَجا ، ورزقه من حيث لا يحتسب "
13- أحاول –من خلال الدعاء والاستعانة بالله تعالى – أن أُصلِح بين المتخاصمين من أقاربي وجيراني
حتى يهل عليهم رمضان ونفوسهم صافية وقلوبهم راضية، وأنال ثواب إصلاح ذات البَين الذي
قال عنه الله تعالى في سورة الحجرات : :
{وإنْ طائِفتان من المؤمنين اقْتَتَلُوا فأصلحوا بينَهما فإنْ بَغَتْ إحداهما على الأُخرى فقاتِلوا الَّتي تَبْغي
حتَّى تَفِيء إلى أمر الله فإنْ فاءَتْ فأصلحوا بينَهما بالعدلِ وأقْسِطُوا إنَّ الله يحبُّ المُقْسطين(9)
إنَّما المؤمنونَ إخوةٌ فأصلحوا بين أخوَيْكم واتَّقوا الله لعلَّكم تُرحمون(10)}
وقال عنه صلى الله عليه وسلم : "
«ألا أُخبركم بأفضل من درجة الصِّيام والصَّلاة والصَّدقة؟ قالوا: بلى يارسول الله! قال: إصلاح ذات البين»
(رواه البخاري ومسلم).
كما أكون بذلك قد أنقذتهم من عدم رفع أعمالهم إلى الله تعالى بسبب الخصام ،
فيفوزون في رمضان وأفوز معهم بفضل الله .
14- أترك ما في يدي حين يؤذَّن للصلاة ، وأنتبه لما يقوله المؤذِّن ، ثم أردِّد معه ...
حتى أنال حسنات بعدد من استمع لهذ الأذان ، ويرتبط قلبي بخالقي وبالصلاة ،
فيكون ذلك عوناً لي على الخشوع في الصلاة ، فأُصبح من المُفلحين في رمضان وغير رمضان !!!!
15- أقوم بتحويل حياتي كلها إلى عبادة من خلال النية ، فإذا أكلت كانت نيتي هي أن أقوِّي جسمي لأقوم بالصلاة
على أكمل وجه ممكن ، وإذا نمت مبكراً كانت نيتي هي أن أستيقظ لقيام الليل، ثم صلاة الفجر،
وإذا مارست الرياضة البدنية كانت نيتي هي أن أكون مؤمناً قويَّاً ، صحيح البدن،
وإذا لبست ثياباً نظيفة وأنيقة كانت نيتي هي أن يرى الناس كم هو المسلم نظيف وأنيق ،
وإذا قامت ربة البيت بإعداد الطعام ، كانت نيتها هي إطعام الطعام ، و تفطير الصائمين لتنال بذلك أجرا ًعظيماً،
وإذا عاملت ُالناس بِخُلُقٍ حَسَن كانت نيتي هي أن التأسِّي برسول الله صلى الله عليه وسلم وأن أكون من أقرب الناس
منه مجلسا ًيوم القيامة ، وأن أكون مُسلما ً قُدوة ، وأن تكون أخلاقي دعاية حسنة متحركة للإسلام ...وهكذا .
16- أتوجه إلى الله تعالى بالدعاء " اللهم بارك لي في شعبان وبَلِّغني رمضان، وارزقني فيه من الصالحات
ما يُرضيك عِّي، واجعلني فيه من عُتَقائك من النار، اللهم إني أسألك برحمتك التي وَسِعَت كَُّل شيء
أن تغفر لي وتتوب علي وتُحسن خاتمتي "
17- أدرِّب نفسي على الصيام بأن أصوم ما أستطيع من شعبان ،
بِنية التأسي بالنبي صلى الله عليه وسلم، وبنية أن أدرِّب نفسي على الصيام ،حتى لا أصاب بصداع
أو إرهاق حين يأتي رمضان فأضيع بداية الشهر دون طاعات كثيرة .
18- أدرِّب نفسي على تلاوة القرآن الكريم ، فأتلو منه ولو صفحة يومياً ،
وأنا أشعر أن هذا هو المنهج الذي أرسله لي الله سبحانه ويسر لي-بفضل منه -
تلاوته ...حتى أستنير به في حياتي وأصل – إن سِرت على نهجه –
إلى السعادة والنجاح في الدنيا والآخرة ، وحتى أتمكن في رمضان من أن أتلو عدداً أكبر من الآيات ....
ويا حبذا لو كانت التلاوة من مصحف بهامشه تفسير ميسَّر حتى تكون التلاوة بفهم فتكون الفائدة مضاعفة .
19- أحاول أن أدَّخِر ما يتيسر من المال بحيث أستطيع إنفاقه في رمضان ، فأنفق في كل يوم من أيامه المباركة ،
ولو جنيه... أو أقل ، لأنال ثواب المنفقين في رمضان ، وأستفيد من فرصة مضاعفة الحسنات فيه .
20- أحاول تقليل طعامي-قدر المستطاع - وأمارس التمرينات الرياضية المنزلية الخفيفة ،
حتى أكون نشيطاً في رمضان لصلاة التراويح ، وخدمة العباد ، وتفطير الصائمين ،
ولا أنى أن أدعو الله سبحانه : " اللهم يا قويُّ ، قَوِّ روحي وبدَني على طاعتِك ...وأَعِنِّي على ذِكرِكَ ، وشُكرِك،
و حُسن عبادتك" " اللهم حبِّب إليَّ الإيمان وزيِّنه في قلبي وكَرِّه إليَّ الكُفرَ والفُسوق والعِصيان "
21- أتذكر ذنوبي واحداً واحداً وأستغفر الله تعالى منه وأتوب ، حتى يمحوه لي،
ف"التائب من الذَّنب كمَن لا ذنبَ له"، و" االتائب حبيبُ الرحمن"
كما قال صلى الله عليه وسلم وحتى أدخل شهر رمضان بصحيفة بيضاء أقوم – بإذن الله تعالى- بملئها بالحسنات .
22- أنوي أن أكون في رمضان عبداً خالصاً لله تعالى: أتحرك لإرضاءه ،وأسكُن لإرضاءه، وأتكلم لإرضاءه ، وأصمُت لإرضاءه .
23- أستعين به تعالى على نَفسي وأهوائها بعد أن سلسَل لي كِبار الشياطين ، ورزقني بدعاء الملائكة واستغفارها لي ليل نهار ، وضاعف لي الحسنة بسبعين ضعف ...فإن لم استطع تنفيذ ذلك أو لم يكن أدائي في رمضان كما كنت أتمنى، حصلتُ على الثواب بالنِّية !!!!!
24- لا أنسى العُصاة والغافلين من أرحامي وجيراني ومعارفي ، و غيرهم من المسلمين في كل أنحاء الأرض، فأدعو الله تعالى لهم بالهداية والتوفيق إلى طاعته ، وأستغفر الله لهم ... عساه أن يغفر لي معهم ، وأن يعطيني الأجر عن كل واحد منهم، ويمن عليهم بالهداية فتقر عيني بذلك ، و أكون سبباً في نجاتهم من النار ، بعد فضل الله تعالى . وأخيراً لا أنسى أن أهدي هذه الأفكار لكل من أستطيع لننال جميعاً الأجر إن شاء الله
----- منقـــــول ----

السبت، 15 أغسطس، 2009

كيف تعرف أنك مؤمن ؟؟

بمناسبة شهر رمضان الكريم وكل عام والجميع بخير
حبيت ابدء من الآن فى بعض الموضوعات الدينية وطبعا هى موضوعات منقولة لانى لست فقيه بالدين مع انتى اتمنى ذلك وادعوا الله ان يهدينى لما يحبه ويرضاه ان شاء الله ناوي اقدم بالمدونة بعض الاشياء التى تدل على اننا مسلمين بجد وان شاء الله هيكون فيه تنوع ، بمعنى هيكون فيه آيات قرآنية واحاديث وحكمة واسئلة واجوبة واللى عنده اقتراح اتمنى انه يقدمه
ودى البداية .................
كيف تعرف أنك مؤمن؟؟
أعرض نفسك على صفات المؤمنين فى القرآن,
و أنظر هل أنت ممن تتوافر فيهم هذة الصفات.
قال تعالي " قَدْ أَفْلَحَ الْمُؤْمِنُونَ "
فمن هم يارب المؤمنون؟؟؟

" الَّذِينَ هُمْ فِي صَلَاتِهِمْ خَاشِعُونَ "
فهل أنت خاشع فى صلاتك ؟؟
" وَالَّذِينَ هُمْ عَنِ اللَّغْوِ مُعْرِضُونَ "
فهل أنت تعرض عن اللغو ؟؟
" وَالَّذِينَ هُمْ لِلزَّكَاةِ فَاعِلُونَ "
فهل أنت تؤدى الزكاة ؟؟
" وَالَّذِينَ هُمْ لِفُرُوجِهِمْ حَافِظُونَ * إِلَّا عَلَى أَزْوَاجِهِمْ أوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ "
" وَالَّذِينَ هُمْ لِأَمَانَاتِهِمْ وَعَهْدِهِمْ رَاعُونَ "
فهل أنت ترعى الأمانة و العهد ؟؟
" وَالَّذِينَ هُمْ عَلَى صَلَوَاتِهِمْ يُحَافِظُونَ "
فهل أنت تحافظ على الصلوات فى أوقاتها و فى المسجد ؟؟

و قال تعالى فى سورة الأنفال
" إِنَّمَا الْمُؤْمِنُونَ الَّذِينَ إِذَا ذُكِرَ اللّهُ وَجِلَتْ قُلُوبُهُمْ وَإِذَا تُلِيَتْ عَلَيْهِمْ آيَاتُهُ زَادَتْهُمْ إِيمَاناً وَعَلَى رَبِّهِمْ يَتَوَكَّلُونَ * الَّذِينَ يُقِيمُونَ الصَّلاَةَ وَمِمَّا رَزَقْنَاهُمْ يُنفِقُونَ * أُوْلَـئِكَ هُمُ الْمُؤْمِنُونَ حَقّاً لَّهُمْ دَرَجَاتٌ عِندَ رَبِّهِمْ وَمَغْفِرَةٌ وَرِزْقٌ كَرِيمٌ"
فهل إذا ذكر الله وجل قلبك, هل إذا تليت آياته زادتك إيمانا, هل تتوكل على ربك؟؟
فاعرض نفسك على آيات الله ستعرف هل أنت مؤمن أم لا

الأربعاء، 12 أغسطس، 2009

الى الابد



كادت ان تفقدني

فأوشكت أن تعود
هربت منها كثيرا

هربت إلى الأبد

وهرولت فيه ورمحت

حتى اضيع

وعدت من الأبد

واقفا على قدم خجلي من السفر

فهي اوشكت ان تعود

كنت دائما معها

بجوارها

امامها ومن خلفها

كنت دائما بحرا ينساب

بين العقل والعين

كنت دائما ما ادخل بالها

لارسم ابداعي

واكتب عناويني واخباري

فاهرب مني في بالها

وبالها لم يعد يسعني

هربت من بالها

الى بالي

وعاد بالي مشغولا

بابداع في عينيها

نتحاور كثيرا

ونتحدث عنها

انا وبالي

ونتسائل

هل حقا اوشكت ان تعود؟

كادت ان يضيع منها انا

فهي انا زمان

كتب عليها ان تحيا فيه

هو عمرها

وكادت ان تفقد عمرها

وانا

انا عمرها

فهل تعود؟

لن اضيع ابدا

واطلاقا لن اضيع

فهي لم تلقاني

ولم نتواعد ونتحاور

لم نتبادل الهدايا والدمى كالاطفال

لم نتراسل بمكاتيب غرام

هي لم تجلس امامي

ولم تداعب دخان سجائري

ولم تعلق على الفاظي

ومنطق كلامي الغريب

لم تسألني

ما بالي وانا معها

لم اصغ اليها

وانا امامها

واجد نفسي اخونها

وافكر في خيالها وهي معي

فهي لم تكن معي

فهل تعود؟

كانت تنتظر عودتي

من السفر فيها

وتنتظر دائما حروفي التي اجمعها

من اجلها

كنت اهديها حروفي

في كل عيد نلتقي فيه

كفراش يلهو فوق نبات التيل

كنت لا انظر اليها كثيرا

ونتحدث كثيرا

كحديث

مغرم

بحديث

كانت كلماتنا

اثواب بيضاء

بداخلها

نفس حواء

وترقض حولنا

كاسراب اليمام

انها حروفي

بعثرتها فوق اوراقي

وعادت من المنفى

تلتقي من جديد

لتأتيني بالجديد

وتخبرني

انها

لن تعود
....................
فهي

اطلاقا لم ترحل

فهي أنا

وانا موجود

فمن اين اعود

الكلمات لصديقي محمد اما الرسمة ؟؟؟


الثلاثاء، 11 أغسطس، 2009

وجوه متعددة

هو الانسان منا ينفع يكون له كم وجه علشان يعيش فى الزمن ده ؟؟؟

بصراحة مش عارف اقول ايه بجد
المفروض ان اليوم يوم البهجة زي ما شفت فى معظم المدونات
لكن بالرغم ان ذو الوجه المبتسم يكون مفروض اول واحد يبتسم
الا انى بجد مش عارف ليه حاسس بمضايقة وزهقان

تذكرت امبارح المواقف والمشكلات اللى كانت بتواجهنى فى العمل
ولما فكرت فيها مش عارف . ياترى انا غلطان ولا ايه
ياترى بجد الطيبة فى الزمن ده اسمها ساذاجة
انا مش ساذج ولا عمرى كنت ساذج ابدا
يمكن متسرع شوية فى اتخاذ القرار وبالرغم ان القرار الحمد لله بيكون صح بنسبة كبيرة
الا نى بابص حواليا مش شايف غير ناس كل همها المصلحة حتى الاقرباء والاصدقاء

ابسط مواقف حصل قريب جدا هنا معى بالسعودية

فيه بوست نزلته من فترة عن المحاسب القانونى عصام الراجل الكبير اللى عمره فوق ال 70 سنة
وكنت بجد مبسوط بمزحه وكلامه وكنت باضحكه بجد الا انى اكتشفت شئ طبعا مش غريب قوى
بعد يومين من المراجعة على حساباتى والحمد لله شغلى 100 % صح
مش هاحكى تفاصيل قوى عن خلافى البسيط معه لقيته مرة واحدة واقف من على الكرسي وطلب انه يروح ويرجع لى تانى يوم اكون جهزت له اوراق معينة وقلت له حاضر فجأة والله لقيته بيتكلم بصوت عالي بدون مقدمات وانا اكتر شئ بيستفزنى ان اى حد مهما كان مركزه يتكلم معى باسلوب غير لائق
كلمته باسلوب كويس لكن لقيته بيزيد فيها كنت باكلمه بصوت منخفض يقول مش سامعك ولما اتكلم بصوت اعلى يقول انت بتزعق لى
كنت باضحك والله مش عارف اتصرف معه ازاى
توقعت انه بيعمل كده علشان يشوف رد فعلى يكون ازاى
المهم راح اتصل بالدكتور صاحب المدارس واشتكى له والدكتور طبيعي اتصل عليا وسالنى
بس مش قال لى ايه اللى حصل ولا حتى زعق لكنه سالنى تقدر تعمل ميزانية قلت له ايه المشكلة عادي يعنى .. قال لى لا متعرفش وبعدين قال لى مزعل ا عصام ضحكك بجد وتوقعت انه معنا على الخط وبالفعل كان معنا على الخط المهم الدكتور قال لى شوفه عاوز ايه واعمله وبالفعل خلصت كل شئ .. وعصام جه عندى المكتب ورجع يضحك تانى
وجالى بعدها كم يوم وكان بيضحك ويتكلم كاننا اصدقاء من زمان وانا بطبيعتى مش باحب اكشر وباضحك
بعد كم يوم سالت عصام هو الدكتور سالك عنى وعن شغلى قال انا قلت له انك مية مية وهو مبسوط منك
هههههههههههههههههه
افتكرت نكتة المدير مبسوط منك قوى وبيقول لك مستغنيين عن خدماتك هههههههههه
بعد كم يوم قلت اشوف النبض عند الدكتور عامل ايه بالنسبة ليا
المفروض فى الصيف فيه دوام تانى بعد العصر .. طبعا قلت اطلب اضافى عن الوقت اللى هاقعده ده
رد الفعل كان ارجع لاتفقنا بالقاهرة لو مش عاجبك تقدر تسافر مصر واتفقنا بالقاهرة كان مغرى لاى حد ان الراتب كذا وتقدر تشتغل باى مكان تانى بالاضافة لشغل معنا وبدل سكن وكمان اولادك هيتعلموا بمدراس انترناشيونال على حساب المدرسة هو فيه كده ايه رايكم هههههههههههه
هو يعنى تهديد دي الارزاق بيد الله رحت باعت له فاكس ذكرته فيه بالاتفاق كذا وكذا وانى منتظر قرار خروجى نهائي من السعودية وعرفته انى مش الانسان اللى ممكن يتنازل عن مبادئه علشان اى فلوس
المهم المفاجأة كانت انه عمل تأشيرة الخروج النهائي بالفعل بناء على كلام الاخ عصام وكان عاملها اصلا قبل انا ما اطلب
اللى المفروض رجل مصري محترم هههههههههه محترم قوى
هو ده اللى بيحصل فى الغربة بين المصريين
ده بالاضافة للى بيحصل من بعض الاخوة الزملاء والتضارب فى الاقوال والافعال يبقي الواحد بيضحك فى وشك ومن وراك بيقول كلام ؟؟؟ اللى باقوله مش مجرد توقع ده حقيقة والله وعرفتها من المصدر الرئيسي لتلقي المعلومات افهموها لوحدكم
اللى مضايقنى بجد ليه كده ... ليه بنعمل فى انفسنا كده
امبارح جه عندى بالمكتب ولى امر عاوز يسحب ملف اولاده من المدرسة وينقلهم لمدرسة تانية ولما سالته عن السبب مرضيش يقول الا انه ذكر فى معنى كلامه ان المصريين بيعملوا فى بعض عمايل سودا
قلت له انت كمان .. بالرغم انه مهندس وكبير الا انه بيشتكى من الافعال دى
والله مش شكوى من المصريين فيه ناس كتير محترمة
حتى قلت للمهندس امبارح مش كل المصريين وحشيين بص لي واستغرب
قلت له يكفي ان حضرتك مصري وانا مصري
وده دليل على ان فيه ناس محترمة
طبعا بعد حوار معه كبير حسيت ان الراجل عاوز يرجع فى كلامه بخصوص الانسحاب بس قال ان شاء الله نكون على اتصال ببعض حتى لو مفيش نصيب يكون اولاده موجودين هنا وبعد ما كان مكشر وناقم على الوضع لقيته ابتسم

المواقف اللى حصلت لى كتير وكمان من ناس كانو اعز الاصدقاء
لكن للاسف الزمن ده على رأي ناس كتير اصبح ( زمن المصالح والفلوس وبس )

السؤال ؟
- انا مبدئي صح ولا غلط
- اعمل زي الاخريين وكل اللى يهمنى مصلحة نفسي وبس
طيب المكسب هيكون ايه فلوس .............. طظ طظ طظ .. اسف للفظ

على فكرة الحمد لله الان الوضع مستقر وتأشيرة الخروج النهائي اتكنسلت.. والحمد لله مازلت متمسك بمبادئي ومش هاتنازل عنها

يمكن احكى عن المواقف الاخري اللى حصلت لى بفترة عملى بمصر وبالسعودية يمكن اقدر اعرف رأي الاخرين يمكن انا غلط مش عيب انى اصحح من نفسي ومن افكارى

دلوقتى فيه حاجة كمان

الاخ الزميل اللى المفروض اجازة حاليا والمفروض يرجع يوم 6 /9 منتصف رمضان يعنى وانا كمان حجزت بالفعل على يوم 8 / 9 بعت لى رسالة بيقول انه مش هيقدر يجي علشان عنده ظروف قهرية بالرغم انى عارف مسبقا انه عامل حسابه اصلا انه يقضي العيد بمصر .. طبعا المدير مش هيوافق انزل الا لما هو يجي علشان يستلم منى الشغل

الحل ايه دلوقتى ؟ اطلب انزل نهائي .. ولا انتظر ولا ايه رأيكم

طولت ؟؟؟




الخميس، 6 أغسطس، 2009

نأسف للازعاج " المرأة وكرسي العرش بمجلس الشعب "

امبارح باللبل كنت قاعد قدام التليفزيون باتفرج على برنامج نأسف للازعاج للمذيعة المتمكنة منى الحسينى وكان معها ضيف وهو عضو مجلس الشعب وضيفة رئيسة جمعية المرأة فى مصر
المهم الموضوع كان ايه
عضوية المرأة بمجلس الشعب وتحديد 64 كرسي للمرأة
ياسلاااااااااااااااام
وايه المشكلة اعملووووووا اللى يريحكم
انا اول واحد اصفق لاى امرأة ناجحة بعملها ومتفوقة حتى لو اعلى منى بالمراتب الوظيفية والعلمية
لكن الكارثة مش فى كدة ... الكارثة موضوع العلمانية اللى طالعين فيها جديد
- هى مصر ممكن تكون دولة علمانية بجد ؟؟

هو صحيح العلمانية هى فصل الدين عن الدولة
هو ينفع الدين نفصله عن حياتنا
ماهى حياتنا هى ديننا وديننا هو حياتنا
طيب والجهات اللى بتمول الفكر العلمانى ده

هتستفيد ايه ؟؟؟؟؟؟؟

وايه يعنى
على بركة الله ..علمانية ...علمانية
الموضوع كبير قووووووووى
ومش هينفع الكلام فيه على الطاااااااااااير

ســـــــــؤال ؟؟
- هى حرية المرأة الحقيقية بتكمن في ايه ؟؟
- ياترى وصولها للمناصب العليا فى الحكم هتعمل بها ايه وهتوصلها لايه ؟؟؟؟
- هو ينفع للمرأة انها تشرع تشريعات ؟؟؟ يمكن ؟
- طيب دور المرأة اللى هتوصل لدرجة عالية بالحكم ؟ نظامها هيكون ازاى فى بيتها وزوجها واولادها ؟؟؟؟
- هى المرأة كانت بتعمل ايه فى عهد الرسول عليه الصلاة والسلام ؟
- هل لو نظرنا فعلا للمرأة ايام الرسول ده نسميه رجعية وتخلف ؟
- هو لازم يعنى التقليد الاعمى للغرب فى كل شئ ؟
- قال تعالى: {وقرن في بيوتكن ولا تبرجن تبرج الجاهلية الأولى وأقمن الصلاة وآتين الزكاة وأطعن الله ورسوله إنما يريد الله ليذهب عنكم الرجس أهل البيت ويطهركم تطهيرا}. هو شرح الآية الكريمة ايه بالضبط ؟؟

وفى الاخر باقول ان المرأة دي هى امى واختى وزوجتى وابنتى
واتمنى لها كل التقدم والتطوير والرقي
لكن فى حدود اللى ربنا شرعه لها

الصورة بتحكى عن نفسها ؟ الموافق على هذا الوضع يتفضل برفع يده

موافقوووووووووووون هههههههههههههههه

معلش هو بوست رخم شوية بس معلش فكرة وجت لى وقلت اكتبها

اهو بندردش شوية

الثلاثاء، 4 أغسطس، 2009

رسمة وفكرة وتعليق

بمناسبة الجمعيات النسائية المنشرة حاليا واللى بتطالب بالحرية والمساواة والذي منه
طبعا انا مش هاعلق على الرسمة دلوقتى .. عاوز كل واحد يعلق باللى هو شايفه من وجهة نظره بدون تقيد او تردد وطبعا كل واحد وكل واحدة له حق الرد

هى نفس الرسمة بس فيه اختلاف بسيط



دى طبعا واحد صاحبنا دعك الفانوس وطلع له العفريت ياترى لو انت مكانه هتطلب ايه والعفريت هيرد عليك هيقول ايه
---- لتكبير الرسم اضغط عليه ؟؟؟