انتخابات دي ولا مجازر ؟؟!!!!

انتخابات ايه وزفت ايه اللى يخلينا نقتل بعض

بالذمة مش المفروض الناس دي بترشح نفسها علشان الشعب ومصالحه

طيب وايه بقي اللى احنا بناخده منهم غير كده

قلة ادب وقل ضمير

حرام عليكم يا بشررررررررررر

ارحمونا بقي

http://yala-video.blogspot.com/2010/11/blog-post_5863.html

رابط تصوير حالات اصابات اثناء الانتخابات

سؤالى هناااااااااا

** فين القيادة العليا وحكمتها

** فين الامانة والحفاظ على حقوقنا بابسط الاشياء

** هى الحاجات دي بتحصل عندنا احنا بس ولا بكل البلاد

ياااااااااااااااااه ارحمونا او موتونااااا احسن اكتر ما احنا ميتين

اثار مصر تحت الميكرسكوب العالمي

السلام عليكم ورحمة الله وبركاته

اخواتى واخواتى واصدقائي المدونين وحشتوني

اولا :كل سنة وانتم بخير - عيد اضحى مبارك عليكم جميعا

ثانيا باعتذر عن فترة غيابي الطويل وده كان غصب عنى بسبب عودتى الى مصر من السعودية نهائيا لاسباب لا داعي لذكرها

ثالثا الموضوعات كتير لكن انا حبيت اكتب فى الموضوع ده بالذات وهو الاثار المصرية القديمة لان الموضوع اصبح منتشر بشكل غير طبيعي وبيحصل فيه حاجات غريبة جدا

قبل عودتى لمصر كنت اسمع ان فيه اثار مصرية قديمة الناس بتبحث عنها تحت الارض وحتى كان فيه بعض المشاهد بمسلسل الحارة بخصوص الموضوع ده

بالنسبة لى انا شخصيا شفت الموضوع ده بيحصل عندنا بالبلد والغريب مش البحث عن الاثار لكن الغريب مين اللى بيبحث لدرجة ان الناس فى البلد كان ممكن تقتل بعضها بسبب البحث عن الاثار ومع ذلك لسة مفيش شئ ظهر ومنهم نقب وحفر لكن بدون جدوى وخسارة فلوس ومصاريف وخلاص ومنهم سمعت انه وجد اثار وباعها بالفعل

كل ده طبيعي

لكن اللى مش طبيعي وده هو سؤالى

هى الاثار دي من حق مين ؟؟؟؟؟

ومين اللى بيشتريها وبيبعها بره البلد ؟؟؟؟؟

طيب وليه كل ده ؟؟؟ مش بلدنا احق بكل الثروة دي ؟؟؟

طيب لو الدولة هى اللى نقبت ووجدت الاثار ؟ ياترى الاثار دي عائدها بيعود على مين وبيروح فين ؟؟

ياترى الناس اصبحت تبحث عن الاثار بسبب الفقر اللى هما شايفينه وقلة الحيلة ؟

بصراحة اسالة كتير جدا ؟؟

ودي بعص صور الاثار الفرعونية القديمة

وعلشان محدش يفكر ان دى صور الاثار اللى انا لقيتها ولا حاجة ههههههههههه

انا جبتها من النت يا جماعة واوعى حد يبلغ عنى ههههههه

يا عم ابو الهول : متقلقش دورك جي قريب ॥ هتتسرق يعنى هتتسرق

كل عام وانتم بخير

رمضان २०१०

كل عام وكل اخوانى واخواتى واصدقائي بخير

اسف على فترة الغياب السابقة

وكمان الفترة القادمة لان فيه بعض الظروف

تمنياتى للجميع بالرحمة والمغفرة والعتق من النار

دعواتكم

عش - ابتسم - سامح

ولا تضيق رحابه ولا تغـلق أبوابه

ولا تستنكر أصحابه

فـدقيقة واحدة تعيشها

وقد صفا قلبكـ على كل الناس
وسما فيك الاحساس

فهي دقيقة توزن بالذهب

ولكلمة حلوة تخرج من لسان محب وتستقر في قلبـــ محب

لهي أفضل من كل هدايا العالم

ولإنسان تشعر معه بالصدق وتطير معه في رحاب المودة

لهو أفضل من كل ملايين البشر

وللحظة تحياها روحك تنبض بالخير

لهي لحظة تشفيك من كل أمراض وتبعد عنكـــ الوحدة وتزرع لكـــ امل جديد
فالحياة أوسع من أن نضيقها بالهموم والدموع

والقلوبـــ أطهر من أن نلوثها بالكره والضغينة
الحــبـــ أعظم من أن ندفنه باللوم والعتاب

وسوء الظن الحــبـــ ليس بأن نعيش في أحلام الحالمين وآهات العاشقين
فهذا ما عرف من الحب إلا قشوره

ولم يتغلغل في بحوره أو يقرأ سطوره الحــبـــ أن نعيش الخير بكل مدائنه وموانئه

الحــبـــ أن تعيش طاهر القلبـــ سليمـــ الروح
لا تجرح قلوبـــ المحبين

ولا تتجاهل قلوبـــ الأوفياء المقربين

اعجبنى .... منقـــــول !!!!

عايز حقي من بلدي

عايز حقي

الحكاية مش حكاية فلوس
الفلوس كتير وخير ربنا كتير
الحكاية اكبر من كده
=====
عبدالستار ده راجل فلاح بسيط
وبيته من بتوع زمان اللى لو زقيته بايدك هيقع ،

مراتة الست ام حسن
ست طيبة قوى وبطبيعتها قوى
عبدالستار عنده من الاولاد اربعة ومن البنات اربعة

والعيال كبرو وعاوزين يتجوزووووا
اتنين منهم مسافرين بيشتغلوا فى الخليج وطالع روح اهلهم فى الغربة

والكفيل مطلع عينهم وعين ابوهم وبرده الراتب على القد ،

طيب مسافرين ومتغربين ليه ، علشان يساعدوا ابوهم الراجل الطيب عبدالستار

علشان يستر بناته ويجوزهم ويفرح بهم ،

طيب والعيال دى هيتجوزوا امتى ،

الحكاية طويلة قوى ،

عبدالستار والست بتعته وهما في بيتهم وفى غرفتهم قاعدين على الارض

الاخ عبدالستار بيبص فى الارض كده لقي حاجة غريبة قوى
ايه ده يا عبدالستار
والله يا ام حسن مش عارف
الراجل والست خافوا
طب ايه اللى حصل
اللى حصل ان الارض اتحركت
ازاى اتحركت
هبطت شوية وظهرت كانها حفرة
عبدالستار جاب الفاس بتعته وقال اوضب المكان واسويه

ولما ربنا يفرجها ابلطه ببلاط مزايكووووا
الراجل مسك الفاس واول خبطة فى الارض
لقي الارض بتنزل لتحت اكتر
الراجل خاف
وام حسن نادت العيال يساعدوا ابوهم
عبدالستار استنى بس يا ام حسن
خبط تانى
الارض اتشقت وظهر شئ غريب
سلم تحت الارض
فحت اكتر ، لحد ما ظهر المستخبي
ايه ده
ده كنز
دهب
ياقوت
مرجان
احمدك يارب
زغرطى يا ام حسن
فووريجت
وهنرجع عيالنا بلدنا
وهنجوزهم
ونفرح بيهم وهما معنا
طيب عبدالستار ده راجل فلاح
ميعرفش هيعمل ايه ولا هيتصرف ازاى

عبدالستار له اخ اسمه جابر
متعلم شوية
عبدالستار راح لاخوه جابر
وحكى له بالتفصيل
جابر قال لعبدالستار متقلش لحد
وانا هاتصرف
الست مرات جابر سمعت كلامهم
بعد ما عبدالستار مشي
ندهت جابر جوزها
وقالت له لازم يكون لنا نصيب فى الكنز ده
وعلى قد ما تقدر تاخد خد
جابر كان يعرف واحد موظف كبير
وراجل فاهم ويقدر يتصرف
راح له وحكاله على الموضوع واتفق معه على مبلغ
بعد كم يوم جه جابر لاخوه عبدالستار
وقال له بكرة هنروح نقابل الراجل اللى هيشترى الكنز
فعلا تانى يوم عبدالستار لبس الحتة اللى على الحبل واتشيك على سنجة عشرة
جلابية لكن ايه موديل 2010 وعمة وشملة جديدة
وجابر كمان اتشيك
وراحوا لصاحب جابر اللى اخذهم للراجل اللى هيشترى الكنز
ولما وصلوا للمشترى
كانت مفاجأة من العيار التقيل
عبدالستار قال لجابر
جابر مش هو ده اللى بيطلع فى التليفزيون
وبيتكلم عن خدمة البلد وعن اللى المفروض نعمله علشان بلدنا
جابر: اسكت يا عبده
متتكلمش
انت عارف احنا في دلوقتى
ده اكبر راس بالبلد
عبدالستار
ومين اللى معه ده يا جابر
جابر انت مالك يا عبده
قلت لك اسكت
خلينا نبيع ونقبض ونخلص
عبدالستار بصصص للراجل الاجنبي
انا شفتك فين
شفتك فين
عبدالستار افتكر
ده اللى بيقول هناخد القدس غصب عن اى حد
دى بتعتنا من زمان
اه
هو ده
انا شفته بالدش مرة
عبدالستار دلوقتى محتار هيعمل ايه
يبيع
ميبعش
طيب لمين هيبيع
وليه هيبيع
وليه الراس الكبير بتبيع
هو محتاج
عبدالستار عقله هيشت
بالله عليكم
قولوا لعبدالستار ايه الحل ؟؟؟؟

مستر فتحى - المشرف

من كم يوم الاخوة بيفكرونى بحكاية مستر فتحى

اول ما جيت الشغل هنا بالمدارس كان فيه واحد اسمة الاستاذ فتحى

وكان ماسك النشاط المدرسي والاشراف زيي مدرسيين مصر كده

انا قعدت معه اسبوع واحد بس وبعدها للاسف مشيى هو من المدرسة او بالاصح الادارة مشته

الموقف الكوميدي اللى الاخوة بيحكوا لى عنه

مستر فتحى كان بيشرف فى يوم على المدرسة والمبانى بتعتها والاثاث وكل شئ فيها

وطلع فوق السطوح يستكشف احوال النظافة فوق

وكان فيه غرفة فوق السطوح

فتحى وهو فوق سمع اصوات غريبة

قرب من الغرفة على طرطيف صوابعه

وحط ودانه على باب الغرفة

واذا به يسمع

ااااه

وحاجات من دي ههههه

فتحى تنح

وفجأة فتح الباب

لقى واحد ووحدة فى وضع مخل بالاداب

هههههههههههه

فتحى صرخ وقال

اقفشتكم

هاتوووووووووووا الشرطة

النيابة

البوليس

الناس طلعت فوق تشوف فيه ايه

لقت فتحى ماسكهم متلبسين بالجريمة

الزملاء قالو له ياعم عم فتحى

حرام عليك

ايه اللى انت بتعمله ده

ده شيتو

ودي ايفا

فتحى : مين شيتو وايفا دول

انا مليش دعوة

انا لازم ابلغ الشرطة

يا فتحى ده شيتو السواق هنا بالمدرسة

وايفا دي مراته

وساكنين بالغرفة دي

ايه اللى يخليك انت تطلع هنا اصلا

فتحى تنح تانى

وقال شيتو ومراته

برده مليش دعوة

اللى بيعملوه ده غلط

ازاى يعملوا كده وقت الدوام

المهم هدوا عمنا فتحى واخدوه للمدير

المدير فهمه القصة ونبه عليه ميطلعش فوق تانى

حتى لو سمع اصوات اغرب من كده ههههههههههه

الموقف ده هدية لمستر احمد حبيبي بامريكا

طبعا انت عارف اللى حصل كله

ارجاع ارض فلسطين المحتلة .. حلم ام حقيقة

الثمل فقط من يفكر بتحرير القدس هذه خلاصة الحادث الذي كان بطله راكباً سودانياً ثملاً استل سكين عنترة بن شداد وطلب من قائد الطائرة المصرية أن يتجه إلى القدس "مع علمه بعدم وجود مطار فيها" لتحريرها

فالحمية لم تعد تأخذ العرب تجاه القدس

إلا إذا ثملوا وفقدوا السيطرة على أعصابهم الموجهة بالريموت كونترول و العسس و الدسس والمحكومة بأشعة الليزر، ولهذا فإن هذا الراكب سيكون قائداً للحركة القومية المناضلة الجديدة

"شلة الأنس لتحرير القدس"

بملء الكأس بعد فشل السلاح والفأس برقيا بنت الحان، إذ تكفي كأس واحدة لكي يتعنتر العربان وينقضوا كالنسور على الغربان ويشتتوا شمل الاستيطان في فلسطين والجولان ،فما بالك بصندوق منكر لكل عربي مغوار لأن مقاتلي شلة الأنسيستطيعون تحرير الأندلس أيضاً إذا جدّ الأمر وامتلأ الرأس بالخمر॥ وستتشكل لدينا فرق مقاتلة بأسماء مزلزلة مثل كتائب جوني ووكر॥ وقناصة مساطيل الفودكا॥ ومشاة البيرة'॥ ومدفعية الكونياك॥ والفرقة المجوقلة، شامبانيا، وسيتسلح مقاتلو شلة الأنس بأقداح وزجاجات، لأن من يفكر بتحرير الأرضفي هذا العصر لا بد وأن يكون فاقداً لصوابه لأن السائد هو تسليم الأرض،

وستحظر الأنظمة العربية المشروبات الكحولية

ليس لأسباب دينية بل لأسباب أمنية حتى لا تتهم بالإرهاب المسكر والعنف المخمور।

فألي متي كل هذا الخنوع والخضوع ؟؟

ألي متي كل هذا التسيب والأستهتار؟؟

الي متي؟؟قولوا لي الي متي؟؟؟

قولوا لي الي متي؟؟؟

أين الرجولة يا عرب ؟؟؟؟

منقـــــول

الشيخ الحديدى والــــوزة

مستر محمد الحديد بيقرأ قرآن على روح الوزة ومستر محمود يستمع ويترحم على روحها

مستر محمود ومستر شمس بانتظار اخر قرار من مستر الحديدى لطبخ الوزة

انا ومستر محمود بنتناقس ازاى هنتطبخ الوزة

**********

طبعا من العنون اتعرف ان الموضوع مرتبط بالوزة وقصتها مع الشيخ الحديدى

من حوالى شهر او اكتر

جمعنا مستر محمد الحديدى زميلنا بالمدرسة وبالسكن وقال ان فيه واحد قريبه جاى يعمل عمره وطبعا عاوز يستضيفه عندنا بالسكن كم يوم

قلنا ولا يهملك يا مستر ده يشرف

مستر الحديدى : علشان خاطرى عاوزكم تعملوا الواجب معه لانه يخصنى

انا ومستر محمود ومستر شمس : ياعم ولا يهمك بس خليه يجي

مسترالحديدي : طيب مش عاوزين حاجة من مصر اخليه يجبها معه وهو جي

انا ومستر محمود ومستر شمس : ياعم مش عاوزين حاجة سلامتك وسلامته

بعد كم يوم وصل الضيف ورحبنا به وكان جايب معه شوية حلويات مصرية

والمفاجأة كانت الوزة المصرية اللى بقالنا شهور مش اكلناها

باختصار مستر الحديدى قال هنطبخها يوم الخميس بما انه الراجل معرفته هو

الكلام ده من اكتر من شهر

وكل يوم يقول بكرة ... بكرة ... بكرة

ولسة لحد دلوقتى مجاش بكرة ومازالت الوزة بالثلاجة

السؤال :

نعمل ايه فى الوزة وفى الشيخ الحديدى

نموته ونخلص منه

ولا نرمى الوزة برة الشقة ونرتاح منها

حمار ابن حمار ॥!!

كان يا مكان في أحد الاسطبلات العربية معشر من الحمير وذات يوم أضرب حمار عن الطعام مدة من الزمن فضعف جسده وتهدّلت أذناه وكاد جسده يقع على الأرض من الوهن
فأدرك الحمار الأب ان وضع ابنه يتدهور كل يوم وأراد أن يفهم منه سبب ذلك
فأتاه على انفراد يستطلع حالته النفسية والصحية التي تزداد تدهورا فقال له : ما بك يا بني؟؟
لقد أحضرت لك أفضل أنواع الشعير.. وأنت لا تزال رافضا ان تأكل..أخبرني ما بك؟ ولماذا تفعل ذلك بنفسك؟ هل أزعجك أحد؟
رفع الحمار الأبن رأسه وخاطب والده قائلا:
نعم يا أبي .. انهم البشر..
دُهش الأب الحمار وقال لأبنه الصغير: وما بهم البشر يا بني؟
فقال الأب وكيف ذلك؟
قال الابن: ألم ترهم كلما قام احدهم بفعل مشين يقولون له يا حمار..أنحن حقا كذلك؟
وكلما قام أحد أبنائهم برذيلة يقولون له يا حمار.. يصفون أغبياءهم بالحمير.. ونحن لسنا كذلك يا أبي .. أننا نعمل دون كلل أو ملل.. ونفهم وندرك.. ولنا مشاعر..
عندها ارتبك الحمار الأب ولم يعرف كيف يردّ على تساؤلات صغيره وهو في هذه الحالة السيئة ولكن سُرعان ما حرّك أذنيه يُمنة ويٍسرة ثم بدأ يحاور ابنه محاولا أقناعه حسب منطق الحمير.. انظر يا بني انهم معشر خلقهم الله وفضّلهم على سائر المخلوقات لكنّهم أساؤوا لأنفسهم كثيرا قبل أن يتوجهوا لنا نحن معشر الحمير بالإساءة .. فانظر مثلا..

هل رأيت حمارا في عمرك يسرق مال أخيه ؟؟ هل سمعت بذلك؟
هل رأيت حمار ينهب طعام أخيه الحمار؟
هل رأيت حمار يشتكي على أحد من أبناء جنسه؟
هل رأيت حمار يشتم أخيه الحمار أو أحد أبنائه؟
هل رأيت حمار يضرب زوجته وأولاده؟
هل رأيت زوجات الحمير وبناتهم يتسكعون في الشوارع والمقاهي؟
هل سمعت يوما ما أن الحمير الأمريكان يخططون لقتل الحمير العرب!! من أجل الحصول على الشعير؟
هل رأيت حمارا من دولة عربية لا يفهم كلام أخيه من دولة عربية أخرى ؟
هل رأيت حمار عميل لدولة أجنبيه ضد بلده ؟
هل رأيت حمار يفرق بين أهله على أساس طائفي طبعا لم تسمع بهذه الجرائم الإنسانية!!

اذن أطلب منك أن تحّكم عقلك الحميري

وأطلب منك أن ترفع رأسي عاليا وتبقى كعهدي بك حمار ابن حمار

واتركهم يقولوا ما يشاؤن॥

فيكفينا فخرا أننا حمير لا نقتل ولا نسرق ولا نغتاب ولا نسّب...

أعجبت هذه الكلمات الحمار الابن فقام وراح يلتهم الشعير وهو يقول:

نعم سأبقى كما عهدتني يا أبي ॥

سأبقى حمار ابن حمار॥!!

اعجبتنى منقـــــــول

أمى الحبيبة (عيد الام ) هو كل لحظة

لم اجد اى كلمات اوتعبيرات او الفاظ تضاهى احساسي

فاكتفيت بان انظر الى صورة من صورها معى

ربنا يخليكى لى يا امي الحبيبة

عيد الام بالنسبة لى هو كل لحظة وليس كل عام

رسمة وفكرة 11

رحل عن عالمنا وتبقي ذكراه العطرة

دعوة للوحدة والتوحد والتوحيد

البيه الحمار ... حمار جارنا ( منقول )

دخل أبو أحمد الى كوخه المتواضع المصنوع من الصفيح بعد أن ربط حماره بالعمود وجلس في حر الصيف اللاهب داخل الكوخ كي يستريح قليلاً قبل أن يخرج مجدداً للعمل نظر من الفتحة التي يفترض بها أن تكون النافذة الى الأبراج الشاهقة والفارهة في الأفق وتنهد متحسراً على حظه العاثر الذي لم يعطه من دنياه ولا حتى بيت يأويه في أيام شيخوخته।- هاي …. هلو …॥ هلوتعجب أبو أحمد لسماع صوت سيدة أجنبية تنادي من وراء قطعة القماش التي تقوم بدور الباب! لم يصدق أذنه وظن أنه يهذي بسبب الحر.- هاي .. هلو .. هلو؟خرج أبو أحمد مسرعاً فرأى سيدة أجنبية جميلة وأنيقة ومعها مترجم ويرافقها صحفي يصور كل شيء حواليه خاطبه المترجم.- أنت أبو أحمد؟- نعم أنا أي خدمة يا بيه ؟- هذه السيدة هي مدام جاكلين وهي تمثل منظمة إنسانية ذات أهداف نبيلة.- أهلاً وسهلاً مرحباً بكم.أخذ عقل أبو أحمد يعمل بسرعة يا الله يا أبو أحمد والله يبدو أن الفرج قد بان وها قد وصلت يد المنظمات الإنسانية إليك لتنتشلك من البؤس الذي أنت فيه يا ما أنت كريم يا رب!قاطع المترجم أفكاره وقال:- منذ مدة ونحن ندرس بدقة أوضاع المنطقة التي تسكن فيها كي نعرف من يحتاج أن نمد له يد العون والمساعدة.- بارك الله فيكم ربنا يعمر بيوتكم ربنا يخلي عيالكم ربنا يفرح قلوبكم.- وبعد دراسات طويلة ومعمقة للحالات المقدمة وقع إختيارنا عليك.- أشكرك يا رب ألف شكر وحمد ليك.- وقررت الجمعية أنها توفر لك مأوى…..قاطعه أبو أحمد وأخذه بالاحضان وأخذ يقبله والمترجم يحاول التخلص منه :- والله انتو جدعان والله انتو أحسن ناس بجد ما يجيبها إلا خواجاتها الناس بتوعنا ولا حد سائل في فقير ولا مسكين هم ساكنين في فلل وأبراج واحنا ساكنين في العش والخرابات والصفيح ولما يحبوا يحبوا يعملو عمل خير يروحو يدو فلوسهم لبتوع اعصار كاترينا في امريكا وكان احنا ماعندناش حد محتاج بس الحمد لله الفرج جيه على ايدكم أنتم يا خواجات يا أمرا.- سيبني اكمل يا عم أبو أحمد احنا….قاطعه أبو أحمد مجدداً- بس إن شاء الله يكون بيت ومش شقة علشان أنا ما أقدرش أسيب الحمار بتاعي ده برضه عشرة عمر وكنا سوا في الحلوة والمرة السنين دي كلها.- ده هو بيت القصيد.- يعني إيه؟ تعجب أبو أحمد.- يعني أن المنظمة الإنسانية اللي المدام بتمثلها تعني بحقوق الحيوان- برضه ما فهمتش!!- احنا شفنا انك بتربط الحمار بتاعك في الشمس من غير ما يكون فيه حاجة تحميه من الشمس.- وبعدين؟- علشان كده همه قرروا أنهم يبنو مأوى للحمار من الشمس والبرد.- طب وأنا؟- إنت إيه؟- أنا أروح فين؟ مش شايفين الخرابة اللي أنا ساكن فيها؟لا فيها باب ولا شباك ولا سقف حتى!!- والله دي مش مشكلتنا ولا اختصاصنا احنا بنعتني بحقوق الحيوانات وبس مالناش دعوة بالبني آدمين!!أصيب أبو أحمد بالذهول والصدمة وقال بقى انتو شايلين هم الحمار وجايين وفد وصحافة ومترجم ومش شايلين همي أنا البني آدم صاحب الحمار؟!! يعني احنا في عيشتنا ما حصلناش حتى الحمير؟إلتفت أبو احمد فوجد السيدة الأجنبية تأخذ صورة تذكارية مع الحمار ثم ركبوا السيارة وذهبوا.رجع أبو احمد يجر أذيال الخيبة ولبس الجلابية وخرج وفك حماره وقال:- شي يا حمار وإلا أقولك تفضل يا باشا ! احسن انا ما بقيتش عارف مين فينا اللي حمار؟!!!!
مع الاعتذار لكل الفقراء في عالمنا العربي الكبير !!!!

حكومتنا تقدم مساعدات للغرب ....وحكوماتهم تقدم العون لحيوانات !!!!

منقول طبعا ؟؟

صعبان عليا حالنا ؟؟؟؟!!!!!

من يومين اتصلت بام عبدالرحمن كان يوم الخميس اللى فات الصباح باطمن عليها وعلى الاولاد
لقيتها فرحانة قوى وبتقول لى مبروك
على ايه يابنتى
لقيتى لى عروسة ولا ايه ههههههه
قالت قبلوا النقض فى قضية هشام طلعت مصطفي
الف مبروك يا ستى
وفرحانة قوى علشانه
قالت انا فرحانة لانه مش هيتعدم فى واحدة زى دي
ومش فرحانة ان هو واللى زيه سبب فى غربتنا عن بلدنا
لقيتها سكتت
الموضوع ده فكرت فيه كتير واكيد ناس زيي فكروا فيه
ياترى مصر فقيرة بجد علشان انا واللى زيي من الشباب يتحرموا من اهلهم
كل يوم بل كل ساعة بنشوف على القنوات الفضائية هموم ومشاكل الشعب المصري
وفقره والعيشة اللى عايشنها
طيب والملايين اللى بتترمى على الارض
فى لاعب كورة او في حتى رقاصة او وحدة ساقطة
هى بجد مش ملايين ولا انا مش عارف حاجة ولا ايه بالضبط
انا زهقت اتفرج على برامج تليفزيون بالشكل ده لان كلها واحد
الحل ايه
نبنى مصر ازاى
وفيه ناس بتهد
بتهد مبادئ وقيم
بتسرق رموز واعلام وثقافات
وبتسرق آثار بلدنا رغم انهم من اغنياء البلد واللى عندهم مكفيهم وزيادة
مراكز مرموقة بالدولة ووظائف عالية جدا واموال لا تعد ولا تحصي
وبتسرق دم الشعب " الشعب اللى بيطلع روح اهله علشان بس يلاقي لقمة العيش الحاف" ده لو لقاها اصلا

فيه مظاهرات وفيه اعتصامات وفيه حاجات كتير بتوحى برفضنا للى بيحصل
لكن النهاية ايه
هنفضل متغربيين لحد امتى
امتى هتحس بلدنا بينا
امتى هنعيش فيها زي بقية الشعوب اللى عايشة بارضها و......
الكلام كتير بس مفيش داعى لان الكل عارف انا عاوز اقول ايه

مجرد فكرة جت لى قلت افضفض لنفسي شوية

مجرد فكر

للتكبير اضغط على الصورة

حلم

أنحت بحروفي تمثالا

صنما من أحجاري

إمرأة تمنيتها

فزينتها

بكلامي

إحتضنتها

فشممت عطرها

فانتفضت

لترقص أمامي

وتعزف ألحاني

شكرا خاص لصديقي الاستاذ / محمد ابو ريم

عذرا اخوانى واصدقائي لاننى من البداية لم احدد ان الكلمات ليست كلمات

بل هى لاخى محمد ابو ريم وهذا ما قصدته بالشكر له اما الرسمة فهى لى

حبيت اعدل البوست للايضاح

وطبعا يشرفنى ان تكون الكلمات بمدونتى وانى اشعر بها ويشعر بها الاخرون