الاثنين، 29 مارس، 2010

حمار ابن حمار ॥!!



كان يا مكان في أحد الاسطبلات العربية معشر من الحمير وذات يوم أضرب حمار عن الطعام مدة من الزمن فضعف جسده وتهدّلت أذناه وكاد جسده يقع على الأرض من الوهن
فأدرك الحمار الأب ان وضع ابنه يتدهور كل يوم وأراد أن يفهم منه سبب ذلك
فأتاه على انفراد يستطلع حالته النفسية والصحية التي تزداد تدهورا فقال له : ما بك يا بني؟؟
لقد أحضرت لك أفضل أنواع الشعير.. وأنت لا تزال رافضا ان تأكل..أخبرني ما بك؟ ولماذا تفعل ذلك بنفسك؟ هل أزعجك أحد؟
رفع الحمار الأبن رأسه وخاطب والده قائلا:
نعم يا أبي .. انهم البشر..
دُهش الأب الحمار وقال لأبنه الصغير: وما بهم البشر يا بني؟
فقال الأب وكيف ذلك؟
قال الابن: ألم ترهم كلما قام احدهم بفعل مشين يقولون له يا حمار..أنحن حقا كذلك؟
وكلما قام أحد أبنائهم برذيلة يقولون له يا حمار.. يصفون أغبياءهم بالحمير.. ونحن لسنا كذلك يا أبي .. أننا نعمل دون كلل أو ملل.. ونفهم وندرك.. ولنا مشاعر..
عندها ارتبك الحمار الأب ولم يعرف كيف يردّ على تساؤلات صغيره وهو في هذه الحالة السيئة ولكن سُرعان ما حرّك أذنيه يُمنة ويٍسرة ثم بدأ يحاور ابنه محاولا أقناعه حسب منطق الحمير.. انظر يا بني انهم معشر خلقهم الله وفضّلهم على سائر المخلوقات لكنّهم أساؤوا لأنفسهم كثيرا قبل أن يتوجهوا لنا نحن معشر الحمير بالإساءة .. فانظر مثلا..
هل رأيت حمارا في عمرك يسرق مال أخيه ؟؟ هل سمعت بذلك؟
هل رأيت حمار ينهب طعام أخيه الحمار؟
هل رأيت حمار يشتكي على أحد من أبناء جنسه؟
هل رأيت حمار يشتم أخيه الحمار أو أحد أبنائه؟
هل رأيت حمار يضرب زوجته وأولاده؟
هل رأيت زوجات الحمير وبناتهم يتسكعون في الشوارع والمقاهي؟
هل سمعت يوما ما أن الحمير الأمريكان يخططون لقتل الحمير العرب!! من أجل الحصول على الشعير؟
هل رأيت حمارا من دولة عربية لا يفهم كلام أخيه من دولة عربية أخرى ؟
هل رأيت حمار عميل لدولة أجنبيه ضد بلده ؟
هل رأيت حمار يفرق بين أهله على أساس طائفي طبعا لم تسمع بهذه الجرائم الإنسانية!!
اذن أطلب منك أن تحّكم عقلك الحميري
وأطلب منك أن ترفع رأسي عاليا وتبقى كعهدي بك حمار ابن حمار
واتركهم يقولوا ما يشاؤن॥
فيكفينا فخرا أننا حمير لا نقتل ولا نسرق ولا نغتاب ولا نسّب...
أعجبت هذه الكلمات الحمار الابن فقام وراح يلتهم الشعير وهو يقول:

نعم سأبقى كما عهدتني يا أبي ॥

سأبقى حمار ابن حمار॥!!
اعجبتنى منقـــــــول

9 التعليقات:

مهموهـــــــة يقول...

لالالالالالالالالالالالالالالالالالالالالالالالالالالالالالالالالالالا
انا زعلانة خالص خالص خالص
مش معقول الغيبة دي كلها
و لا بتيجي تزورنا و لا بتكتب حاجة جديدة
لا بجد زعلانة اوي
بس بجد بوست رائع اوي
حمار ابن حمار بجد
فعلا و الله بنشتم بعض بكلمة حمار و حمارة
و احنا بنعمل حاجات غريبة في حق نفسنا و حق بعض

ربنا يرحمنا برحمته الواسعة يا رب

خالص تحياتي يا استاذ ناجي

و يا ريت ما تبعدش كده تاني

reem يقول...

استاذ ناجى ازيك

اخبارك ايه

البوست بجد حلو اوى اوى

وعاجبنى اوى اوى الحمار الاب وحكمته

حتى شوف الادب عند الحمار الابن اقتنع على طول بكلام الاب لم يجادل او يناقش او يفرض وجهة نظره او يقوله انت ايه اللى عرفك

يعنى الحمار الاب كمان عرف يربي
هههههههههه
معلش انا اصلى عندى برد وشكلى كدا بخرف

سلامى وتحياتى يا استاذ ناجى

ذو الوجه المبتسم يقول...

مهمومة
ازيك يا اختى الجميلة

اولا اسف بجد لانى مش بادخل المدونات الفترة دي

ثانيا وهو الاهم
منورانى والله

ثالثا بخصوص الحمار
هى الحمير بتتكلم الايام دي ولا ايه ههههههههههههههه

ربنا يرحمنا جميعا

تحياتى لك

ذو الوجه المبتسم يقول...

reem

ازيك اختى الصغيرة

انا الحمد لله بخير
بس معلش لانى بجد من فترة مش بادخل المدونات

الايام دي الحمير هى المؤدبة
اما البنى ادميين فهم ؟؟؟؟؟؟؟؟؟؟؟

تحياتى لك

زهور الامل يقول...

الحمير اذكى واسلم الف مرة واحن واطيب من البنيادمين
وفعلا الحمير مش بتاكل في بعضها زي البنيادمين
مش بتسرق ولا بتاكل حقوق بعض
ولا بتسب بعضها ولا بتهين بعضها

القصة جميلة جدا يا استاذ ناجي وليها هدف حلو اوي
تسلم ايدك
تحياتي

ghada mOhsen يقول...

مغزاها رائع بجد ...

بجد إحنا البشر إللي بننهي نفسنا بنفسنا ...

بجد حبيتها كتير تسلم على هالإختيار الرائع أستاذ ناجي ...

بتمنى تكون بخير ...

... ;) ,,, ;) ...

قول ياااارب يقول...

جميله اوى الفكره وفكرتنى بالمقوله او الحديث مش متذكره بالظبط كانت بتقول كل ميسر لما خلق له يعنى سبحان الله ربنا خلق كل حاجه فى الدنيا للقيام بحاجه معينه يعنى مينفعش نكون حاجه تانيه والحمار اقتنع بشكل او باخر انه كده الافضل ليه وانه مينفعش يكون حاجه تانيه غير اللى ربنا خلقه بيه
تقبل مرورى الاول ع مدونتكم الجميله

خليني ساكت يقول...

لا بجد يابو عبدالرحمن كلام لذيذ بس الصراحة حمير أمريكا حمير محترمة ماتسمعش صوتها تدنها ساكته وساعة ماترفص ماتعرفش أبوها... ورغم الفترة اللي قضتها لسة بجد ما شفتش ولا حمار هنا.
لكن عندك حمير الرياض - أنا بتكلم عن الحمير - تدنها تنهق عمال على بطال عاوزاك دايما تجيبلها برسيم وبرسيم وبرسيم وتجيب برسيم أخضر تقولك عاوزة أصفر وتجيب أصفر تقولك عاوزة دريس ... وتجيب الدريس تقولك : عاوزاه بالزبادي لو سمحت ... وعليها وفي الاخر تبقى مشكلة لو معجبتش الحمار،، أه دي كارثة لو ما عجبتش الحمار ،،، يا خباااار ابيااااااااض،،، لو ماعجبتش الحمار ؟ دا يفضل ينهق وينهق ، ويقولك عاوز برسيم بلبن العصفور ولو ماجبتش هعمل لك نهائي ، دا نا بإعلان واحد في جرنال الاهرام ميدان التحرير يتقلب زريبة .. ويقول لك أنا مستاء من برسيم المصريين مع إن المصريين دول غلابة وبيرضوا بقليلهم ... مش مشكلة بيطالبوا بزيادة 300ريال كل تلات تشهر ... ومطلعين عين الحمير هناك ... ولا عمرهم هيحترموهم .... لكن بجد غلابة.
وما تستغربش ممكن تلاقي الحمار من دول يجيب على كفالته حمارين تلاته من مصر يقوموا بشغله وهو ينام ويريح دماغة ... زي ف مرة الشيح حديدي كنا ف الشقة بتاعتكوا فشاف صرصار فارد عضلاته على صرصارين ماشيين وراه ع الحيطة- آه في الشقة الي انتو فيها دي ،، آه ،، ماهي كات مليانة صراصير - المهم قال لي ايه : اتلاقي دا صرصار سعودي جايب الصرصارين دول على كفالته ،، وفارد عضلاته عليهم هنا... آه اتوقع ، كل شيء جااايز.
بس دول لو يستفردوا بيه في مصر كانو لعبوه ع الشناكل ،،آه الشناكل دي شنباته يعني ،، كانوا هيخلوه يلعب عليها آيروبيكس ويمشي على طراطيف ديله ،،، وممكن أعزكم الله يخلوه يعد عشرة شياب ،، مع احترامنا للشياب .
المهم خلينا ف الحمير ::: روح كدا مصر وشوف هتلاقي الحمار من دول يا عيني غلبا كافي خيره شره ، ماشي مدلدل ودانه وراسه في الارض تقول روح هنا يروح ، تعالى هنا ييجي ، وآخر النهار يخش ع الحمارة مراته وكمان ماهوش عاجبها ، رغم انها هي أكبر واحدة عارفة قيمته .. بس تقول ايه غلبان هيلاقيها في البيت ولا برا لبيت ... خليه ساكت ومستحمل ... أنا

خليني ساكت يقول...

وبعدين يا مستر ربنا يسترك ،،، هو كل الصبايا هنا اخواتك من زمان ،،، أنا اعرف ان اخواتك كانو بس اربعة .. لو في حد تاني بس نحب نعرف يعني.. ولا تقصد زي الراجل اللي اتصل ف نص الليل وانا رديت عليه ..وانت قمت تقول لي ........ آه ... لما كنا في الأوضة اللي جنب شيتوا ... في الكونتنينتال
بلاش عشان مش عاوز أكتر في الكلام ... خليني ساكت أحسن ....
يللا سلامو عليكو