السبت، 6 مارس، 2010

صعبان عليا حالنا ؟؟؟؟!!!!!

من يومين اتصلت بام عبدالرحمن كان يوم الخميس اللى فات الصباح باطمن عليها وعلى الاولاد
لقيتها فرحانة قوى وبتقول لى مبروك
على ايه يابنتى
لقيتى لى عروسة ولا ايه ههههههه
قالت قبلوا النقض فى قضية هشام طلعت مصطفي
الف مبروك يا ستى
وفرحانة قوى علشانه
قالت انا فرحانة لانه مش هيتعدم فى واحدة زى دي
ومش فرحانة ان هو واللى زيه سبب فى غربتنا عن بلدنا
لقيتها سكتت
الموضوع ده فكرت فيه كتير واكيد ناس زيي فكروا فيه
ياترى مصر فقيرة بجد علشان انا واللى زيي من الشباب يتحرموا من اهلهم
كل يوم بل كل ساعة بنشوف على القنوات الفضائية هموم ومشاكل الشعب المصري
وفقره والعيشة اللى عايشنها
طيب والملايين اللى بتترمى على الارض
فى لاعب كورة او في حتى رقاصة او وحدة ساقطة
هى بجد مش ملايين ولا انا مش عارف حاجة ولا ايه بالضبط
انا زهقت اتفرج على برامج تليفزيون بالشكل ده لان كلها واحد
الحل ايه
نبنى مصر ازاى
وفيه ناس بتهد
بتهد مبادئ وقيم
بتسرق رموز واعلام وثقافات
وبتسرق آثار بلدنا رغم انهم من اغنياء البلد واللى عندهم مكفيهم وزيادة
مراكز مرموقة بالدولة ووظائف عالية جدا واموال لا تعد ولا تحصي
وبتسرق دم الشعب " الشعب اللى بيطلع روح اهله علشان بس يلاقي لقمة العيش الحاف" ده لو لقاها اصلا

فيه مظاهرات وفيه اعتصامات وفيه حاجات كتير بتوحى برفضنا للى بيحصل
لكن النهاية ايه
هنفضل متغربيين لحد امتى
امتى هتحس بلدنا بينا
امتى هنعيش فيها زي بقية الشعوب اللى عايشة بارضها و......
الكلام كتير بس مفيش داعى لان الكل عارف انا عاوز اقول ايه

مجرد فكرة جت لى قلت افضفض لنفسي شوية



15 التعليقات:

ندى الياسمين يقول...

والله يا استاذ ناجي انا باقول نفس الكلام ده

وبابقى قاعده هاتنقط وانا باسمع كم الملايين الى بتتفرق هنا وهنا

واقول يا جدعان مافيش كام مليون من دول يتفرقوا على الشعب الغلبان ده ولاايه

حسبنا الله ونعم الوكيل

انا كمان زهقققققققققققققت

إبتسامة ملاك يقول...

السلام عليكم

ازيك يا استاذ ناجى اخبارك ايه يارب تكون بخير وربنا يطمنا عليك يارب

حضرتك وفيت وكفيت وقلت اللى جوا كام مليون مواطن

هى دى مصر وهى دى حال بلدنا
نأمل فى الاصلاح

دمت ودام اسمك ودام قلمك الجميل

ذو الوجه المبتسم يقول...

اختى ندى الياسمين

نورتينى لاول مرة

واتمنى تكرار زياراتك كتير

ربنا يصبرنا يا ندى

تقبلى تحياتى

ذو الوجه المبتسم يقول...

الاخت ايناس

نورتى المدونة بعد غياب

انا كتبت احساسي بجد

يمكن انا افضل من غيري كتير من النواحى المادية

لكن حسيت وحاسس بتعب غيري

نورتينى ياقمر

تحياتى

الوفية للأبـــد -- مها أحمد يقول...

استاذ ناجي ..........ززز
ذو الوجه و القلب المبتسمان
اللي دايما اسمك بينور الدنيا و الله
معاك حق في كل كلمة قولتها و الله العظيم
و فعلا انا حسيت كلامك اوي و اتخنقت اوي لاني طول عمري انا و اهلي متغربين عن اهلنا
و شكلنا كده هنموت اغراب عنها بردو
بجد بجد و الله تعبت اوي
و الحرامية بقوا حاجة تخنق و فساد بقى عيني عينك
عارف النهاردة و الله سمعت مع محمد المسلماني بتاع الطبعة الاخيرة تقريبا

ان يوسف زفت بطرس نيلة غالي قرف
عنده قصر في الفيوم في بحيرة قارون على مساحة 25 الف متر و 6 فدادين ارض
قلت في بالي يا ترى الباشا بيدفع الضريبة العقارية اللي فرضها على الناس الغلابة ؟؟؟؟؟؟؟؟

ربنا ينتقم منهم دنيا و اخرة يا رب

خالص تحياتي ليك يا غالي و ربنا يعينك على غربتك يا رب

ذو الوجه المبتسم يقول...

اختى الصغيرة مها احمد

نورتينى والله

تصدقي بقي انى كنت فاكرك اماراتية الاصل

طلعتى بلدياتنا بقي

وكمان لك فى السياسة

وبتعترضي على اوضاع البلد

وكمان بتقول بطرس غالي

هابلغ عنك هههههههههههه

ربنا يخليكى لنا ويبارك فيكى يا اختى الغالية

تقبلى تحياتى

sony2000 يقول...

السلام عليكم
انا اول مره اعلق هنا
بجد كتير بيجيلي نفس الكلام دا فدماغي وبقعد افكر
طب ومين السبب فكدا
هل هما اللي علطول وخدين غيرها ولا احنا بسكوتنا دا موش بنعمل حاجه
مفيش غير اني اقول يارب صبرنا وارحمنا برحمتك
تقبل مروري وتحياتي

غير معرف يقول...

مساء الخير
حضرتك ما بتعرفني وتعليقي ماهو إلا بلاغ بخصوص من تدعي أنها مدونة /مها أحمد صاحبة مدونة الوفية للأبد
حيث أكتشفت اليوم أنها قامت بسرقة مدونتي همسات قلب http://rtoosh.com/blogs/mhyarelfarah/ ونسبت مافيها من خواطر لنفسها..وهذه سرقه وعندما واجههتها وكتبت قامت بألغاء الشات بوكس اللذي حمل عنوان مدونتي وحضرت نشر التعليقات مالم توافق عليها
وأخر بوست قامت بأدراجه تحت عنوان سر لهفتي روعة محبتي ماهو الا قصيدة قمت بأدراجها في مدونتي سابقة الذكر بتاريخ 25 نوفمبر2008 وهذا غيض من فيض ونتيجة لعدم أعترافها قررت أسفة وحفاضا على حقوقي تبليغ كل من يزور مدونتها وذلك أحقاقا للحق فقط لاغير
أرجو ألا أكون أزعجتك ويمكنك قراءة تعليقان لي على البوست الخاص بالقدس اللذي ادعت انها كتبته وقمت حضرتك بالتعليق عليه لأنها من فرط ارتباكها نسيت أن تقوم بألغائهما
مهيار الفرح...

ذو الوجه المبتسم يقول...

الاخت رتوش

طبيعى جدا اننا نقتبس او ننقل كلمات او حتى مقالات او اشعار وغيرها

انا نفسي باعمل كده وغيري كتير

الموضوع مش موضوع سرقة افكار او اعمال

والاعتراف بالخطأ بيدل على صدق احساس ومشاعر وشخصية محترمة

ستبقي مها احمد الوفيه للابد

مع اعتذارى لصاحبة الفكر رتوش وارجو انها تتقبل هذا الاعتذار

وعاوز كمان اقول شئ مهم مش عارف هيكون وجهة نظرها فيه ايه

الواحد منا بيكون سعيد جدا لما بيشوف اعماله ظاهرة ولها قابلية

ويا ستى يا رتوش انا مستعد اهديكى رسوماتى تحطيها متزعليش من كلامى
انا باكلمك بتلقائية والله وبدون ثقافة زايدة
المسامح كريم
وعلى فكرة يا رتوش الخواطر جميلة بجد وبتمس القلوب

المفروش بقي تشكرى مها انها عرفتى بالحاجات الحلوة دى هههههههههه

تحياتى لك

ذو الوجه المبتسم يقول...

sony

نورتينى باول زيارة

واتمنى تتكرر كتير ان شاء الله

تحياتى لك

مهيار الفرح يقول...

مساالورد فضفضة
صدقني انا كل اللي مزعلني لسه اصرارها على الإنكار رغم ردها واعتذارها المزعوم...وكنت سامحت من قلبي لو حسيت انها صادقة والا تفسر بإيه....
أحتفاظها بالبوست
موقف تذكرته .. و عشق أحببته
وهي تعلم أنها نقلاه ..سارقة أحساس وذكرى تخص قلبي أنا والإنسان اللي بحبه...
بوست
لم أجـد عنــــــوان إلا ... أحبك
برضه منسوخ من مدونتي
بوست
آآآه يا قلـــــــب
مسروق من مدونتي
بوست
معـــك و بــــك أحـــــيا
مسروق من مدونتي
بوست
عــد حبيــــبي
مسروق من مدونتي
وبوست
و تبقــــى أمنيــــة واحــــدة ....
مسروق من مدونتي
ولم تتكرم بالإشارة انها منقولة
وفي اعتذارها المزعوم اساءت لي بقولها انني قد أسأت لها بالفظ وشتمت على حد قولها شتائم خارجة والفاظ خارجة لم تستطع ان تجرح بها زوار المدونة ويعلم الله انه لم يحصل.. ولو كانت صادقة فلتظهر دليلها أنا عندما كتبت لم أخف ولكنها هي من خاف ولغى التعليقات وعندما علمت انني قمت بنقل مافعلته لزوار المدونة كتبت ماكتبت واكرر يعلم الله اني لم أسيء لها وان الشتائم وغيره ليست من طبعي ابدا وهذا يعلمه عني من تعامل معي ومن لم يفعل..
فهي هنا لم تعتذر بقدر ما اساءت لي بقولها وكلماتها واظهرت نغفسها الغلبانة المظلومة

كل ماقلته انها سرقت كلماتي وكتبت في بوكس الشات ان المدونة هذه مسروقة
وهذا من حقي بعدما اكتشفت انها نسبت كل ماكتبته لنفسها حتى قصيدة نموت وتحيا فلسطين اللتي ادعت انها كتبتها تعاطفا منها مع شعبنا اللذي تكرهه من كل قلبها كما قالت هي
سيدي انا لم اسيء لها ويعلم الله
كل ما طلبته هو حقي في مشاعر تخص قلبي نثرتها على الورق
والله من وراء القصد
وشكرا لتفهمك ولقلب طيب اجحسه يحيا فيكِ
من كل قلبي شكرا لتفهمك

مهيار الفرح وليس مهيار الحب
وعلى فكرة انا اسمي فرح

قيس بن الملووووح يقول...

نحن في حاجه الي رايك في مشاطل القراء علي مدونة دقات قلب بعد الخمسين

لنحيا فى اجواء الحب يقول...

ناجى حبيب قلبى اخبارك ايه

يعنى ارجعلك الاقى الحزن ده

صدقنى البلد دى مش هترجع تانى الا مانغير نفسنا

انا بينى وبينك زعلان جدا للحال اللى وصلنا ليه بس
مصرى دائما

reem يقول...

استاذ ناجى

ازيك واخبارك ايه

يارب تكون بكل خير وعافية

كلام حضرتك كله صحيح تماما والله شعب مظلوم يعترض ممكن جدا لكن اعتراضه دا عمره ما بيوصله لحاجة ايجابيه
وكان اعتراضه دا مجرد كلام في الهوا

ربنا يصبرك انت وكل اللى زيك على الغربة ويرجعك لاسرتك وكل بلدك بالف سلامة يارب

بصراحة انا كمان مع ام عبد الرحمن مش كنت عاوزه يعدم ومش عارفه السبب بس دا احساسي وخلاص

تحياتى ليك

كلمات من نور يقول...

والله فعلا حالنا صعب .زبس صدقني سلبيتنا وصلتنا لكده ...محدش بيحاول كله خلاص سكت ومعندهوش استعداد للتغيير لا بنفسه ولا باللي حوله .....ودي مشكلة محتاجة حلول جذرية ؟؟؟؟ مين حيحلها وليه؟.الكل بيقول : يا عمي هو انت اللي حتصلح الكون ..ما تسيبها ماشية .......سلبيات في نفوس مسلمين لابد و أن تستأصل لنتمكن من الوصول ......تحياتي