الأربعاء، 10 مارس، 2010

البيه الحمار ... حمار جارنا ( منقول )

دخل أبو أحمد الى كوخه المتواضع المصنوع من الصفيح بعد أن ربط حماره بالعمود وجلس في حر الصيف اللاهب داخل الكوخ كي يستريح قليلاً قبل أن يخرج مجدداً للعمل نظر من الفتحة التي يفترض بها أن تكون النافذة الى الأبراج الشاهقة والفارهة في الأفق وتنهد متحسراً على حظه العاثر الذي لم يعطه من دنياه ولا حتى بيت يأويه في أيام شيخوخته।- هاي …. هلو …॥ هلوتعجب أبو أحمد لسماع صوت سيدة أجنبية تنادي من وراء قطعة القماش التي تقوم بدور الباب! لم يصدق أذنه وظن أنه يهذي بسبب الحر.- هاي .. هلو .. هلو؟خرج أبو أحمد مسرعاً فرأى سيدة أجنبية جميلة وأنيقة ومعها مترجم ويرافقها صحفي يصور كل شيء حواليه خاطبه المترجم.- أنت أبو أحمد؟- نعم أنا أي خدمة يا بيه ؟- هذه السيدة هي مدام جاكلين وهي تمثل منظمة إنسانية ذات أهداف نبيلة.- أهلاً وسهلاً مرحباً بكم.أخذ عقل أبو أحمد يعمل بسرعة يا الله يا أبو أحمد والله يبدو أن الفرج قد بان وها قد وصلت يد المنظمات الإنسانية إليك لتنتشلك من البؤس الذي أنت فيه يا ما أنت كريم يا رب!قاطع المترجم أفكاره وقال:- منذ مدة ونحن ندرس بدقة أوضاع المنطقة التي تسكن فيها كي نعرف من يحتاج أن نمد له يد العون والمساعدة.- بارك الله فيكم ربنا يعمر بيوتكم ربنا يخلي عيالكم ربنا يفرح قلوبكم.- وبعد دراسات طويلة ومعمقة للحالات المقدمة وقع إختيارنا عليك.- أشكرك يا رب ألف شكر وحمد ليك.- وقررت الجمعية أنها توفر لك مأوى…..قاطعه أبو أحمد وأخذه بالاحضان وأخذ يقبله والمترجم يحاول التخلص منه :- والله انتو جدعان والله انتو أحسن ناس بجد ما يجيبها إلا خواجاتها الناس بتوعنا ولا حد سائل في فقير ولا مسكين هم ساكنين في فلل وأبراج واحنا ساكنين في العش والخرابات والصفيح ولما يحبوا يحبوا يعملو عمل خير يروحو يدو فلوسهم لبتوع اعصار كاترينا في امريكا وكان احنا ماعندناش حد محتاج بس الحمد لله الفرج جيه على ايدكم أنتم يا خواجات يا أمرا.- سيبني اكمل يا عم أبو أحمد احنا….قاطعه أبو أحمد مجدداً- بس إن شاء الله يكون بيت ومش شقة علشان أنا ما أقدرش أسيب الحمار بتاعي ده برضه عشرة عمر وكنا سوا في الحلوة والمرة السنين دي كلها.- ده هو بيت القصيد.- يعني إيه؟ تعجب أبو أحمد.- يعني أن المنظمة الإنسانية اللي المدام بتمثلها تعني بحقوق الحيوان- برضه ما فهمتش!!- احنا شفنا انك بتربط الحمار بتاعك في الشمس من غير ما يكون فيه حاجة تحميه من الشمس.- وبعدين؟- علشان كده همه قرروا أنهم يبنو مأوى للحمار من الشمس والبرد.- طب وأنا؟- إنت إيه؟- أنا أروح فين؟ مش شايفين الخرابة اللي أنا ساكن فيها؟لا فيها باب ولا شباك ولا سقف حتى!!- والله دي مش مشكلتنا ولا اختصاصنا احنا بنعتني بحقوق الحيوانات وبس مالناش دعوة بالبني آدمين!!أصيب أبو أحمد بالذهول والصدمة وقال بقى انتو شايلين هم الحمار وجايين وفد وصحافة ومترجم ومش شايلين همي أنا البني آدم صاحب الحمار؟!! يعني احنا في عيشتنا ما حصلناش حتى الحمير؟إلتفت أبو احمد فوجد السيدة الأجنبية تأخذ صورة تذكارية مع الحمار ثم ركبوا السيارة وذهبوا.رجع أبو احمد يجر أذيال الخيبة ولبس الجلابية وخرج وفك حماره وقال:- شي يا حمار وإلا أقولك تفضل يا باشا ! احسن انا ما بقيتش عارف مين فينا اللي حمار؟!!!!
مع الاعتذار لكل الفقراء في عالمنا العربي الكبير !!!!
حكومتنا تقدم مساعدات للغرب ....وحكوماتهم تقدم العون لحيوانات !!!!
منقول طبعا ؟؟

5 التعليقات:

نـــوارة يقول...

ههههههههههههههه

هم يبكي وهم يضحك

هما فعلا الاجانب كدا كل همهم حقوق الحيوان دا مش غلط الحيوانات على عينا وراسنا ولازم الرفق بيهم

لكن الاول يرفقوا بالانسان البني ادم الغلبان مش عاوزين فلوس على الاقل يحسوا على دمهم ويبطلوا قتل ودمار في كل مكان

نقول ايه حسبنا الله ونعم الوكيل

تحياتي

إبتسامة ملاك يقول...

ههههههههههه
ضحكتنى اوووووووووووووووووووووى

ربنا يهدى يارب

اخبارك ايه؟

الوفية للأبـــد -- مها أحمد يقول...

ههههههههههههههههههههههه
لا حلوة بجد يا استاذ ناجي

هم يبكي و هم يضحك فعلا

ربنا يرحمنا برحمته
احنا ناس و لا احنا ايه ؟؟
مش مهم احنا ايه ؟؟
المهم اننا عايشين و بنقول يا رب استرها علينا

ربنا يرحمنا يا رب و يغفر لنا

خالص تحياتي و تقديري

ghada mOhsen يقول...

ههههههههههههه
هى دى اخرتها ...

بجد قصه واقعيه جدا ...

هو احنا مش عيب نهتم بالحيوانات
ده بالعكس واجب علينا ...
بس ضرورى نهتم باللى الفروض يهتموا
بالحيوانات دى كمان
عشان تصير المسأله موزونه على الاقل ...

بجد تسلم على هالاختيار الرائع ...

... ;) ,,, ;) ...

صدى الصمت - عاشقة الورد - يقول...

عندك حق الحقيقة أنا شفت إهتمام كبيير جداً بالحيوان فى الخارج أكتر من إهتمامنا بالفقراء فى الدول العربية جميعها
ربنا يكون فى عون الغلابة