الأحد، 4 أبريل، 2010

الشيخ الحديدى والــــوزة

مستر محمد الحديد بيقرأ قرآن على روح الوزة ومستر محمود يستمع ويترحم على روحها
مستر محمود ومستر شمس بانتظار اخر قرار من مستر الحديدى لطبخ الوزة

انا ومستر محمود بنتناقس ازاى هنتطبخ الوزة

**********
طبعا من العنون اتعرف ان الموضوع مرتبط بالوزة وقصتها مع الشيخ الحديدى

من حوالى شهر او اكتر
جمعنا مستر محمد الحديدى زميلنا بالمدرسة وبالسكن وقال ان فيه واحد قريبه جاى يعمل عمره وطبعا عاوز يستضيفه عندنا بالسكن كم يوم
قلنا ولا يهملك يا مستر ده يشرف
مستر الحديدى : علشان خاطرى عاوزكم تعملوا الواجب معه لانه يخصنى
انا ومستر محمود ومستر شمس : ياعم ولا يهمك بس خليه يجي
مسترالحديدي : طيب مش عاوزين حاجة من مصر اخليه يجبها معه وهو جي
انا ومستر محمود ومستر شمس : ياعم مش عاوزين حاجة سلامتك وسلامته
بعد كم يوم وصل الضيف ورحبنا به وكان جايب معه شوية حلويات مصرية
والمفاجأة كانت الوزة المصرية اللى بقالنا شهور مش اكلناها
باختصار مستر الحديدى قال هنطبخها يوم الخميس بما انه الراجل معرفته هو
الكلام ده من اكتر من شهر
وكل يوم يقول بكرة ... بكرة ... بكرة
ولسة لحد دلوقتى مجاش بكرة ومازالت الوزة بالثلاجة
السؤال :
نعمل ايه فى الوزة وفى الشيخ الحديدى
نموته ونخلص منه
ولا نرمى الوزة برة الشقة ونرتاح منها

8 التعليقات:

نوارة فن الجمال يقول...

ههههههههههههه

وزة ياخراااااابي

انا نفسي موووت بالبط والوز والارانب

وناوية اجيب هالكام يوم

اقوووولك ماتجبلي الوزة اطبخها واكلها واقولك طعمها كان ازاي ههههههههههههههه

وبعدين ساكتين ليه

اعملوا خيانة عظمى واطبخوها من وراه واعملوله مفاجاة ما هيصدق وياكل وهو ساكت :]

شكلها هتعفن وانتوا بتتفرجوا عليها ههههههههههههه

المهم متنسنيش بحتة :)

مهموهـــــــة يقول...

ههههههههههههههههههههههههههههه
لا حلوة دي
معلش يا سيدي
سيبوه نايم و قوموا طابخينها و لما يصحى حطوه قدام الامر الواقع و قولوله احنا سيبنالك الورك علشان تاكله
ههههههههههههههههههههههه
يا رب تاكلوها بالهنا يا رب
و انا زيك يا استاذ ناجي لاننا في الغربة بنحس فعلا و بجد بحلاوة اكل مصر
انا هموت تقريبا و امل حمام محشي

يللا ربنا يسهل

على فكرة انا زعلانة و ما تقولش زعلانة ليه ؟؟
لانك اكيد عرفت ؟؟
خالص تحياتي

أحمد خيري يقول...

طب عملتوا ايه في صاحب الوزة؟؟؟

إبتسامة ملاك يقول...

هههههههههههههههه

بصراحه انا بفكر اجى اخلص عليكم واخدها ليا انا
هههههههههههههههههههههههههههههه

أحمد خيري يقول...

اسمع ياعم ...
انا عاندي اقتراح في موضوع الوزة دا وأرجو انه يكون صدرك رحب وتتقبل مني..

أنا يابن الحلال .. ان شاء الله احتمال اقابلكو في موسم الحج السنادي ان شاء الله .... هنروح نخلص المناسك على خير ان شاء الله ونرجع نطبخ الوزة ... دا طبعا بعد إذن سيدنا الشيخ الحديدي حفظه الله ورعاه

وليكو عليا الكاتشب والدوناتس من هنا أجيبها معايا وانا جاي..

اتفقنا ... كلام رجالة؟؟؟

يللا سلامو عليكو

smileorotherwise يقول...

على فكرة !!! هي الوزة مستريحة كده أحسن ... في تلاجة ومكيف ومتستتة ،، أحسن من ديدان البلهارسيا الي كانت بتاكلها في الترعة هناك في البلد.

فيبقى الحال على ماهو عليه ولا تتخذ أي اجراءات ضدها...

ويؤجل الحكم لجلسة يونية بعد انتهاء الامتحانات ...
ودمتم،،
من طرف أخوك أبو نسمة

زهور الامل يقول...

هههههههههههههههه لو انا منكم اتبرعبها لحد مسكين واخد ثواب احسن

ولا اقولك اطبخوها من ورا ضهره واعملوله مفاجأة
ههههههههههه

قلــ"بـــلال"ــــــب فارس يقول...

سمى الله قبل ما تموته