الخميس، 5 مارس 2009

أنت في دولة عربية

أنت في دولة عربية

عندما تمتلئ (المقاهي) بالشباب .... وتشكوا المساجد والمكتبات من
الغياب..
ابتسم .....أنت في دولة عربية
عندما يستضيفون (راقصة) لتتحدث عن (تحرير) فلسطين .......
ابتسم .....أنت في دولة عربية
عندما تدرس الابتدائي 6 سنوات .. والإعدادي 3 سنوات ومثلها المرحلة الثانوية .. وأربع سنين في الجامعة أو خمسة .. لتعمل بعدها في سوق الخضار ...
ابتسم ....أنت في دولة عربية
عندما يكون هناك ستة ملايين (عامل) أجنبي .. وثلاثة ملايين (عاطل)ا .
ابتسم ....أنت في دولة عربية
عندما تقوم من النوم لتجد في هاتفك المحمول رسائل ليس لها أي معنى .....
ابتسم ....أنت في دولة عربية
عندما تكون هناك (خمسة عشرة) مجلة تهتم بـ (الشعر الشعبي( ولاتكون هناك مجلة واحدة أو (نشرة) تهتم بالأمور العلمية ...
ابتسم ....أنت في دولة عربية
عندما تذهب إلى تلك المنطقة في بلدك .. فلا تجد منهم من يتحدث العربية وتظن أنك تعديت الحدود حتى وصلت إلى (دكا)...لا تستغرب ... أنت في أسواق إحدى دول الخليج حيث كل البائعين أجانب
ابتسم ...أنت في دولة عربية
عندما (تضحك(عليك شركة الاتصالات في بلدك و(تشفط) كل اللي في جيوبك ..
ابتسم ....أنت في دولة عربية
عندما تقود(سيارتك الأمريكية) وتأكل (الهمبورجر) وتشرب)البيبسى) ثم تطالب بمقاطعة المنتجات الأمريكية .....
ابتسم .....أنت في دولة عربية
أن لا تحصل على الترقية في عملك إلا (بواسطة) ولا تجيب تقدير في الجامعة إلا (بواسطة) ولا تجد الوظيفة إلا (بواسطة) ولا تنتقل إلا (بواسطة) ولا تحصل على (حقوقك إلا بواسطة )
ابتسم ....أنت في دولة عربية
عندما تدخل المنتديات و تتحدث مع (رجل يستعمل الإنترنت باسم (بنت)ا
ابتسم ....أنت في دولة عربية
عندما ترى لافتات مكتوب عليها ( أنقذ غزة ) بدولة من أغنى دول العالم
وينتظرون منك المساعدة

ابتسم ....أنت في دولة عربية
عندما تصلي الجمعة وتكون الخطبة عن كيفية الوضوء الصحيح
بوقت تكون فيه الدبابات الإسرائيلية تسحق عظام طفلة فلسطينية

وعندما يتم إلغاء حفلة لشاكيرة وأليسا تضامنا مع أطفال غزة
ابتسم ...لأنك عربي عايش في دولة عربية
عندما تمسك جريدة وتجد أنك تقرأ خبرا يهاجم فيه المجلود ويلتمس فيه عذرا للجلاد
فأنت تقرأ جريدة عربية

13 التعليقات:

صدى الصمت - عاشقة الورد - يقول...

مش عارفة بجد أقولك ايه بس حقيقى موضوع أكثر من رائع
وعندك حق فى كل كلمة قلتها
لأنك لمست واقع مرير كلنا بنشوفة وننتقدة

عندى إقتراح صغير :
ياريت تلغى تأكيد الكلمة من التعليق حتى يسهل للزائرين التعليق دون أى صعوبات

تحياتى

عاشقة الورد

ذو الوجه المبتسم يقول...

اهلا باختى الصغيرة عاشقة الورد
اولا قد تم تنفيذ اقتراحك طبعا بعد اقتناع
على فكرة انا حاليا ببلد عربى ( السعودية )
وللاسف شايف بنفسي حاجات غريبة
اكيد الكل عرفها
وكنت اتمنى تكون الحياة افضل بين الاخوان العرب ؟؟؟؟؟؟؟؟
بدون تعليق اخر ؟؟؟؟؟؟ اكيد فهمانى
تقبلى تحياتى

شمس النهار يقول...

مالك في ايه انت مكتئب ليه
كل الكلام اللي قلته جميل
بس للأسف مالوش حل
ان الله لايغير مابقوما حتي يغيروا مابأنفسهم

هــــــــــــايدي يقول...

اخى
انت اكيد فى دوله عربيه
معاك حق والله فى كل اللى كتبته
وربنا يعنك على شغلك الجديد
علشان تعيش هناك احسن اثبتلهم انهم اللى محتاجين لكفاءتك ومجهودك مش انت اللى محتاجلهم
يعنى تبصلهم من فوق
وان شاء الله تجى بالسلامه

ومرسى على رد تعليقى فى البوست اللى فات

غير معرف يقول...

السلام عليكم ورحمة الله
كيف حالك اخى
مش عارفة لية تذكرت قول الله تعالى
ان الله لا يغير ما بقوم حتى يغيروا ما بانفسهم

لازم نحاول نغير من انفسنا وبعيد ان شاء الله الامور هتتصلح
واذكرك ان اعظم جهاد هو جهاد النفس فعلينا ان نبدا بانفسنا والله المستعان
فيتغير من حولنا للاحسن ان شاء الله


قد اكون بعدت عن الموضوع لكن دى وجهة نظرى
تحياتى واحترامى

هى فوضى يقول...

السلام عليكم
لية الاكتئاب
حاول تتفائل ونحاول نغير نفسنا والله المستعان
عارف العرب عشان معندهميش هدف عاملين كدة

صدى الصمت - عاشقة الورد - يقول...

الحقيقة أنا سعيدة جداً إن حضرتك لقبتنى بإختك الصغيرة وهذا شرف ليا
وأشكرك على قبول الإقتراح بصدر رحب لكن آسفة إنى أقولك إنه لم يتم تنفيذة وتأكيد الكلمة مازال موجود عندما يتم التعليق
تحياتى

عاشقة الورد

ذو الوجه المبتسم يقول...

شمس النهار
صدقينى مفيش اكتئاب ولا حاجة
بالعكس انا الحمد لله فريش جدا
لكن الوضع بجد مش عاجبنى
واللى بيحصل معنا كمصريين فى دول عربية
بيخلينى بجد مش عارف اقول ايه
ادعلنا ربنا يعنى على اللى احنا فيه

ذو الوجه المبتسم يقول...

هايدى
انا فعلا فى دولة عربية
اسمها السعودية
وبصراحة اللى الواحد مستريح له هنا
هو ان الارض طاهرة لكن ؟؟؟؟؟
انا الحمد لله باقدر اثبت وجودى فى اى مكان اروحه وقادر على التغيير مهما كان لكن اللى يضايقك ان الواحد منهم بيبقى مش فاهم حاجة
وبيحاول يثبت لك انه ابو الفهم
ومش كده وبس
كمان بيحاول يقلل من قدر المصريين بالذات ،
متقلقيش على اخوكى الكبير
اخوكى راجل
هههههههههههه
تقبلى تحياتى

ذو الوجه المبتسم يقول...

نهر الحب
بالعكس انتى مش بعدتى عن الموضوع ولا حاجة
هو ده لب الموضوع
ربنا مش هيغير منا الا اذا احنا غيرنا من انفسنا
الموضوع شكله كوميدى لكنه هادف
وله معانى كبيرة
ادعى ربنا يصلح حالهم
ولو مفيش فايدة فى الاصلاح
يبقى ادعى ربنا ياخدهم
هههههههههههههههه
تقبلى تحياتى

ذو الوجه المبتسم يقول...

هى فوضى
شرفتينى بجد بمدونتك التانية
مفيش اكتئاب ولا شئ
بس كل الحكاية ان التعامل هنا مع البشر سواء هنا او فى اى دولة عربية حتى مصر
اصبح يعتمد على الجانب المادى والمصالح الشخصية اكتر منه اعتماد على الروحانيات وعلى صدق المشاعر
ودى بجد حاجة مضيقانى
لان فيه اشياء لا تقدر بثمن
اكيد فهمانى طبعا
المهم اتمنى تكرار الزيارة ومتبخليش علينا بها
تقبلى تحياتى

ذو الوجه المبتسم يقول...

اختى صدى الصمت
فى البداية اقول لك بجد احساسي بكل من اعرفهم او اتحدث معهم هو احساس اخ او صديق صادق صدوق
بخصوص الاقتراح ياريت تقولى لى بيتعمل ازاى يمكن انا فهمت غلط او نفذت غلط
اكتبى الخطوات بالتفصيل
تقبلى تحياتى

حياه بلا عنوان يقول...

السلام عليكم البوست جميل بس بردو مكتئاب شويا ههههه مش لوحدى اكيد الانسان بشوف فى الحياه كتير وانت بتقول انك عايش فى بلد عربى وفيها المكتئب وفيها البشوش بس الواحد بيحاول يكون مش مكتئب على طول بس انت ذكرت حاجات حلوه فى البوست وحاضر هنبتسم هههههه تحياتى