الثلاثاء، 7 أبريل 2009

تاج مين ده

باعتبر ان الاسئلة والاجوبة دى اسهل طريق للتعريف والتعرف على الشخصية
علشان كده حاولت اجاوب بتلقائية للمرة التانية
س من هو العقليه المتفهمة بالنسبة لك
خالى الشيخ عبدالرحمن أبو العزم " اول من علمنى فلسفة الحياة "
س من هو القلب الطيب بالنسبة لك
امــــي
س من هو الشخص الذى يمثل لك الروح
من احـــب
س ماذا يعني لكِ الاتي ) :البحر .. الصديق .. الحياة .. الحبيب )
البحر : باخاف منه وباحب النظر لامواجه وقت الغروب باحس فيها برومانسية
" باتمنى لو ان بحر الحب تذوب شواطئه " ترى ذابت ولا لسة ههههههه
الصديق : هو أنا بأعتبر كل صديق هو " ناجي " نفسه
الحياة : قال تعالى " وما خلقت الجن والانس الا ليعبدون "
باحاول اعيش حياتى بكل ما فيها من جمال وباحاول اقتنص كل لحظة واصنع السعادة فيها بقدر الامكان
الحبيب : هو كل ما لى وأعطيه كل جوارحى وروحى بمعنى الكلمة وباتمنى انه يبادلنى نفس الشعور
س ماذا تعنى لك لحظات الوداع
مش باحبها وباتعب بسببها وباخاف منها علشان كده باحاول ابعد عنها ولو صادفت وجت لحظة وداع بابتسم وعينيا بتدمع
س من هو صندوق أسراركِ ومفتاحه؟
بصراحة معنديش اسرار لانى باحب الفضفضة بس لو فيه شئ شخصي باحتفظ به لنفسي
س هل انت راضي عن نفسكِ
اتمنى ان اكون راضي بجد
س ماذا تعنى لكي الدموع ؟
الدموع سهام بتخترق القلب والروح وباعتبرها اغلى شئ عندى علشان كده صعب ابكى
س ماذا انجزت من طموحاتكِ وماذا تبقي؟
بصراحة انجزت القليل رغم ان الناس شايفة العكس وباتمنى احقق طموحاتى كلها ...
تبقى كتيرررر قوووى
س كيف تقضي يومكِ؟
حاليا باصحى الصبح كسلان هههههه علشان هاروح الشغل الساعة 7 صباحا .. بعد الساعة 2 ظهرا باروح سكنى باجهز الاكل اصل انا مغترب .. باعمل اكل ايه ؟؟؟ عينكو ما تشوف الا النور ههههه اهو بيتاكل .. وبانام شوية بعد ما اصلى العصر وباصحى المغرب اشرب كوب شاى او نيسكافيه وباتفرج على التليفزيون شوية وافتح الكمبيوتر وباعمل شوية شغل وبعدها بافتح النت باتصفح مدونات الاصدقاء وبابحث عن الجديد وبانام تقريبا الساعة 12 بالليل علشان اصحى 6 صباحا
س من هو الحضن الدافىء لكِ؟
هههههههه حضن مين بس هو انا فى ايه ولا ايه بس احن حضن هو حضن .. حضن امي .. امتى ارجع وتحضننى
س الى من تشكي همومك؟
معظم الاوقات باشكى لنفسي لو فيه هم يعنى وده مش كتير
س ثلاث كلمات..لمن تهديها ؟
كلمه شكر.. لكل من اهدانى معلومة استفدت بها وكل من علمنى حرف
كلمه عتاب .. بأعتب على نفسي لانها تعبانى جدا
كلمه اعتذار.. بأعتز لاى شخص اسأت له بدون قصد
س لو فرضنا انك تستطيع ان تحكم هذه الأرض في 3 أيام فقط .. ماذا ستفعل ؟؟
حاكم مين بس ؟؟ لو جت الفرصة اول شئ اتمنى اوحد كلمة المسلمين .. وابنى قصر كبير قوووووى ممتلئ من الفكر والعلم والابداع لان ده هو الباقي .. واقتل كل جاهل كافر ..بس كفاية كده احسن الخبط اللخابيط واتكلم فى السياسة والحاجات الوحشة دى وارجع اقول احنا بتوع الاتوبيس يا اخوننا ومحدش يصدقنى ههههههه
س ماهي السعادة برأيك؟
السعادة هى الابتسامة حتى لو كانت مصتنعة !!!
س عرف الحالة الهستيرية ومتى آخر مرة مررتِ بها
انا اصلا متعصب وهيستيرى هههههههههههه بس مش قوووى يعنى .. يعنى لما باتضايق ممكن اكسر .. واعمل حاجات مش كويسة اكيد ده عيب بس اعمل ايه شخصية عنيدة بقى ههههههههه.. اخر مرة كنت هيستيرى فيها من زمان قوووى لما كان عمرى تقريبا 17 سنة كسرت الدولاب وكسرت الزجاج فى البيت بس ندمت بعدها
س في يدك قنبلة يدوية وفي الأخرى وردة حمراء .. ستهديه القنبلة ومن ستهديه الوردة؟
القنبلة لكل وجه مكشر علشان نخلص منه ونرتاح هههههههه
والورده لكل وجه مبتسم
س بجملة واحدة فقط أكتب تعريفاً لكل كلمة من الكلمات التالية :
الوطن .. امــــي
الأم .. حياتى وروحى وعمرى
الليل .. سكنى وسكونى
الصمت .. اســـلوبى
المرأة .. هبه من الله
الرجل .. اخ وصديق
س أيهما أصح كل قارئ كاتب أو كل كاتب قارئ
كل كاتب فهو قارئ .. وليس كل قارئ كاتب
س أيـهـما أصــدق فـي نـظــركِ دمـعــة الـمــرأة أم الـرجـــل
دمعة الرجل اكيد لانها مش بتنزل بسهولة
س الأنسان العاطفي من هو في نظركِ ؟
الانسان العاطفى فنان ذو مشاعر خاصة .. اعتقد مفيش انسان مش عاطفي
س متى بكيت ؟ ولماذاااا ؟
ليه بس السؤال المحرج ده .... نعم بكيت قبل اكتر من 15 سنة .. عندما كانت امى بغرفة العمليات وكان بين الحياة والموت .. هى الحمد لله حاليا كويسة ادعو الله ان يطيل عمرها
س اذكر مقلب من احد الاصدقاء ؟
مقلب حصل قريب هنا زميل مستر احمد ومستر محمود اتصلو بيا على التليفون وشغلوا اشتغالة بصوت وحدة سعودية وهى بتقول الجوال ده بيضايقنى كل يوم ويدق عليا فى الليل وانا ارد عليها واقول حضرتك مش انا طيب اسمعى بس ممكن تفهمينى وهى طبعا بتكمل كلمها ومش ساكتة بصراحة كنت محرج قوووى وفى الاخر لقيت مستر احمد بيشغل لى جاموسة راحت تقابل جاموسة ههههههههه كنت هاموته
س ماذا تعتقد برايك حول موضوع الصداقه بين الرجل والمراه ؟
بصراحة وبدون زعل اى علاقة مبنية على التفاهم والاحترام بتكون ناجحة
لكن علاقة رجل بامرأة كصداقة لو تعدت حدودها اعتقد بتكون فاشلة
س هل انت سعيد في حياتك ؟
الحمد لله باحاول اكون سعيد
س متى تبكي
انا من الصعب ابكي الا للشديد القوووووى
س متى تضحك
انا على طول مبتسم لانى باعشقها بجد وباحس انها سر السعادة
س ماذا يدور في ذهن
اللى بيدور فى ذهنى دلوقتى انى اقوم اجهز العشا علشان جعاااااااان هههههههه

38 التعليقات:

yoyo يقول...

صباحك سكر يا صاحب الابتسامة الرقيقة
أخبارك ايه ؟؟
يارب تكون بالف خير يااااارب

أجمل مافى التاج والله يا ناجى اجابتك الللى كلها عفوية وتلقائية دى
ربنا يسعدك يارب وتقدر تحقق كل احلامك وامالك يااااااااااارب

موضوع عمايل الاكل دا ربنا يعينك طالما بتجرب فى نفسك مش فى خطر يعنى اكتفاء ذاتى مع نفسك بس اوعى تخلى حد يجرب معاك مش ناقصين ايه ممكن يحصل ههههههههههههههههه

ليا طلب بقى عندك لو بقيت حاكم يعنى ابقى خدنى معاك وزيرة ولا اى حاجة عشان انا بشكل وزارة اهوا هابقى اشوفك يعنى باى حاجة كدا هههههههههههههه

اتفق معك ان دموع الرجل ليست سهلة و تعبر عن انكسار الرجل عكس المرأة فالدموع تعبر سلاح من اسلحتها لسيطرة

ربنا يخلى ليا ماما يارب و يعطيها الصحة والعافية اللهم آآمين وان شاء الله ترجع لها بالف مليون سلامة

اجابتك بجد بتقول انك انسان جميل اوى وحنين جدا وكمان دمك خفيف جدا جدا
مش بعاكس ولا حاجة هههههههههه

دمت بالف خير وصحة
تحياتى
يويو

ع ـبـق انثـى يقول...

صباح الخير ... على عيون احلى ناس

اخبارك ان شاء الله تمام

بالاول انت جناااااااان بصراحه

الاجوووووبه بتجنن وديما ان شاء الله

سعيد ومرتاح ...

واحلى شي المقلب ..ههههههههههههههه

وتعبش وتاكل غيرها ..

وطولت العمر لست ماما ... والف

الحمد لله على سلاااامتها ...

ولو هي متاخره ...

يسلموااااااااااااا ناجي

على الكلام الحلو والصراحه والعفويه

الاحلى ...


تقبل مروري البسيط

لك مني ارجوان قلبي

نظره عين يقول...

الله على اسالتك واجابتك الجميله ياابو اجمل ابتسامه بجد راااااااائع جدا اللى انت قولته وكلام كله صراحه ومفيش كدب وجميل اوى

م/ الحسيني لزومي يقول...

اسف لو تدخلت بخصوص النقاط الاول عن م / الحسينى
اعتقد اننا كلنا مصريين ومسلمين ووطنيين ولكن كما قلتى هناك البعض من يريد الكلام على مزاجه وكذلك فكر الاخرين ايضا يكون على مزاجه وده شئ صعب جدا ان لم يكن مستحيل
----
يا أخ / ناجي هذا جزء من تعليقك عند الاخت محاسن.
وانا اسأل لو أن الرسول عايش بيننا الأن وشاهد ما حدث لاخواننا في غزة ماذا كان سيفغل؟ هذا السؤال وجههت للاخت محاسن حسما للنقاش ولكنها لم ترد ولم تعر السؤال اهتماما....واحنا مش بنتكلم علي مزاجنا ارجع للتعليقات عندها تلاقيني وضحت لها انا وغيري كيف عاملهم الرسول وقت السلم والحرب...لكن في وقت العالم كله بيغلي علي ما حدث في غزة تيجي الاخت محاسن وتقول بيننا وبينهم معاهدة سلام...اي سلام هذا اليسوا هم وراء الميدات المسرطنه اليسوا هم وراء قتل علمائنا ... اليسوا هم من يقتلون جنودنا علي الحدود... اليسوا هم الذين يعبثون في منابع النيل لتقليل حصة مصر من المياه... لقد وصل عدد الجواسيس الذين قبض عليهم فقط منذ معاهدة السلام 69 جاسوس وهذ العدد يفوق ما قبض عليه وقت الحرب...
نحن لا نتحدث علي مزاجنا ارجوا ان تكون ملما بالموضوع قبل التعليق لان الحق ليس فيه مجامله.

ذو الوجه المبتسم يقول...

يويو الجميلة
اختى الصغيرة
انتى يا ستى اللى فينك
بقالك فترة طويلة من بتسالى عنى
اشكرك على تعليقك الرقيق
بالنسبة للاكل متخافيش
انا باطبخ حلو يعنى تقدرى تقولى الرز معجون والمكونة ملخبطة والخضار نص نص ههههههه بس اخوكى ايه فظيع ان شاء الله اعزمك قريب على اكلة من ايديا
اوعى تقولى لا لا لا
هتاكلى يعنى هتاكلى ههههههه
بخصوص طلبك للتعيين
مقبول مقدما
اعتبرى نفسك رئيسة الوزراء المنتظرة
ورينا بقى هتعملى ايه
بخصوص دموع الرجل
يمكن بالنسبة لى بجد مستحيلة لكن المصيبة انى باشوف شباب تعبان بيبكى
وعلى ايه بقي ياستى
على بنت سبته او على حاجة ضاعت منه ههههههه
واشكرك على سؤالك عن والدتى هى الحمد الله الان بخير رغم انها لسة بتعانى شوية من نفس مكان الجراحة
تقبلى تحياتى

ذو الوجه المبتسم يقول...

ارق انسانة
بجد لما باشوف تعليقاتك بالمدونة
بجد باكون سعيد جدا
وباحس باحساس مختلف

بخصوص المقلب يا ستى
الشباب عملوه فيا وفطسو على نفسهم من الضحك عليا
اصل انا بينى وبينك باتحرج جدا لما باكلم وحدة ست ههههههههه
تقبلى تحياتى ووو ....

ذو الوجه المبتسم يقول...

نظرة عين
نورتى مدونتك الثانية
واشكرك على تعليقك الرقيق
واتمنى تكررى الزيارة كتيرررررر
تقبلى تحياتى

ذو الوجه المبتسم يقول...

الاخ الاكبر م / الحسينى لزومى

اولا اشكرك على الزيارة وبجد لما باشوف تعليقك باكون مبسوط
رغم ان معظم تعليقاتك وبدون زعل بتكون خارجة عن موضوع البوست
وبالرغم من ده والله يعلم انى اكن لك احترام كبير وتقدير لفكرك الراقي
وتأكد اننى على وعى كبير بكل حرف انت بتكتبه او اى دعوة انت بتدعو لها
اخى العزيز
قد تكون المدونات وسيلة لنشر فكر معين او دعوة لاتجاه معين
وبالرغم من كل ده وباكرر وبدون زعل انا مش باحب اتكلم فى السياسة
ومش معنى كده انى معرفش عنها شئ ... بالعكس .. ولكنى افكر بمنطقية الى حد ما
بمعنى مش هو ده الاسلوب الامثل للدعوة ضد نظام او ضد عدو او ضد افكار
اخى العزيز الموضوع طويل جدا والنقاش فيه يحتاج لمساحات من الوقت والكتابة
اتمنى ان التقى بك شخصيا سواء عبر النت او مباشرة ان شاء الله
BIG_MASTER1972@YAHOO.COM
ده اميلى الشخصى واود انك انت اللى تضفنى ضمن قائمة الاصدقاء
اما بخصوص تعليقى بمدونة الاخت محاسن والخاص بالرد على تعليقك
ارجو الا يكون تعليقى زعلك
وتأكد اننا نشهد ان لا اله الا الله وان محمد رسول الله قولا وعملا
بخصوص الكلام فى الاوضاع اتمنى يكون مباشر بينى وبينى للتوضيح اكثر فى وجهات النظر
اخوك الاضغر ناجى عبدالرؤف

♥نبع الغرام♥♪≈ يقول...

السلام عليكم ورحمة الله وبركاته
ذو الوجه المبتسم
أولآ أشكرك على مرورك الجميل الذى بجد أسعدنى
وأتمنا ان تكون صديق دائم لمدونتى
وألف مبروك عليك التاج
وإجباتك جميله قوووى ولذيذه
كلها فرح وشجون
يارب يسعد أيامك يارب
تقبل تحياتى
وسلالالالالالالامى

صدى الصمت - عاشقة الورد - يقول...

الحقيقة إجاباتك رائعة جداً وأجمل مافيها إنها صادقة جداً وبتلمس القلب
لكن أنا معترضة على إن دموع الرجل أصدق من دموع المرأة
فى رأيى أى دموع ناتجة عن موقف حقيقى وصادق وتسقط دون إرادتنا فهى دموع صادقة
سواء كانت صادرة من رجل او إمرأة
تحياتى

عاشقة الورد

همس الاحساس يقول...

عاوز تتعشى وتسبنا جعنين طيب ده الاصول برده

انا اول مرة ازور مدونتك

بجد مدونتك اكثر من رائعه

والصراحه الى عجبتنى بكلامك بجد شىء جميل

شمس النهار يقول...

الاجاباتك لطيفه جدا
بس بختلف معك في موضوع الدموع
الدموع الاصدق هي الدموع الصادقه فعلا سواء من رجل او امراه
في رجال برضه بيمثلوا بالدموع الدموع ماينفعش فيها تعميم
اي مشاعر ماينفعش فيها تعميم
عشان النفس البشريه غريبه حبتين تلاته
وبهنيك انك فعلا مبتسم علي طول ربنا يسعدك كمان وكمان

ذو الوجه المبتسم يقول...

اختى الصغيرة
عاشقة الا......
عاشقة الابتسامة
نورتى مدونتى
وان شاء الله اكون بالفعل صديق دائم لمدونتك
بس اتمنى البوست اللى جاى لك يكون فيه ابتسامة حلوة
اتفقنا
تقبلى تحياتى

عاشقة النسيان يقول...

اخى العزيز ذو الوجه المبتسم ردك على الاسئلة جميل جدا وكلة بسيط تقبل مرورى

ذو الوجه المبتسم يقول...

اختى الفنانة صدى الصمت
نورتينى
ممكن اتفق معاكى ان اى دموع لحظة صدق بتكون اصدق سواء من رجل او امراءة
لكن عاوز اقول لك حاجة مهمة جدا
الرجل الحقيقي صعب ينزف دموع لانه لو نزف دموع بتكون مش سهلة عليه
فهمانى
تقبلى تحياتى

ذو الوجه المبتسم يقول...

همس الاحساس
الاول اتفضلى نتعشي سوي
يلا لقمة على الماشي كده
علشان يبقى عيش وملح
نورتي المدونة بوجودك
واتمنى تكرار الزيارة
واشكرك على رقة تعليقك وذوقك الرفيع
تقبلى تحياتى

ذو الوجه المبتسم يقول...

اختى شمس النهار
نورتينى
ممكن اتفق معاكى ان اى دموع لحظة صدق بتكون اصدق سواء من رجل او امراءة
لكن عاوز اقول لك حاجة مهمة جدا
الرجل الحقيقي صعب ينزف دموع لانه لو نزف دموع بتكون مش سهلة عليه
فهمانى
تقبلى تحياتى

ذو الوجه المبتسم يقول...

عاشق الاحززززززززان
اولا نورت المدونة
لكن باتمنى تغير لفظ الاحزان ده
ايه المانع نخليها افراح
ابتسامات
حاجة حلوة كده
انا عارف ان الاحزان كتير
بس ليه مش نقاومها ونتغلب عليها
تقبل تحياتى

صفــــاء يقول...

هو الباين من كلماتك انك بتهوى الوحدة او مش بتثق كتير فى الناس
وشايف انك أقرب صديق لنفسك وأقرب شخص ليك
رغم كل أرائك الكويسه بس لازم يكون فى حياة اى انسان شخص بيأمن له وبيثق فيه
ويكون له مراءة
سعيدة بتعرفى على حضرتك وان زيارتى الاولى لتاج
تحياتى لك

Unknown يقول...

السلام عليكم ورحمة
الله تعالى وبركاته
وصباح الخير
ياأستاذ
ناجى
ايه التاج اللطيف ده
والاجابات الالطف دى
فعلا حسيت بالصدق
فيها جدا جدا
لكن مش عارفة
حسيت انك بتحاول
تخبى الحزن بالابتسامة على
وجهك لاجل ما الاخريين ما يوعلوش!
هذا احساسى والله ورسولى اعلى واعلم!

Unknown يقول...

ربنا يخليلك الولدة يارب
وترجع لبلدك ولاسرتك
ولعيلتك سالم غانم
بأذن الله تعالى.

ذو الوجه المبتسم يقول...

الاخت صفاء
نورتى وشرفتى المدونة
واشكرك على تعليقك اللطيف
بخصوص الثقة بالاخرين
انا من النوع اللى عندى مبدأ الثقة بالاخرين حتى يثبت غير ذلك بالرغم من خطورة هذا المبدأ الا اننى متمسك به
وباحاول بجد استمر عليه لذك انا باثق بكل الناس زي ما قلت لك الان حتى يثبت غير ذلك
بخصوص الوحدة انا فعلا باحب اكون مع نفسي كتير بس مش لانى باحب الانطاواء لا
لانى بجد باحتاج لنفسي كتير ؟؟؟
رغم انه لى اصدقاء كتير جدا باحبهم وبيحبونى

ذو الوجه المبتسم يقول...

norahaty
ازيك
تعرفى بجد ضحكت لما قريت تعليقك
وافتكرت جملة كده
هو اللى بنعملووووا فى الناس هيطلع علينا ولا اييييييييييييه
ههههههههههههه
درجة الاحساس عندك عاليا جدا
ويمكن الوجه المبتسم فعلا بيخبى وراه حاجات كتير ميحبش حد يشوفها غيره
واشكرك عن سؤالك عن الوالدة
وهى الحمد لله بخير
تقبلى تحياتى

ادم المصرى يقول...

السلام عليكم

مرسى جدا اخى الطيب على تصريحاتك فى مدونتى وبجد انا سعيد بكونى صديق واخ لك

وبجد مش عارف اعبر الى جوايا لئن قليل جدا لما تصادف حد مخلص فى هذا الزمن ولكن تفاجأت انهم فى كل مكان

مرسى جدا على كلامك وكان مفعوله جميل جدا مرسى جدا

اسماء واحلام فى وجدانى يقول...

اسماء واحلام فى وجدانى

Unknown يقول...

http://www.facebook.com/topic.php?topic=8073&post=33089&uid=86447686494#/group.php?gid=86447686494 كلنا ايد واحده ضد الظاهره اللا اخلاقيه ضد التحرش وقفةالسبت 18 ابريل قدام جامعة الزقازيق وقفة سلميه بنطالب بحقنا فى شارع آمن مين معايا دعوه لكل شاب يتمنى اخته تمشى بامان كل بنت نفسها تعيش بأمان
السبت اتمنى تحضريه
اكيد انتى معانا
كلنا ايد واحده

بنت الغربة يقول...

انا باحاول ابتسم على طووول ..بس الخنقه نعمل فيها ايه ؟؟؟
اسعدنى التعرف عليك وعلى افكارك الجميله وفرحت اكتر لما لقيتك مبتسم على طووول كده ...عقبال عندى ...
بس سؤااال خنييق من اختك مخنووقه ..
هو انت متجوووز ؟؟؟
اصل الناس المش مخنوقيين قصدى مش متجوزييين هم بس اللى على طوول مقضينها ابتسااام....
لو متجووز يبقى يابختها ..ولو لسه ..ابقى قابلنى بعد الجواااز لو فكرت تبتسم....
تحياااااااااتى يامبتسم

وردة يقول...

يا صاحب الوجه المبتسم
ايه الجمال في الاجابات ديه
ربنا يكرمك بوالدتك ودعواتها
باين جدا طبعا حبك الكبير ليها
واكيد حبك للبحر برضو لفت نظري
معلش اصلي اسكندرانية
ههههههههههه
ربنا يكرمك
سلام

ذو الوجه المبتسم يقول...

الاخ ادم المصري
نورت المدونة
وان شاء الله تكون البداية مش النهاية
وحمد لله على سلامتك
على فكرة
باين عليك رومانسي وحساس قووووى
بس خلى بالك
علشان بعدين ممكن تتعب
خلى العقل يقوم بدوره صح
تقبل تحياتى

ذو الوجه المبتسم يقول...

اسماء واحلام فى وجدانى
اسمك نور المدونة
واتمنى ميكنش النت فصل وانتى بتكتبى التعليق
هههههههههههههه
ولا البلوجر اخد التوقيع بتاعك بس ومظهرش التعليق

عاوز اشوف تعليق ونقد منك قريب
تقبلى تحياتى

ذو الوجه المبتسم يقول...

اسماء جمعة بنت الشمس
ربنا يوفقوا
وكنت اتمنى اكون متواجد بمصر علشان اشارك معاكم
بس اتمنى ان يكون فيه نظام فى التواجد وفى المطالبات
بالتوفيق ان شاء الله

ذو الوجه المبتسم يقول...

بنت الغربة
الخنقة الخنقة الخنقة
الخنقة ياستى بسبب ايه
الضيوف الحلوين دول
اللى بينيموكى بغرفة الاطفال
ههههههههههه
بصي ياستى
الخنقة علشان تفكيها زي الواحد مابيفك الكرافتة كده
برده بالابتسامة

واقترح بجد
لو عندك موهبة ابدئى نفذيها
زي مثلا
اسلوبك القصصى ممتاز
اكتبى قصص
ارسمى
لو بتعرفى ترسمى ارسمى
ولو مش بتعرفى تعالى وانا اعلمك
اقرئى كتير
شوفى الدنيا ماشية ازاى وسيريها باسلوبك انتى بدون تقليد لحد

وفى الاخر لو فضلتى برده مخنوقة
يبقى مفيش غير حل اخير
؟
؟
؟
اقول
ها
شوفى مين سبب الخنقة بتعتك دي
وخلصي عليه
هههههههههههه بس اوعى يكون جوزك
تقبلى تحياتى

ذو الوجه المبتسم يقول...

وردة
نورتى وشرفتى المدونة المتواضعة بتعتى
تعليقك اضاف للمدونة راوئح العطر والورد

انا فعلا باحب امي لدرجة كبيرة جدا
لانى عشت معها تفاصيل تعبها كله وبينى وبينك وقتها تبين ليا حاجات كتير فى الناس اللى حواليا .. يلا مش مهم لان الموضوع يطول شرحه

انا بالنسبة لامى وابى واخوتى
مسئول عنهم روحانية
مش شرط المسئولية تكون ماديا
علشان كده كلهم بيعتبرونى سر ابتسامتهم وسعادتهم والحمد لله معظم الاصدقاء والمعارف يعرفو عنى الابتسامة
ومحدش فيهم يقدر يكشر قدامى
لانى باحول التكشيرة دى لابتسامة بجد
ازاى بقي
حسب الموقف نفسه
تقبلى تحياتى يا بشمهندسة

Unknown يقول...

انا بصراحه ...زعلان منك
وجاي وكلي زعل ...تصالحني؟ ولا اخبط دماغي في الحيط ؟
ردودك كلها بسم الله ماشاء الله اللهم ما لاحسد..ربنا يزيدك من نعيمه..

Remas يقول...

ماشاء الله اجاباتك كلها جميلة وبسيطة

ربنا يخلى لك مامتك ويديها الصحة

انت صعبت عليا بجد... انت اللى بتعمل الاكل لنفسك ؟

طيب لو محتاج اى مساعدة اطلب على طول مش تتردد

اما الدموع فأى دموع بتنزل في لحظة صدق فعلا بتكون دموع حقيقية ومش في فرق فيها بين رجل او مرأة

انا طبعا فاهمةانك تقصد ان دموع الرجل اصعب ولانها صعبة فمش بتنزل الا لو كان الموقف مؤثر فعلا .

على فكرة ميرسي جدا على زيارتك مدونتى وتعليقك هناك ودا شئ بيسعدنى جدا

موناليزا يقول...

تمنياتى لك بابتسامة دائمة

ذو الوجه المبتسم يقول...

ريم
نورتى المدونة
واتمنى تكرار زيارتك
وشكرا على تعليقك الرقيق
تقبلى تحياتى

ذو الوجه المبتسم يقول...

موناليزا
ربنا يتقبل منك يارب
ويديم علينا الابتسامة
تقبلى تحياتى