الأربعاء، 15 أبريل 2009

الخــــــــيانة

قد يكون الموضوع فى شكله العام مشمئز بجد لكن اعتقد ان الموضوع زاد عن حده
ويمكن دي اول مرة اكتب عن موضوع بالشكل ده ومش عارف رد الفعل هيكون ايه
مش فى الموضوع ..
رد فعلكم ان الوجه المبتسم هو اللى يتكلم عن الموضوع وليه بيتكلم فيه
هل هو شئ عادى ولا فيه حاجة حصلت هو فيه بجد مش عارف
من كم يوم كنت اشاهد التليفزيون على احد القنوات الفضائية وكان هناك اتصال من وحدة ست متزوجة من كم شهر وزوجها نظرا للظروف المادية سافر يشتغل طبعا بالاتفاق معها سمعتها بتقول انها متزوجة من 3 شهور وزوجها سافر للعمل بالخارج وانها خانته مع واحد صاحبه انها مارست مع الجنس والمصيبة انها بتبرر فعلتها الشنيعة دى بانها محتاجة لزوجها احتياج جسدى ومقدرتش تستحمل .. بالذمة ده اسمه كلام ؟؟؟
عارفين السيدة الفاضلة اللى انا باحترمها جدا الام عبلة الكحلاوى قالت لها لازم زوجك يرجع باسرع وقت
وقالت ازاى الرجل يسافر ويسيبه مراته واتهمت الزوج بالتقصير ..
طيب سؤال وعاوز اجابته بصراحة
الراجل هيعمل ايه لو ضاق به الحال فى بلده زى ما احنا شايفين بمصر حاليا ..
يموت من الجوع يعنى يسرق ينهب يعمل ايه ..
الراجل مسافر يشتغل. يتعب بالغربة . مش رايح يتدلع .
ولو اتيحت له الفرصة انه ياخد مراته بياخدها حسب ظروفه فى العمل ...
طيب هل كل الستات كده ولا دى حالة شاذة ..
طيب هل كل رجل مسافر بعيد عن مراته يتوقع منها الخيانة ..
طيب فين بنت الاصول .
فين التربية فين الاخلاق ..
كل ده راح طيب الست لما تضعف تعمل ايه هو لازم يعنى تخون زوجها
بجد الموضوع محتاج تساؤلات كتير
الخيانة الزوجية
يمكن تعريفها بأنها علاقة غير شرعية يقيمها أحد الزوجين مع طرف ثالث. لذلك فالخيانة في المفهوم الشامل لا تقتصر فقط على الزنا؛ بل إن إقامة أي علاقة تتجاوز حدود الشرع يمكن أن تعتبر نوعاً من الخيانة وإن كان أشدها بين الزوجين العلاقة الجنسية.

آثار الخيانة الزوجية على الأسرة و المجتمع
من الآثار على الأسرة

· ** قد تؤدي إلى دمار الأسرة فقد يحدث الطلاق إذا اكتشف الطرف الآخر الخيانة
· ** قد تؤدي إلى القتل و بالذات إذا كلنت الزوجة هي الخائنة فمسائل الشرف و العفة حساسة جداً في مجتمعاتنا و شرعنا، فقد يقتل الرجل زوجته إذا اكتشف أنها تخونه،
** فقدان التوازن العاطفي و النفسي بين الزوجين
· ** فقدان الثقة و التي هي من أهم أسس النجاح في العلاقات الزوجية.

من الآثار على المجتمع

· ** الفوضى الأخلاقية التي يمكن أن تحدث إذا انتشرت الخيانات
· تشتت الأسرة و انتشار الضغائن لأن الخيانة و خاصة عند انتشار أخبارها لا تقتصر آثارها على الأسرة بل على أهالي كل طرف و يتلوها فضيحة اجتماعية أحياناً و قد يمتد ذلك الأثر أجيالاً. فسيتردد مثلاً الشاب أن يخطب فتاة إذا علم أن أمها خانت أباها يوماً و ستتردد الأسرة أن توافق على خطيب لوالده علاقات مشبوهة خوفاً ان يكون مثل والده و هكذا ...
· التقليد و المحاكاة و ما يتبع ذلك من انتشار للفاحشة فقد تقلد البنت أمها و تقيم علاقات إذا علمت أن أمها لديها علاقات جنسية مثلاً، و قد يفعل الشاب نفس الأمر إذا وجد والده يخون أمه و هكذا.

لماذا يخون الرجل زوجته؟
لماذا تخون الزوجة زوجها؟
وهل هناك علاج لهذه الآفة
الخيانة .... برغم الحب
لماذا لا يمنعنا الحب من الخيانه ؟ ولماذا لا تمنعنا الخيانة من الحب ؟ هل اجد لديكم الاجابه ؟؟؟؟
http://www.dailymotion.com/video/x6iqnc_laila-gofran-2008-min-hina-w-rayh_music

http://www.youtube.com/watch?v=ppWq4rkXvnc

http://www.youtube.com/watch?v=ztzdedDBuFs&feature=related


http://www.dailymotion.com/video/x6f9m1_yyyy-yyyyy-yyyyyy-yyyy_shortfilms?from=rss&hmz=706c61796572

33 التعليقات:

♥نبع الغرام♥♪≈ يقول...

السلام عليكم
الحق أول تعليق
وبعدين أكمل

♥نبع الغرام♥♪≈ يقول...

وكمان تعليق كمان صغنن عشان الوجه المبتسم
ههههههههههههههه

♥نبع الغرام♥♪≈ يقول...
أزال المؤلف هذا التعليق.
ذو الوجه المبتسم يقول...

عاشقة ؟؟؟
اقري الموضوع كويس
منتظرك تعليقك الان
اوعى تنامى ومتقوليش حاجة

♥نبع الغرام♥♪≈ يقول...

السلام عليكم ورحمة الله وبركاته
استاذى العزيز
بجد موضوع جامد قووى واتكلمت عنه فى الوقت المناسب
الخيانه
بجد دى كلمه صعبه قووووى وبتوجع
قووووووووووووووووووووووووووووى
الخيانة في بعض الاحيان تكون الشعور الاجمل إذا كان الشخص المغدور يستحقها
من المؤسف حقا ان تبحث عن الصدق في عصر الخيانة وتبحث عن الحب في قلوب

جبانة

بصراحه ربنا ينتقم من أى إنسان خاين
اذا مزقت قلبي فلا تتحدث عن الحب لان الحب بريء من الخونة
عيوش
عجزت الكلمات ان تكتب سوى بضع كلمات امام
قلمك النارى ....
وهذا هو زمن الغدر والخيانه لا احد يفهم المعنى الحقيقى للحب
استمر عزيزى فى كتاباتك ولك جزيل الشكر
تقبل تحياتى

ذو الوجه المبتسم يقول...

اختى عاشقة الاحزان
شكرا على تعليقك الجميل
وفى انتظارك هنا مرات ومرات لتكتب تعليقات اكتر
تعرفى ذات مرة سالت احد السيدات عن الخيانة
قالت ان الزوج يستحق انها تخونه
سالتها ليه
قالت انها تزوجته غصب عنها
وانها لا تحبه
رغم انها انجبت منه اطفال
ترى هل هذا مبرر قوى للخيانة
ترى هل الخيانة بتكون لمن
للزوج ام للاهل ام لنفسها
تقبلى تحياتى

♥نبع الغرام♥♪≈ يقول...

سيدى
بجد الموضوع ده جميل قووى لدرجة انى بفكر وفكرت فعلآ أعلق كمان
هههههههههههههههههه
بس الاول بجد انا مش نكديه بس انطوائيه شويه
وكمان بدور على عريس لسه مش متزوجه
ولو كنت بكتب عن الاحزان فده من الحب اللى عشته بجد وفى الاخر فشل
لانه كان وهم مش حب
معلهش اسفه والله
بس غصب عنى
ياريت تدعيلى من قلبك
المهم نخلينا فى موضوعنا
المعروف أن الخيانة الزوجية «صفة مذمومة سواء ارتكبت من جانب الزوج أو الزوجة»، ولكن ثمة عوامل قد تدفع الزوج الى السقوط في بئر الخيانة الزوجية كعدم اهتمام زوجته بنفسها، وإهمالها لمظهرها، بالإضافة إلى مشاعر الملل والرتابة التي تعتري الحياة الزوجية في بعض الأحيان.
واللافت هو غياب إحصائية واضحة عن الخيانة الزوجية في مجتمعنا العربي، وذلك بسبب إيثار الزوجات الصمت، في هذه الحالة، خوفاً من الفضيحة وهدم الأسرة.
موضوع الخيانة ، هو موضوع مهم فعلا وخاصة لأنه زادت معدلات الخيانة بكافة

أشكالها في الآونة الأخيرة ، بين الأزواج وبين الأصدقاء وبين الزملاء في العمل وبين

أفراد الأسرة ، يعني ظهرت في كل مكان في مجتمعاتنا العربية ، وهذا شيء لم

نكن نراه من قبل ، وإنه لشيء محزن فعلا أن مجتمعاتنا العربية والشرقية عامة

التي كانت تتميز بأخلاقيات معينة نجدها الآن تسير نحو طرق لا نعرف نهايتها ،
ومنها الخيانة
يارب يبعدنا عن الاشياء التى تغضب الله
يارب يارب
تقبل تحياتى
إيناس

وردة يقول...

لا طبعا مش كل الستات كده
في ناس بتخاف ربنا وبتراعيه في كل افعالها
زي مافي رجاله مش كويسة اكيد كمان في ستات مش كويسة ومن زمان
بس اللي خلاهم يظهرو دلوقتي
الفضائيات اللعينة
بيجهرو بالاثم وبيكشفو ستر ربنا عنهم
مش كفاية العملة السودا اللي عملتها لاء كمان بتحكي عنها
اكيد هي عارفة انها عاملت حاجة غلطت توبي لربنا وبلاش فضايح
وجوزها ده ربنا ينجيه منها
والله في ستات ازواجها بتغيب عنها بالسنين وبيحافظو عليهم وعلي سمعتهم
وستات ازواجهم بيموتو وبيرفضو حتي الجواز "اللي هو شرع ربنا" وبيعيشو علي ذكري ازواجهم
اما بقي عن الخيانة بشكل عام
فهي افظع مافي الكون كله
كفاية ان ثقتك في الشخص القريب منك بتتهز
ممكن تكون الخيانة باللفظ حتي
وعموما
ربنا ينجينا من كل سوء
ومتفقدش ثقتك بالستات
لسه في ناس كويسه
ربنا يكرمك
سلام

Remas يقول...

طبعا مش كل الستات كدا

مش كل ست جوزها سافر وسابها بتخون ولا حتى كل ست جوزها خانها بتخونه

لو في حب واقتناع من الطرفين مش هايحصل خيانة وقبل اى حاجة لو في ايمان بالله ووزاع دينى وضمير صاحى مش هايحصل كدا
حتى لو جوزها سابها 100 سنة

اما الرجالة بئى فدا موضوع تانى الخيانة عندهم اسهل

شمس النهار يقول...

الموضوع ده كبير جدا جدا عشان انتشر بشكل غريب
كنا في احد الندوات واتكلمنا في الموضوع ده وبصراحه النقاش لم يعجبني اطلاقا
لايوجد شئ يبرر الخيانه غير الانانيه المطلقه
يعني اللي بيخون زوجته ده عايز يحتفظ بالحياه معاها وكمان يروق نفسه بره البيت واكيد مافيش توافق بينهم يعني الزوجه بتعيش نفس الظروف طيب انت سمحت لنفسك تعمل ده وتسيبها هي معلقه عشان تبقا فاتحه البيت وانت تروح وتيجي علي كيفك
طيب والست اللي بتعمل كده انانيه هي كمان مافكرتش غير في نفسها هي وبس مافكرتش في الرجل اللي بتمرمط شرفه في الارض والا في عيلها اللي سمعتهم هتبوظ بسببها طيب ماتطلقي واعملي اللي انت عايزاه لا طبعا ما في زوج بيصرف عليها وبيت هي حره فيه بغض النظر عن اي شئ

الناس دي بعيده اوي عن ربنا مش عارفه حاجه عن الثواب والعقاب عن الحرام والحلال

مش عارفين ان الصابريين ليهم جزاء كبير من الله كبير علي صبرهم

عارفه ان عمر رضي الله عنه عندما اشتكت له زوجة المحارب انها تفتقد زوجها سأل ابنته علي المده اللي تقدر المراه ان تستحمل فراق زوجها قالت لايزيد عن اربع شهور مثل الشرع
فما كان من عمر الا ان امر ان لايغيب المقاتل عن زوجته الا اربع شهور

بس انا عندي تعليق علي موضوع سفر الزوج وتركه اهله
المفروض فعلا ان ده يحصل في اضيق الحدود عشان هناك مشاكل كتير استجدت علي المجتمع بسبب الموضوع ده من ضمنها ان الابناء الذكور افتقدوا القدوه ووجود الاب في حياتهم وبالتالي اهتز مفهمهم للرجوله واختلاط المسؤليه وقيام الام بما يقوم به الاب والموضوع ده كبير جدا عايز سبعين بوست وتعلق

DoNyA يقول...

اقسي ما يشعر به الانسان من مشاعر تهدم كل جميل لديه
وانها دائما تكون بنفس قوتها وشدتها في كل المسميات والعلاقات الانسانيه
فالخيانه دائما واحده لا تتجزء

انا مش مع رأي الفاضله عبله الكحلاوي مع حبي الشديد لها
لكن ليس البعد او الاحتياج سببا او عذرا ابدا للخيانه
وبالاخص هذه الخيانه العظمي
التي تعتبر من الكبائر المحرمه

عفانا الله وعفاكم
من كل الشرور

Kiara يقول...

ايه الموضوع اللي بيقلب الدنيا دا

انا اتكلمت عن الخيانه قبل كدا بس موش هقدر اتكلم تاني جيت اسلم عليك

ذو الوجه المبتسم يقول...

اختى عاشقة الاحزان
ادعو الله ان يرزقك الزوج الصالح
وان تكونى من السعداء
تعليقك جميل
عاوزك تعلقى كمان مرة واثنين و100
اوعى تتاخرى علينا
تقبلى تحياتى

ذو الوجه المبتسم يقول...

وردة
اهلا بك نورتى وشرفتى المدونة
والله انا عارف ومتاكد ان الستات الكويسة كتير جدا
وستات كتير بتقدر تحافظ على ازواجهن وعلى احبابهن مهما حصل
ومعاكى ان القنوات الفضائية بتضخم حجم المشكلات علشان الاقبال
لكن التساؤل هنا ؟
ليه اصلا وحدة زى دي بتتصل وتقول كده
اذا كان ربنا سترها ليه هى بتفضح نفسها
ربنا يهدينا ويهدى الجميع
هانتظر تانى
متتاخريش
تقبلى تحياتى

ذو الوجه المبتسم يقول...

ريم
نورتي المدونة
اهم من الحب والاحترام
هو تقوى الله والخوف منه
ومش كل ست بتحب زوجها مش بتخونه
فيها ستات كتير بتحب ازواجها لكن بتقع تحت ضغط وضعف وغريزة حيوانية
اكيد فهمانى طبعا
وده لا يمنع ان فيه ستات كتير جدا محترمات وصالحات

اما عن الرجالة مش عارف اقول لك ايه
انتى بتخولى الخيانة عندهم اسهل
يمكن رايك صح ؟
بس برده فيه رجالة كويسة وبتخاف ربنا
والموضوع مش موضوع سهل او صعب
لان من وجهة نظرى المتواضعة ان الست نفسها هى مفتاح اى علاقة
لو قالت لا ؟؟؟؟ اعتقد ان الحكاية بتكون منتهية
ولا ايه رايك ؟؟؟
تقبلى تحياتى

ذو الوجه المبتسم يقول...

اختى شمس النهار
لايوجد شئ يبرر الخيانه غير الانانيه المطلقه
بس انا عندي تعليق علي موضوع سفر الزوج وتركه اهله
المفروض فعلا ان ده يحصل في اضيق الحدود عشان هناك مشاكل كتير استجدت علي المجتمع بسبب الموضوع ده من ضمنها ان الابناء الذكور افتقدوا القدوه ووجود الاب في حياتهم وبالتالي اهتز مفهمهم للرجوله واختلاط المسؤليه وقيام الام بما يقوم به الاب
اعجبتنى هذه الكلمات
فعلا لا يوجد شئ يبرر الخيانة مهما كانت الاسباب
بالنسبة لرأيك بان الزوج لا يبتعد عن زوجته واولاده فترة طويلة
فده فهو شئ مطلوب ومهم جدا
ولكن لو اضطر الامر لذلك بسبب ظروف العمل فماذا يفعل الزوج فى ظل الظروف المادية الصعبة جدا
وعلى فكرة ؟؟؟
وعن تجربة شخصية
هناك رجال كتير بيقضو فترة طويلة بعيد عن زوجاتهم واولادهم بحكم صاحب العمل واللى بيسموه هنا الكفيل
واللى البعض ميعرفهوش ان بعض رجال الاعمال من فترة اقترحو انهم يطلقو على العامل اللى تحت كفالاتهم اسم " عبد "
ولى ملحوظة كمان
لو فرضنا ان الزوج سافر وانقطعت اخباره او مات
هل يحق للزوجة الخيانة
من تتقى الله فى نفسها وزوجها واهلها يهدها الله ويغفر لها
اختى العزيز شمس
هناك قصص كتير عن التضحية الزوجية
وهنا الكثير ايضا عن الخيانة الزوجة
يمكن فيما بعد اكتب جزء منها
لكن الموضوع بجد مش محتاج الصمت
محتاج اننا نتكلم باعلى صوتنا
يمكن الناس دى تسمعنا وتحترم نفسها
هلى عرفتى بالاخبار الحديثة عن تبادل الزوجات
بالله عليك اهذا شئ يعقل فى مجتمعاتنا الاسلامية
تعرفى بجد نفسي فى ايه دلوقتى
مش هتصدقى انى عاوز اصررررررخ باعلى صوت
تقبلى تحياتى

ذو الوجه المبتسم يقول...

DONYA
انا مش مع رأي الفاضله عبله الكحلاوي مع حبي الشديد لها
لكن ليس البعد او الاحتياج سببا او عذرا ابدا للخيانه
وبالاخص هذه الخيانه العظمي
التي تعتبر من الكبائر المحرمه

عفانا الله وعفاكم
اؤيدك فى هذا الرئ
وكمان وقت ما شهدت وسمعت الست اللى بتتكلم خطر ببالى شئ
هل يعقل ان خلال 3 شهور من سفر الزوج تكون كونت علاقة مع رجل اخر وكمان خانت زوجها معه
اعتقد ان العلاقة قائمة قبل الزواج اصلا
وانها بطبعها خائنة

تقبلى تحياتى اختى الصغيرة

ذو الوجه المبتسم يقول...

كيـــارا
ازيك
اقول ايه
نورتى المدونة اللى بقالك كتير مزورتهاش
اخيرا شفتك هنا

باقول لك ايه
مش هاسيبك الا لما تعلقي
وكمان ايه
هاسالك اسالة كتيرررر هنا
ههههههههههههه
وصل سلامك يا ستى ولك مثله
متتاخريش علينا
تقبلى تحياتى

Kiara يقول...

امممممممممممممممممممممم


اعلق ليه بس

مبلاش

الطيب احسن

وانا تحت امرك في اي سؤال

Unknown يقول...

السلام عليكم ورحمة
الله تعالى وبركاته
بجد (خيانة)كلمة قاسية جدا
ولو على مستوى الصداقة فكيف
هى على مستوى الزواج :اقسى جدا
فى رأيى المتواضع:سفر الزوج او الزوجة
للعمل وترك الشريك هنا فى مصر أمر فى منتهى الخطورة ولابد من عمل حساب (الخسائر) قبل (الارباح)فى الموضوع
اعرف الحالة المادية وخلافه لكنى
ايضاً اقول واصر ان بعد احد
الشريكين امر فى منتهى الخطورة
لابد من تقليله وتجنبه قدر
الامكان ما استطعنا الى
هذا سبيلا.
احتراماتى.

ذو الوجه المبتسم يقول...

كيارا

لماذا يخون الرجل زوجته؟
لماذا تخون الزوجة زوجها؟
وهل هناك علاج لهذه الآفة

كل سؤال من دول عاوز صفحات
يلا بقي ورينى شطارتك فى التعليق
ههههههههههههه

على فكرة باكون مبسوط جدا بجد لما بالاقى اسمك منور البوست بتاعى
تحياتى

ذو الوجه المبتسم يقول...

نور
حمدلله على سلامتك
هاقول لك حاجة بسيطة
انا اؤويدك فى ان سفر احد الزوجين بيترتب عليه خسائر
بس خسائر من اى نوع
وازاى تتعالج
اعتقد مهما وصلت درجة الخسائر برده مش هتوصل للخيانة الزوجية
وبخاصة اذا كان الزوجين متدينيين وملتزمين دينيا

الخسائر بتكون فى اسلوب التربية للاولاد
تعب الام فى التربية عندما تكون وحدها
بالتاكيد الزوجة هى كمان بتتعب نفسيا وجسمانيا
لكن طالما هناك هدف متفق عليه بينهم
بيسهل الامور شوية

التواصل الغير مباشر واقصد به عبر الاتصالات الهاتفية باستمرار واخذ القرارات عن طريق الزوج
اعتقد لها دور
معاكى انه يجب الا تزيد فترة البعد
لكن كما قلت من قبل اذا اضطر الامر لطول الفترة فماذا يجب على الطرفين

فيه امور كتير بتكون غصب عنا
مؤقتا تقبلى تحياتى
وخليا نشوفك كتير بلاش تغيبى عننا
تقبلى تحياتى

شمس النهار يقول...

المشكله مش بس ان الاب غايب لأ المشكله انه لما بيرجع اجازه مش عايز يعمل اي حاجه والا يشارك في اي مشكله من مشاكل الابناء
عيز ياخد اجازه من كل شئ طبعا من حقه مش مطحون طول السنه في الشغل
وبالتالي بيتحول الي الممول بتاع البيت
وعلي فكره الاب ده كمان مظلوم عشان هو محروم من الدفئ العائلي ولمته مع عياله
وعلي مايفوق والابناء يكبروا والبنك يكون خلص مهمته بيلاقي نفسه في وسط عيله مايعرفش اي حاجه عن اي شخصيه فيها حتي مايعرفش ابنه بيحب ايه وبيكره ايه هادي والاعصبي طيب والاشرير
انا مش ضد السفر بس ياريت اللي يسافر ياخد عيلته معاه

ذو الوجه المبتسم يقول...

اختى شمس النهار
بالصدفة انا موجود وانتى بترسلى تعليقك الان
ان موافق على كلامك
لكن الرجل اللى بيفكر بالاسلوب ده وانه عاوز يرتاح فترة الاجازة ويسيب مشاكل بيته وزوجته واولاده
ده برايي مش راجل اصلا
الرجولة مش كده
الرجولة الحقيقية بتكمن فى اشياء كتير
مش فى الماديات وجلب الفلوس وخلاص

فيه جملة قالها لي احد الاصدقاء وانا فى مصر وبعد ان قررت الاستقرار بمصر بعد سفر دام سنتين
اعجبتنى الجملة دى جدا
قال الرجل فينا اما انه بيبنى اولاده او بيبنى لاولاده
والاختيار الافضل طبعا لكل رجل عاقل هو انه يبنى اولاده
لكن ده مش معناه يقعد فى البيت وينتظر الفرج وغيره يصرف عليه
هاقول لحضرتك شئ بسيط جدا
انا لما سافرت المرة الاولى السعودية برده فضلت فيها سنتين بعيد عن بيتى واولادى
ولما رجعت الحمد لله حبيت استقر ببلدى
وقلت القليل يكفى
هو انا عاوز ايه من الدنيا
وطبعا حصل مواقف كتير علشان الاولاد يتقربو ليا وبخاصة نوران لانى سيبتها وعمرها 40 يوم
ولما رجعت كان عمرها سنتين
تخيلى شهر كامل علشان تضحك معايا وتاخد عليا
المشكلة فى مصر حاليا
ان كل واحد كل تفكيره فى المادة
حصل مواقف كتير لما قررت ارجع شغلى علشان اكون مع اصدقائى القدامى
لكن للاسف وجدت ان الصداقة اصبحت عبارة عن شئ ؟؟؟؟؟؟ مش عارف اقول ايه
الغيرة والحقد وحاجات كتير وقفت قدامى وبخاصة انى لما رجعت الشغل رجعت لمنصب اكبر ممكا كنت عليه المهم استحملت سنتين
ومكنتش بافكر فى السفر
وفاجأة وحدت شخص بيتصل بيا وبيطلب منى اقابل رجل اعمال سعودى لانه عاوز محاسب خبرة وكده يعنى
رفضت اكتر من مرة
لحد قبل اللقاء بيوم اتصل بيا بالليل وكانت زوجتى معى قالت مفيش مانع تروح تجرب .. يمكن يكون خير
وبالفعل رحت بس رايح ومش حاطت فى دماغى السفر
وبالرغم ان كان فيه محاسبين خبرة عنى الا انى الحمد لله اكتسبت ثقة الدكتور صاحب العمل واجتزت اختباره بكفاءة
الموضوع هيطول وده تعليق
خلينى اكمله لك وقت تانى
المهم يا اختى العزيزة موضوع السفر لابد من موافقة الطرفين عليه والاستعداد النفسي والذهنى والجسمانى لذلك
تقبلى تحياتى

صدى الصمت - عاشقة الورد - يقول...

آسفة على التأخير فى التعليق
الحقيقة الخيانة شىء مؤلم جداً وسخيف وليس للخائن أى مبرر أو عذر يغتفر للخيانة
ومهما كانت الضغوط والأسباب والمغريات
لا تصفح عن الخيانة
ومن يخن مرة ويسامحة الآخرون يخن آلاف المرات وحتى إن لم يخن لن يصدقة أحد بعد ذلك
تحياتى

عاشقة الورد

ذو الوجه المبتسم يقول...

صدى الصمت
انتظرتك كتير بجد
نورتينى
ترددت كتير قبل كتابة موضوع الخيانة
لكن حبيت افتح الموضوع لاهميته ولانه اصبح منتشرا جدا فى عالما العربى الاسلامى
معاكى ان اللى يخون مرة يخون الف مرة
لكن التسامح
لازم يكون فيه تسامح
قد ياتى يوما ويعود
ان الله غفور رحيم
وقابل التوبة عن عبادة
تقبلى تحياتى

Kiara يقول...

لماذا يخون الرجل زوجته؟
طبعا مبدا الخيانه مرفوض لكن ليه بيخون

تعالى نفكر

اولا ايمانه مش قوي ودي مش في ادني شك

ثانيا من الناحيه النفسيه

ياما هو بصباص ومش يملي عينه الا التراب وحتي لو اللي معاه ملكه جمال برده هيبص لبرا

ياما هو فعلا تعبان في حياته الزوجيه وان زوجته فعلا مش ليه الشمس والقمر وممكن هو رمانسي وهي عندها البيت اكل وشرب فقط او مش لاقي اللي محتاجه في بيته وغصب عنه الشيطان صوره اللي محتاجه برا

انا مش ببرر لاي راجل انه يخون انا بفكر بصوت عالي




لماذا تخون الزوجة زوجها؟

نفس اللي قولته بالنسبة للراجل هو هو بالنسبة للست


وهل هناك علاج لهذه الآفة؟؟؟

اكييييييييييييييييييييييييييد

هو التوجه الي الله وهيتعصموا من اي خطا

تاني حاجه نتكلم ان الاتنين يتكلموا مع بعض ويقربوا من بعض زي ماكانو بيقربوا قبل الجواز

مش في مانع من كمبليمو ظريف يتقال الحاجات دي بتقرب اوي

اقولك ان لو الاتنين اتلاقت اعينهم فقط كل شي بينهم او اي مشاكل هتزول نظره العين لوحدها بس كفيله باي شي

تالت حاجه

لما البنت قبل اما تتجوز بتنتقي لبسها والوانها والبيرفيم و.و.....و.و.و

والرجل نفس الحكايه

ليه بقي بعد الجواز هو التيشرت مش بيتغير وهيا الجلبيه ام بصل وتوم وريحه تخنق لا والادهي انها بتنام بيهم دي عيشة تقرف بجد وكفيله بانهاء اي شي وتحويل الصالح لطالح

الاهتمام بالعقل والتعامل بذكاء

يعني لما الزوج يجي يكلم الست في حاجه مش يحس انه بيكلم الحيطه اه اه اه وهخي ولا فاهمه الالف من كوز الذره

واحيانا في مواقف لازم المراه تحب عبده العبيط عشان الموقف محتاج كدا

يبقي انا شيفه ان دور المراه

التعامل بذكاء المراءه

الاهتمام بالنفس

ان يكون الزوج اول قائمه الاهتمامات مش اخرها

ونفس الحكايه للرجل يحتوي زوجته ويكون السند والامان ليها ساعتها هياخد عنيها

وجعلنا بينكم موده ورحمه


وانا فعلا بكون سعيده بوجودي في مدونتك اكتر من سعادتك بوجودي واعذرني علي التاخير بس الشغل بقي :)

ذو الوجه المبتسم يقول...

كيارا
ايه يابنتى التعليق الحلو ده
تعرفى باعشق العامية والارتجالية فى الكلام
تعرفى انتى قلتى حكمة حلوة قووووووى
عندما تتلاقى الاعين وتنظر العين للعين
بيذوب كل شئ

فما اجملها النظره التى تحتوى كل العلاقة الروحانية
نصائحك للزوج والزوجة مطلوبة بجد
يعنى الرجل لازم يكون صاحى لنفسه شوية وبلاش يبص بره ههههههههه مع ان الرجالة بتبص غصب عنها هههههههه
والست كمان تبطل ريحة البصل والتوم دى هههههههه

بس على فكرة الخياة الزوجية موجودة بالطباقات العليا بدرجة اكبر

شرفينى ونورتينى بجد يا كيارا
وبيعجبنى جدا ردودك
علشان كده هاهريكى اسالة علشان دايما اشوف الردودو الحلوة دى
تقبلى تحياتى

Kiara يقول...
أزال المؤلف هذا التعليق.
Kiara يقول...

انت بابني في المدونه ولا ايه هههههههه


***********

الخيانه والله في كل الطبقات اللي معاه فلوس واللي مش معاه

مش بتفرق اوي الطبقة ايه

وايه هتهريني اسئله دي عااااااااااااااااا

طب زحلانه بقي

**********

سوري غلطة كيبورديه في الكومنت اللي فات


كيبورديه وربنا

Kiara يقول...

يوووووووووووووووووه مش عارفه الكلام بيطير ليه

الحته اللي فوق انت باااااااايت في المدونه ولا ايه هي دي بقي اللي مش عارفه بتضرب شمال ليه عاااااااااااااا

ذو الوجه المبتسم يقول...

كيارا
انا باحب ادخل المدونة بالليل
علشان الجو بيكون هادى
هههههههههههههههه
والجو رايق والبحر امواجه رائعة
والسما بتكون صافية
وحاجات كتير كده

بس انتى ليه مش بتنزلى بوست جديد
عاوز اشوف لك بوست جديد كل يوم
اوعى تزعلى
تحياتى

Kiara يقول...

كول يوم مره واحده

قريب هتلاقي شويه بوستات ورا بعض بس يارب مش تزهقوا بس :)

وحلو اوي الجو دا

انا بحب الوقت بتاع يوم الاجازه بعرف ارد بقي ومزاج