الأحد، 14 يونيو، 2009

المحاسب القانوني



المحاسب القانونى الاستاذ عصام
راجل بصراحة لذيذ
بالرغم ان عمره 73 سنة ويمكن يزيد شوية
الا انه فى غاية البهجة والكوميديا
بيحب الضحك قوووووووى
وكمان مش بيعتق حد فى الكلام
بيتكلم عن ده وعن ده بس ايه
يحسس اللى قدامه انه عارف كل حاجة
هو جه ليا علشان موعد عمل الميزانية عندي قرب فى 30 / 6/2009
اول ما وصل قال لى انا جى علشان اشوفك واتعرف عليك
اخذته المكتب وقعدنا سوا
عزمته على الشاي طبعا الشاي بتاعه سكر خفيف
وكمان عصير على حساب الاخ ابراهيم
وقعدنا انا وهو عندى بمكتبى وقفلنا الباب
وفضل يتكلم
اول حاجة عرفنى بنسبه
انه من الاشراف
ومن نسب سيدنا محمد عليه الصلاة والسلام
وطلع ورقة من جيبه مكتوب فيها انه من الاشراف والنسب كمان
فضل طبعا يتكلم شوية عن النسب وكده
وجت سيرة هابيل وقابيل
وليه قابيل قتل هابيل
وبعد ما خلصنا قال لي حاجة ؟؟؟
جدنا قاتل
قاتل
هو اسلوبه بيتكلم بصوت عالي شوية
نظرا لانه كان فى ضابط تقريبا فى الجيش
قلت له ازاى جدنا قاتل
قال مش قابيل ده ابن سيدنا ادم
يعنى جدنا
يعنى جدنا قاتل
ضحكت بجد
لانه اسلوبه متحمس جدا
بس بصراحة
شخصية لذيذة جدا
طبعا اتكلمنا فى حاجات كتير
بس انا حبيت ادون البوست ده علشان احط صورته
لانه قبل ما يمشي قلت له لازم اصورك
واحط صورتك للعالم كله يشوفك
استغرب طبعا

14 التعليقات:

ستيته حسب الله الحمش يقول...

ربنا يديه الصحة وشكرا انك عرفتنا عليه

تحياتي

حتى تشرق الشمس يقول...

السلام عليكم ورحمة الله وبركاتة
ها انا تانى تعليق
بجد ما شاء الله على حضرتك
حضرتك شخصية من النوع الذى يرى مزايا الناس قبل عيوبها
ربنا يكرمك
ويديم عليك نعمتة
دمت بالف خير وضحك واصدقاء

ايوشة يقول...

ماشاء الله ربنا يديله الصحة يارب
بحب الشخصيات اللى كلها حماس ومرح طول الوقت مهما السنين بتمر

yoyo يقول...

صباحك سكر

بسم الله مشاء الله
ربنا يبارك له فى صحته يارب و يزيده عمر وصحة كمان

الانسان اللى مقبل على الحياة بكل روح وامل كدا ربنا بيبارك له فى صحته
لانه انسان بيعمل و يكافح و عنده امل فى الحياة

ربنا يطول فى عمرك يارب
دمت اخى بالف خير وصحة
تحياتى
يويو

Mr.Hazem يقول...

هههه
يلا ربنا يعطيه طول العمر , وبجد نادر لما تلاقي شخصية بالسن هادا تكون مرحه , والشخصية المرحه افضل من الوجه العبوس
يسلموا
ويعطيك العافية

كيــــــــــــارا يقول...

ربنا يديله الصحه يارب

ذو الوجه المبتسم يقول...

ستيته حسب الله
ازيك اختى الصغيرة
نورتي بتعليقك المدونة
تحياتى

ذو الوجه المبتسم يقول...

حتى تشرق الشمس
اشكرك على مجاملتك الرقيقة
وده اكيد لانك انسانة رقيقة

من وجهة نظرى المتوضعة ان الانسان لو نظر بالفعل لمميزات الغير قبل عيوبه اكيد هيرتاح بحياته
بالرغم انه هيواجه مشاكل كتير
لكن كلها محلولة بابتسامة حلوة

يلا بقي ابتسمى
تقبلى تحياتى

ذو الوجه المبتسم يقول...

ايوشة
طالما انك بتحبى الشخصيات اللى زيه كده
يبقي هاجيبه ونيجى زيارة عندكم
بس مليش علاقة لو عاجبتيه وطلب ايدك
هههههههههههه

تقبلى تحياتى

ذو الوجه المبتسم يقول...

yoyo
ربنا يبارك فى عمرك انتى كمان
وتعيش قد 1000 سنة

تقبلى تحياتى

ذو الوجه المبتسم يقول...

mr hamza
نورت يا افوكاتو

عقبال ما نشوفك زيه كده
وبرده تكون مبتسم

تقبل تحياتى

عمرو وجيه يقول...

باين من صورته انه حد لذيذ فعلا

الناس الكبيرة في السن بيبقي عندهم خبرة كبيرة

والقعدة معاهم بتبقي جميلة

تحياتي

MaNoOoSh يقول...

شكله شخصية لذيذة ومتحمسة فعلا
ما شاء الله عليه

ياريت ربع الحماس دة يكون في الشباب

ঔღঔ نـــوارة ঔღঔ يقول...

البوووووست صغير اووووي

ماكنت كتبت الحوارات اللذيذة بتاعته كناهنفرح بيها

الصوووووورة الاولى للمحاسب ربنا يطول بعمره

لكن الصورة التانية لمين بقىىىىى

ممممممممممم

بعد الفحص والتدقيق اتضح انها لييييييييك :)

بس مش باينة كرشك :(

لتكون خسيت من ورايا ههههههههههههه

ربنا يطول بعمرك وبعمره ويديكم الصحة

بالتوفيق يارب