مدارس منار الشمس العالمية

اخوانى واخواتى اصدقائي وصديقاتى

http://manaralshams.blogspot.com/

ده مدونة عملتها عن المدرسة اللى انا المفروض مديرها المالي حاليا
ويمكن بعد كم يوم اسيبها وارجع مصر ههههههههههه

عاوزكم تدخلوا وتشوفوها وتعلقوووووووووا على كل البوستات اللى فيها
طبعا البوستات خاصة بالمدرسة والمصروفات الدراسية وصور لافراد المدرسة
وفيه كمان قسم للبنات بس لسة منزلتش الصور بتعتهم

هانتظر تعليقاتكم بمدونة منار الشمس
http://manaralshams.blogspot.com/

عمرو باشا

دى صورة رسمتها لعمرو باشا
اللى شوه سمعة مصر مش اللاعبين بالمنتخب بس
ياترى هو صح اللى عمله ده
طب ياترى لو منتخبنا المصري عكس الايه ولعب مع امريكا الاول وانهزم بالثلاثة وبعدين اتعادل مع البرازيل وبعدين فاز على ايطاليا .. يعنى نفس النتائج بس معكوسة ياترى كان هيكون نفس النقد
بالعكس زى ماقالو بعد مباراة الجزائر واتغير الكلام بعد مباراة البرازيل وبعدها مباراة ايطاليا والفرحة اللى شفتها فى وجوه المصريين هنا وكمان العرب سعوديين ومغاربة وتونسة وفلسطينيين
طب ليه كده بجد
هى اعراض الناس لعبة سهلة كده
علشان مطولش ؟ حسبي الله ونعم الوكيل
واتمنى ان كل اللاعبين يكبرو دماغهم لان الكلام ده مش مؤثر
وربنا يوفق الفريق فى المباريات القادمة ونقدر نروح كأس العالم بنفس البلد التعبانة اللى هى جنوب افريقيا
بس المرة دى اتسرقت الفلوس واتهموا اللاعبيين بالخيانة
ياترى المرة اللى جاية هتكون ايه يا عم عمرووووووووو
تفتكر فيه دليل اكتر من ان فيه لاعبيين ملتزميين وبيحافظوا على صلاة الفجر
ياترى حضرتك بتصلى الفجر حاضر فين ؟؟؟؟
كفاية كده احسن الواحد يغلط
السؤال : هو مين عمرو ؟؟؟؟؟؟
اللى هيجاوب هيكسب جائزة كبيرة

حبيبي وكيف سيكون اللقاء

حبيبي وكيف سيكون اللقاء

يا حبيبي اااه لو تدري كم عانيت
من عذاب والم وسهر وعنــــــاء

وهل تدري اني كنت انتظـــــــرك
في كل مســـــــــــــــــــــــــــــــاء

وهل تدري ان في صدري ورودا
لك اخـــتارت قلــــــــــــــــــــــبي

اجـــــــل ياحـــبيبي
كلهــا لــك وســــــــــــتظل لـــك
فهي تعرف معني الوفــــــــــاء

ان رؤيتك وسماع همســـــاتك
والسفر بعينيــــك افضل دواء

ومه من ثغرك او خصله من شعرك
اثرت لتبقي بجسدي هذا الــــدواء

قد احــــببتك واحــــببتني
بل عشــــــقتك
كما تعشق الصحراء المـــــــــــــاء

وكما يعشق الظلام الشمــــــــــس
وكما تعشق النار المـــــــــــــــــاء

فاذا تحبني فلتباركك السمــــــــاء
ولتعلمك انني احــــــــــــــــــــببتك

واصبحت زيد حـــــــــــــــــــبا لك
ولتعلمك ان قلبي لم يعد لغـيرك

اهداء من الوجه المبتسم

المحاسب القانوني

المحاسب القانونى الاستاذ عصام

راجل بصراحة لذيذ

بالرغم ان عمره 73 سنة ويمكن يزيد شوية

الا انه فى غاية البهجة والكوميديا

بيحب الضحك قوووووووى

وكمان مش بيعتق حد فى الكلام

بيتكلم عن ده وعن ده بس ايه

يحسس اللى قدامه انه عارف كل حاجة

هو جه ليا علشان موعد عمل الميزانية عندي قرب فى 30 / 6/2009

اول ما وصل قال لى انا جى علشان اشوفك واتعرف عليك

اخذته المكتب وقعدنا سوا

عزمته على الشاي طبعا الشاي بتاعه سكر خفيف

وكمان عصير على حساب الاخ ابراهيم

وقعدنا انا وهو عندى بمكتبى وقفلنا الباب

وفضل يتكلم

اول حاجة عرفنى بنسبه

انه من الاشراف

ومن نسب سيدنا محمد عليه الصلاة والسلام

وطلع ورقة من جيبه مكتوب فيها انه من الاشراف والنسب كمان

فضل طبعا يتكلم شوية عن النسب وكده

وجت سيرة هابيل وقابيل

وليه قابيل قتل هابيل

وبعد ما خلصنا قال لي حاجة ؟؟؟

جدنا قاتل

قاتل

هو اسلوبه بيتكلم بصوت عالي شوية

نظرا لانه كان فى ضابط تقريبا فى الجيش

قلت له ازاى جدنا قاتل

قال مش قابيل ده ابن سيدنا ادم

يعنى جدنا

يعنى جدنا قاتل

ضحكت بجد

لانه اسلوبه متحمس جدا

بس بصراحة

شخصية لذيذة جدا

طبعا اتكلمنا فى حاجات كتير

بس انا حبيت ادون البوست ده علشان احط صورته

لانه قبل ما يمشي قلت له لازم اصورك

واحط صورتك للعالم كله يشوفك

استغرب طبعا

رسمة بسيطة

مرحبا اخوانى واخواتى

البوست ده له معنى قد يكون مختلف لكل واحد فينا

وبخاصة لان الاحساس المكمون فى صورة مرسومة والتعبير عن الاحساس ده بالرسم قد يختلف من شخص لاخر

الصورة رسمتها عشوائية يعنى بالقلم الجاف الازرق وعلى ورقة قد تكون مهملة

المهم عندى كانت الفكرة نفسها

بالنسبة لى تعبر الصورة عن ما يعانيه الشباب والفتيات فى هذا الزمان من قسوة الحياة

ومن قتل لبعض احلامهم ومشاعرهم

يمكن فكرت باكتر من فكرة لكن وصلت للفكرة دي وهى عبارة عن وجه نصفه لشاب والنصف الاخرلفتاة وبنظرى هذه علاقة حياة متكاملة ومتساوية لان الحياة لا تكتمل الا بالطرفين

اما عن اليد فهى كل شئ يحاول قتل المشاعر او الاحلام يحاول قتل الحياة

وهنا التساؤل .. هل يستطيع الطرفين المقاومة والانتصار

ام يستسلموا للواقع ويُقتل حلمهما ؟؟؟؟

لتكبير الصورة يمكن الضغط عليها بالماوس