من الحياة 1

الحياة ممتلئة بمواقف واحداث كتير جدا
فكرت كتير اكتب عن بعض المواقف دى لكن كانت دايما بتاخدنى اشغالى ف العمل والحياة كباقي الناس
فكرتى ف الكتابة مش انى اكتب قصة عن شخص معين والناس تقراها وخلاص
لكنى فكرت تكون قصة وفيها تساؤلات قد تكون الاجابة عليها مفيدة للبعض
مش عارف ابدا باى قصة بس هاكتب من اخر مواقف حقيقية تعرضت لها
من فترة جائنى شاب للعمل لدينا ف الشركة بشرم الشيخ
تم تعيينه كاشير لاحد المطاعم لدينا والطبيعى انه يكون تحت ادارتى
بدات اتعرف على شخصيته من خلال كلامه - شخصية مش عارف اقول طيبة ولا ساذجة ولا ايه
طبعا الحكم بالسذاجة مش بالبساطة دى والا كل الطيبيين هيكونو سذج
حكيته ببساطة
انه الابن الوحيد لوالدين انتقلوا الى برحمة الله
مؤهله العلمى ليسانس آداب
عمره سبعة وثلاثون عاما
السكن مع احد اصدقائه بشرم الشيخ
بعد وفاة ابوه وامه لم يتبقي له احد لا قريب ولا بعيد
حتى المنزل الذي كان يسكن فيه كان نظام الايجار القديم جدا
وللاسف المنزل انهار فاصبح الان بلا منزل رئيسي
خبرته بالحياة بسيطة جدا
خبرته بالعمل ابسط ان لم تكن معدومة
باختصار حاله حال

السؤال
- ماذا عليه ان يفعل في ظل الظروف الحالية ؟
- كيف يتحدى الزمان والمكان وليس لديه اى خبرة ؟
- هل يستطيع ان يتزوج وتكون له اسرة وهو لا يستطيع تحمل اى تكاليف للزواج ؟
اسالة كتير ----- ؟
هل طرحى البسيط لحكايته يعتبر اهانة له او تعدي منى على حقه ؟