السبت، 18 يوليو، 2009

من الحياة ( صابر ورحلة البحث عن الانجاب )

صابر شاب بسيط من قرية ريفية . يبلغ من العمر 30سنة عاش حياة بسيطة مع اهله يحبهم جدا ويحبونه تزوج صابر من اكثر من 8 سنوت من بنت عمه التى تصغره بسنوات قليلة وحتى الان لم يشاء الله له بالانجاب .. خلال السنوات السابقة وبعد مرور سنة تقريبا من زواجه بدء صابر يسعي للكشف والعلاج من اجل الانجاب وبالرغم من ان حالته المادية متوسطة الا انه صمم على ان يتكلف اى مبالغ من اجل ان يري ولو ابن او ابنه يملئ عليه حياته هو وزوجته تعب صابر فى رحلة البحث والاستكشاف وصرف مبالغ طائلة تعد بالالاف ومع ذلك لم تكن هناك نتيجة وبالسؤال والاستفسار عن اطباء خبراء فى المجال ذهب منذ سنتين الى طيب معروف ومشهور بالمدينة لكن المشكلة طلب مبلغ لا يستطيع صابر توفيره لان كل ما يمتلك صرفه على العلاج السابق وصعوبات المعيشة بدء صابر يفكر ماذا افعل الى ان ذهب الى مكتب سفريات واعد اوراقه للسفر باحدى الدول الخليجية وبالفعل تمت الموافقة على سفره براتب بسيط لكنه افضل مما كان عليه ببلده ومن اجل استمرار مسيرة العلاج ورحلة البحث عن الانجاب تحمل هو وزوجته واهله آالام البعد والفراق والغربة
سافر صابر بالفعل واشتغل باكثر من مهنة تحت ادارة الكفيل الخليجى .. ذاق الالم والعذاب والسخرة .. ذاق المهانة والذل ولكنه تحمل من اجل هدفه وبعد عامين رجع صابر ومعه المال ولكنه ليس بالكثير لكن المفاجأة عندما رجع الى بيته وجد امه تعانى من مرض خطير وتحتاج الى عملية جراحية بمبلغ كبير فماذا عليه ان يفعل
هل يتجعه بزوجته الى الطبيب من اجل الانجاب ولتحقيق الهدف الذي سافر من اجله ام يعالج امه المريضة ؟؟؟؟؟؟؟؟؟؟؟؟؟
صابر ينتظر الرد ؟؟؟؟؟

27 التعليقات:

صبرني يارب يقول...

لو ما فيش محاله وما فيش حد غيره يعالج امه

انا رايي يعالج امه وان شاء الله ربنا يكرمه من غير الدكتور ومن غير العلاج

اعتقد انه جمع المبلغ ده عشان الانبايب او الحقن المجهري
ودي فرص نجاحها قليله جدا

هايتشعلق فى حبال دايبه

من كام يوم عرفت ان فى واحده صديقتى بتنتظر الحمل من 7 سنين ولفت ودارت وصرفت وعملت تلقيح صناعي مره وفشل
وكانت بتجري باديها وسنانها عشان تحوش مبلغ تاني عشان تعمل تلقيح تاني

قالتلى ادعيلى اكمل الفلوش بتاعة التلقيح الصناعي

قلتلها يا بنتى ولا تعلمى ربنا يرزقك من عنده من غير تلقيح ولا حاجه

والحمد لله ما عداش شهر على الكلام الا وكانت حامل لواحدها الحمد لله

قوله اقف على باب ربنا هو الكريم العظيم الرحيم

ويعالج امه

المرض يموت والالم صعب

الم البدن صعب ربنا يكفيكم شره احنا وانتم والمسلمين جميعا

وربنا يعوض عليه ويديله من فضله

ঔღঔ نـــوارة ঔღঔ يقول...

ياخررررررابي عليك وعلى قصصك الي وراها معاني كتيررة

:]

طبعا علاح امه الاهم لانها لو ما اتعالجت لسمح الله ممكن تموت او يحصلها حاجة وحشة يعني الحاجة للعلاج ملحة ومش هينفع التاخير

لكن علاج الانجاب ضروري لكن الحمد لله هما بصحة كويسة وممكن التاجيل

تحياتي

ستيته حسب الله الحمش يقول...

وهو صابر يقدر ينتظر تعليقاتنا

صابر يدفع كل الفلوس اللي جت من لحمه على أمه وبلا ندم وبلا تفكير

صابر عنده 30 سنة ولسه صغير ولسه أمامه سنين شغل وسفر ومحاولات للذرية الصالحة

صابر ممكن من غير اسباب ربنا سبحانه وتعالى يرزقه واحنا شفنا بعينينا بركات بر الوالدين
ياإلاهي على الكرم اللي الواحد بيشوفه من غير سبب لمجرد رفع عيون الأم لرب السماء

توكل على الله ياصابر وراعي أمك والعيال لو كانوا من 24 قيراط بتوعك
ها يجيوا من غير لف ولا دوران ولا اسباب أو ها يبعت ربك رزق واسع يساعدك

ربنا يشفي لك والدتك ويرزقك خلف صالح معافى

تحياتي لك وله

Mona يقول...

الفلوس أحنا الى بنجيبها وبنعملها يعنى أن شاء الله حيقدر يعمل فلوس ثانية بعد ما يعالج والدته ويكفى أنها تدعى له وأن شاء الله دعواتها حتفتح له الابواب وربنا حيرزقه من وسعة - خليه يتوكل على الله ويعمل عملية والدته

MaNoOoSh يقول...

طبعا هو جواه بيتألم

بس من غير تردد يعالج امه وان شاء الله ربنا يرزقة بالذرية الصالحة

والفلوس ربنا هيرزقة برزق اوسع منها

وردة يقول...

اخي الكريم
كل سنة وانت طيب بمناسبة الاسراء والمعراج
ربنا يكرمك يارب
ولي عودة مرة اخري من اجل البوست
سلام

عاشقة الأحزان يقول...

السلام عليكم




ناجى اخبارك ايه يارب تكون بخير
طبعآ البوست جميل قووى والقصه تحفه

تعرف نفس مشكلة اخويا والله

بس صدقنى الفلوس مش كل حاجه

يسبها على ربنا وربنا كريم بتيجى كده من ابسط شىء

تحياتى ليك

ايناس

fL0weR-giRL يقول...

السلام عليكم
***********ممكن يكون داه اختبار من ربنا ليه ممكن لو ساعد ممته ربنا يرزقه بطفل من غير اي عمليات

وبعدين يشوف كم امه تعبت من اجله منذ كان صغيرا ف من الحق انه لايبخل عليها
وبعدين الأنجاب داه مهما تأخر بيكون لما يحل وقته ربنا بيأمر وتنجب (ان اراد لشيئ ان يقول له كن فيكون)

فقربه إليهم قال ألا تأكلون ( 27 ) فأوجس منهم خيفة قالوا لا تخف وبشروه بغلام عليم ( 28 ) فأقبلت امرأته في صرة فصكت وجهها وقالت عجوز عقيم)

**تقبل مروري**

marwa يقول...

السلام عليكم ورحمة الله وبركاته
اولا تحية كبيرة محترمة لحضرتك
ثانيا أنا رأيي ان امه أولى لأنها بتعاني من مرض خطير وألم المرض صعب وأكيد هو لو في مكانها كانت أمه هتبيع عينيها علشان ربنا يشفيه
ياريت تبلغ صابر ان الأم ما بتتعوضش ولو عمل كده بحب ورضا من قلبه ربنا هيكرمه ويعوض عليه بسبب رضاها عنه ودعاها ليه
ولو عنده أخوان وأخوات كلهم يساهموا معاه يبقى أفضل
اللهم لا تجعل في المسلمين مريض ولا محروم من الأزواج والذرية الصالحة أبدا يارب
تقبل مروري

وردة يقول...
أزال المؤلف هذا التعليق.
وردة يقول...

يعالج امه
الطفل في علم الغيب
ولن ولم يسامح نفسه لحظة ان قصر في حق والدته
ومن يدريه ان العلاج سيأتي بنتيجه ان اهمل علاج امه
وربما دعوة من امه تكون سبب في شفائه وزوجته دون الحاجة لعلاج
او تكون سبب في توسعه رزقه وابداله مال اكثر بدل الذي صرفه
لا احب ان اكون مثاليه
ولكن الام غالية اوووي
لا تعوض
تحياتي
ويارب يكون رأيي مفيد لصابر
سلام

طوبة ذهب وطوبة فضة يقول...

momkn d3wa mn omoh el mareda tkon sbab fagml bsma lagml tfl wdawo mrdakm blsdkat y3tbrha sdka wrbna hykrmo

dodoo يقول...

اكيد علاج امه اهم لانه امه مش هتتعوض طبعا

المشكلة الاكبر مش في كده المشكلة انه ممكن بعد ده كله الولد اللي بيحلم بيه يطلع عاق وبكده هيبئا خسر كل حاجه من اول امه لحد سنين الغربه بما فيها من كل الم و تعب و اهانه من الكفيل

بيتهيألي انه لو راعى ربنا في امه فإن شاء الله ربنا هيراعيه في ابنه

يعني مايطلعش عاق مع امه علشان ابنه مايطلعش عاق معاه

وخصوصا انه لسه صغير و مراته كمان و ممكن الموضوع ده يتاجل شوية

ويمكن تيجي من عند ربنا ويلاقي المدام حامل من غير مصاريف ووجع قلب ويكون بسبب دعى امه

سمكه واحده يقول...

يعالج امه طبعا
وعن طريق انه يبقي ابن بار وولدته ترضي عنه وتدعيله ربنا هيستجاب ان شاء الله الدعاء
اهم حاجه رضا الوالدين
بسبب رضا امه عليه هيتحقق كل حاجه يتمناه
ربنا يكرمه ويقدر علي علاج امه وان شاء الله ربنا يرزقه الذريه الصالح
بص يسبها علي رب العالمين ويتكل علي ربنا ويعالج ولدته وان شاء الله الللي جاب فلوس الاولي هيجي فلوس تانيه وتالته ويمكن ده يبقي سبب قي رزق كبير
كمان ممكن يكون اختبار من ربنا علي قوه تحمله وصبره وان شاء الله خير
تحياتي

حتى تشرق الشمس يقول...

السلام عليكم ورحمة الله وبركاتة
كيف حالك يا اخى؟
اتمنى من الله ان تكون بافضل حال
اما عن صابر
فيتوجة اولا باخلاص النية لله ويعالج والدتة
ويستمر فى قيام الليل بنية الانجاب
وبعدها بثلاث او اربع شهور الله عز وجل سيرزقة
دى وصفة واحدة صحبتى عندها الان 3 اولاد بنين
وكان الدكتور بيقول لها
لو عاوزة اولاد اطلقى من زوجك وتزوجى اخر
وربنا ييسر لة كل امرة ويرزقة يا رب
دمت بالف خير

احمد عبد السلام يقول...

السلام عليكم يا استاذ ناجى

صابر مش منتظر اجابة

لانة عارف ان حيعالج امة اكيد

اما الاولاد فدة رزق من عند الخالق

يهبة لمن يشاء

عاشقه الرومانسيه يقول...

من غير تفكير طبعا يعالج امه
وشوف حكايه الاخت اللى صبرنى ذكرتها ربنا كرمها من غير عمليات
بس بكرمه وجوده
الاطفال دول رزق من ربنا
وواجبه انه يعالج والدته الاول وبعدين يطلب من ربنا انه يعطى له الذريه الصالحه

غير معرف يقول...

السلام عليكم ورحمه الله وبركاته

اولا اخى العزيز ربنا يكرمك ويتم نعمته عليك ويتمم شفاء والدتك باذن الله

انا متزوجه من 7سنين وانا اللى صبرنى يا رب بتحكى عنى فى تعليقها
وطول الفترة دى مش حصل اى حمل ولفينا على الدكاترة وعملنا تلقيح صناعى مرتين وبرضه مش نجحت ولا مرة واخر دكتور قالى من شهرين ان الحل الوحيد علشان تخلفوا انكم تعملوا عمليه حقن مجهرى ب8000جنيه وكل همس من ساعتها انى اعمل جمعيات واحاول اجمع المبلغ علشان اشوف طفل قبل ما اكبر فى السن
المهم
الشهر ده وطبعا لانى الموضوع مش فى دماغى عرفت انى حامل وبفضل الله ومن غير ولا برشامه ولا عمليه
الف حمد وشكر لله
نصيحتى ليك الدعاء وانت ساجد على قد ما تقدر وركعتين قيام الليل
اطلب من ربنا لان مش فيه غير هيحقق ليك اللى بتتمناه
وعالج امك بالفلوس اللى معاك
وربنا هيرضيك لانك رضيت امك

وربنا يوفقك الى ما يحب ويرضى

اسراء نايف يقول...

والله فصه مؤثره وسؤال محير
بس انا من رايي انه يتبرع لامه وبعدين ربنا هيعوضه خير كبير
يمكن ميحتاجش لعمليه خالص وربنا يكرمه بالخلفه
بر الوالدين لا يضاهيه اي شيء في الدنيا
ربنا يكرمنا جميعا ويرزقنا بر الوالدين

ليس فقيرا من يحب يقول...

السلام عليكم

طبعا وبدون تفكير يعالج والدته
وربنا كبير اوى ولا يضيع اجر من احسن عملا وقادر يعوضه بالذريه الصالحه من غير تعب ولا دكاترة

القصه جميله وتحمل معنى
فى حفظ الله

Mona يقول...

ناجى أنت كتبت البوست من 4 أيام ياترى أخبار والدة صابر أيه أرجو أنك تطمنا ويارب يتمم شفائها أن شاءالله

صدى الصمت - عاشقة الورد - يقول...

هوة إختيار صعب لكن من رأيى إنة يعالج والدتة بنية صافية وخالصة لله وأكيد دعوات أمة ورضاها علية هتخلى ربنا يكرمة ويرزقة من حيث لايجتسب ويحققله أملة فى الإنجاب
تحياتى

ذو الوجه المبتسم يقول...

الاخوة والاخوات الاصدقاء والصديقات

صبرنى يا رب

نوارة

ستيتة حسب الله الحمش

mona

manoosh

وردة

عاشقة الاحزان


fL0weR-giRL

marwa

طوبة ذهب وطوبة فضة


dodoo

سمكة واحدة

حتى تشرق الشمس

احمد عبدالسلام

عاشقة الرومانسية

غير معروف

اسراء نايف

ليس فقيرا من يحب

صدي الصمت - عاشقة الورد

اولا اشكرك على مشاعركم الحقيقية تجاه الموضوع
وأوكد لكم جميعا ان رأيكم مؤثر جدا بنسبة 100% لانه هو الرأى الصحيح

وبالفعل قرر صابر الاخذ بريكم جميعا

لكن لى سؤال بسيط ؟؟
ماهو شعور زوجة صابر تجاه الموضوع ؟؟
لو ان كل ست او بنت وضعت نفسها مكان زوجة صابر ؟

تقبلو جميعا تحياتى

dodoo يقول...

المفروض ان زوجة صابر ما تبقاش انانية وتعرف اني اللي هتعمله دلوقتي هتلاقيه بعدين
يعني لو ماسابتش جوزها يعالج امه بكرة هتلاقي ابنها مش عايز يعالجها علشان خاطر مراته
و المفروض كمان انها تصبر و تحتسب
وتعرف ان ربنا سبحانه و تعالى شكور يعني اللي هتعمله هيرجعلها اضعاف مضاعفه

أم مالك يقول...

صابر طبعا لازم يعالج الام
وبهذا البر ربنا سيرزقه الذرية الصالحة
ماشى ده الرد الطبيعر للبوست
حاجة خاصة بيك
قرات لك فى احد الردود انك بتمر بظرف صعبة فى العمل وانك قدمت استقالتك
والله انا قلقت عليك لان زوج بنتى بيمر بظروف مشابهة انا بادعى لكم كتير
وياريت تدخل تطمنى ويكتب لك الخير
واعتبر القلق ده من ام بتحس باللى فى الغربة الاول اخواتى وبعدين بنتى وزوجها وعلى فكرة انت بلدياتنا
فى انتظار الرد وتحياتى

Mona يقول...

ناجى مرات صابر لازم تعرف أن الى مالوش خير فى أهله عمر ما حيكون له خير فيها ياترى هى لو مامتها مكان حماتها مش برضة كانت حتعالج أمها
الرسول عليه الصلاة والسلام قال أمك ثم أمك ثم أمك - لازم فيه صبر ورضا بكل ما قسمه الله لنا

بحب الحكومة يقول...

تحيا الوحدة الوطنية

تعيش ماما كريمة


تحياتى ليك



تقبل مرورى