الأربعاء، 2 ديسمبر 2009

رحلة الحج2

السلام عليكم ورحمة الله وبركاتة
بصراحة وبجد كلكم وحشتونى والله
اتمنى من الله انكم تكونوا كلكم بخير يا اخوانى واخواتى فى التدويين
كل سنة وانتم بخير بمناسبة عيد الاضحى
فى البوست ده انا هاحكى عن خطوات رحلتى مع الحج من بداية الطريق الى العودة

فى الاول اللى عاوز يعرف اركان وواجبات الحج يضغط هنا http://www.islamadvice.com/ibadat/hag/hag3.htm
انا خرجت من السكن يوم الثلاثاء ذو الحجة بعد صلاة العصر كان معى زميلى الاخ محمد شمس وهو مدرس بنفس المدارس اللى انا شغال فيها وكمان كان معنا بعد المعارف المصريين - كنا ७ افراد
ركبنا سيارة صديق من المنزل الى البطحا ( البطحا مكان فى الرياض وفيه موقف للسيارات اللى بتروح جميع انحاء المملكة ) ركبنا سيارة لاند كروزر كانت واسعة وحلوة ।واحنا فى الطريق بعد ما مشينا حوالى ३०० كيلو السيارة توقفت وعطلت بسبب كابل الكهرباء اتحرق وكانت رائحة الشياط للاسلاك واضحة - المهم السائق وهو سعودى اتصل بسيارة نقل السيارات وحملنا واحنا راكبين ورجع بينا لورشة ميكانيكا والحمد لله اتصلحت بس اتعطلنا تقريبا ३ ساعات
مشينا بعدها الى مكة لحد ما وصلنا الميقات ( ميقات السيل الكبير وهو ميقات اه لنجد " الرياض " )
صورة للحمامات الرجالى بميقات ( السيل الكبير )

- بعد كدا احرمنا ورحنا اتفقنا مع سيارة اخرى توصلنا من الميقات لحد الشعائر بمكة والحمد لله لقينا بس بعد تعب وكان الوقت بعد الفجر تقريبا । بعد ما وصلنا الشعائر ركبنا تانى لحد الحرم । يعنى قبل الحرم بشوية كدة وكملناها مشي على رجلينا
وطبعا اثناء الطريق كنا بنلبى لبيك اللهم لبيك لبيك لا شريق لك لبيك

وده الباب اللى دخلنا منه علشان نطوف طواف القدوم - الصورة للصفا والمروة من الخارج ودخلنا من السلم الى باب الفتح ثم الى الكعبة والحمد لله طوفنا طواف القدوم وسعينا

دى صورة بعد طواف القدوم والسعى بين الصفا والمروة
وبعد رحنا جبنا اكل من المطعم وفطرنا وبعد رجعنا للحرم وسيبنا الشنط بتعتنا عند سور الامانات وبعد شوية الجو امطر مطر شديد يمكن سمعتم عن الاحداث اللى حصل فى جده وكم واحد ماتوا

دى صورة للمكان اللى قعدت ريحت فيه بعد صلاة الظهر وكان بجانب مياه زمزم وبصراحة شربت منها لما شبعت الحمد لله
- بعد ما صلينا العصر رحنا الى منى بسيارة ميكروباص وفضلنا ماشيين فى منى من بعد العصر لحد الساعة १० بالليل وكل ده علشان مكان نريح فيه شوية
- بعد نص الليل خدناها مشي لحد المزدلفة ومنها ركبنا باص لحد عرفات وعسكرنا بجانب مسجد نمرة وللاسف البطارية بالموبايل فصلت شحن ومعرفتش اصور المكان بصراحة كان رائع وازدحام فظيع طبعا فضلنا بعرفات لحد بعد المغرب وخلال الفترة دي صلينا الفجر بالمسجد والظهر واستمعنا لخطبة عرفات
فضلنا ماشيين من عرفات الى المزدلفة حوالى ३ ساعات ويمكن اكتر
وصلنا المزدلفة وبيتنا فيها لحد قبل الفجر بشوية وقمنا مشينا من المزدلفة لحد منى وعسكرنا فى منى بس بصراحة المشوار جامد
طبعا فيه حاجات حصلت خلال المشي والمبيت فى كل مكان هاحكيها بعدين


ده مسجد الخيف بمنى كنت باحب اصلي فيه


رمى الجمرات




بعد ما خلصت طواف الوداع كنت هلكان على الاخر هههههههههه

25 التعليقات:

غير معرف يقول...

حج مبرور وذنب مغفوور

والف الحمد لله على سلامتك

اروح اقرا البوست بقى

غير معرف يقول...

ربنا يكتبهالي يوما ما :)

الف الحمد لله عالسلامة

والصور جميلة تسلم ايدك

دمت بالف خير

مدونون من اجل الاقصي يقول...

السلام عليكم
حج مبرور وسعي مشكور وذنب مغفور
باذن الله
ربنا يتقبل منكم جميعا
ويكتبهالنا ان شاء الله
والحمد لله عالسلامة
بس فين الهدايا
وقلي كم ساعة نمت لما روحت من الرحلة
بعد كل التعب

ستيتة يقول...

ما شاء الله
تقبل الله منك
حج مبرور وذنب مغفور ان شاء الله
فكرتني بالسيل الكبير ووصولنا له قبل الفجر ونقعد ندعي يارب نوصل الحرم قبل الفجر علشان نلحق الصلاة فيه
ربنا يكتب لنا كلنا الحج والعمرة مرات ومرات وميحرمناش منهم ابدا
كل سنة وانت طيب

زهور الامل يقول...

حج مبرور وذنب مغفور يااستاذ ناجي
وتقبل الله منك ان شاء الله
وعقبالي يارب
والف الف مبروك
وكل عام وانت بالف خير وهنا

تحياتي

مي يقول...

حج مبرور وذنب مغفور ان شاء الله

وحمد لله على سلامتك وعقبالنا يارب اللهم امين

امل يقول...

الف حمدالله على السلامه

الصور ليها ذكريات جميله قوى عندى مع زوجى الله يرحمه
ربنا يعيد عليك الايام بالخير والسعاده والحج عشرات المرات
وربنا يوعدنى يارب انا والحبايب

اقصوصه يقول...

الله يرزقنا يا رب :)

غير معرف يقول...

استاذ ناجى ازيك
لك وحشة كبيرة قوى وانتظرت اى اشارة
وانت فى الاجازة علشان العزومة
على العموم حصل خيرتتعوض باذن الله
مبارك على الحج تقبل الله منك
وجعله فى ميزان حسناتك فكرتنى برحلتنا الجميلة الى هذا المكان
اللهم اعدها تكرارا وتكرارا
تحياتى

ليس فقيرا من يحب يقول...

السلام عليكم

الف حمد الله على سلامتك يا استاذ ناجى

حج مبرور وذنب مغفور

ربنا يتقبل منك ويكتبهالنا ولحبايبنا

يارب

الدنيا نورت من تانى

Unknown يقول...

الف مبرووووووووووك
ربنا يتقبل
والف الحمد لله على سلامتك
حج مبرور وسعي مشكور وتجارة لن تبور :)

غير معرف يقول...

حج مبرور وذنب مغفوربإذن الله.حمدالله على السلامة.
وكل عيدوإنت طيب وأسرتك بخيريارب.
نهرالحب
خواطرى وأشعارى

صدى الصمت - عاشقة الورد - يقول...

ألف حمدالله على سلامتك مرة تانية
وألف مبروك على الحج ربنا يتقبل وعقبالنا إنشاءالله

♥نبع الغرام♥♪≈ يقول...

حج مبرور وذنب مغفوور

♥نبع الغرام♥♪≈ يقول...

مليون مبروك وربنا يتقبل منا ومنكم صالح الاعمال

وانت كمان وحشتنا اوووووووووووووووووووووى

ايوشة يقول...

حج مبرور وذنب مغفور ربنا يتقبل يارب
الف حمدلله على السلامة

ذو الوجه المبتسم يقول...

نوارة

شكرا لك وعقبال عند الحج باذن الله

تحياتى

ذو الوجه المبتسم يقول...

مدونون من اجل الاقصي

ازيك يا سمسم

كل سنة وانتى طيبة

طماعة انتى
وعينك ع الهدايا هههههههههه

الهدية الكبيرة بجد انتى دعيت لك ولك مسلم وللاقصي

تحياتى لك

ذو الوجه المبتسم يقول...

ستيتة حسب الله الحمش

كل سنة وانتى طيبة

وان شاء الله السنة اللى جاية نتقابل بعرفات باذن الله

ذو الوجه المبتسم يقول...

مي

كل سنة وانتى طيبة

وعقبالك بالحج ان شاء الله

ذو الوجه المبتسم يقول...

ماما

كل سنة وانتى طيبة

الله يرحم زوجك

وان شاء الله تتحجى السنة اللى جاية

بس وقتها افتكرينى بالدعاء

ذو الوجه المبتسم يقول...

اقصوصة

ربنا يرزقك يا رب

وان شاء الله السنة اللى جاية تحجى

ذو الوجه المبتسم يقول...

ليس فقيرا من يحب

ازيك يا رانيا

كل سنة وانتى طيبة

أنثى من حرير يقول...

حج مبرور وذنب مغفوور
تقبل الله طاعتك

فشكووول يقول...

حج مبرور وذنب مغفور
حمدا لله على سلامتك وان شاء الله تتكرر الحجات لحد ما يبقوا سبع حجات

اشكرك على الزياره فى فشكول
اما من ناحية الثأر .. عايز اقول لك ان الدم صعب جدا واللى يقتل من عنده قتيل لان الانسان مجموعه متناقضه من العواطف والاحساسيس .

عارف لو عرفت ان فلان الفلان ضرب ابنك بالقلم على وشه بيجرى لك ايه ؟

فما بالك بالدم

ما علينا دا فى الصعيد وموجود كمان فى بحرى بس بصوره صغيره .. وربنا ما يكتبه عليك ولا علينا.