الخميس، 10 ديسمبر 2009

هو التار نار بجد

الموضوع بصراحة محتاج وقفة بل وقفات
موضوع الثأر اللى منتشر بكثر وخاصة فى مدن الصعيد
الحكاية انى لما كنت فى الحج وفى يوم السبت تانى ايام العيد ولما كنت قاعد اقرأ قرآن قبل صلاة المغرب بجانب الخيمة بتعتى
سمعت حوار بين اخين من الحجاج واحد منهم بيستغفر ربنا وحاسس انه هيبكي بجد بصيت له والاخ الاخوة اللى كانوا جانبه بيتكلموا معه لان الموقف كان مؤثر سالة واحد منهم انت شكلك عملت ذنوب كتير قوى ॥ قال ايوه ॥ قاله له زنا ॥ قال له اكبر من الزنا ॥ قاله له ايه ياترى اكبر من كده ॥ رد عليه وقال له قتل ॥ قاله انت قتلت ॥ رد اشتركت فى القتل ॥ بدأت انتبه للحوار وبدأت الشاب يحكى
وبصيت لملامحه وهو بيتكلم
هو شاب تقريبا فى عمر २७ او २८ سنة لانى سالته عن عمره بالفعل
قال كان تار لنا على الرجل ده وانا كنت رافض ومسامح وخلاص لكن عندنا فى البلد صعب الراجل يسيب تاره او حتى يسامح
سالته ليه يا عم ॥ وماله لما تسامح
قال حتى لو سمحت بعدها بيجى لى واحد ويعمل فتنة
ازاى يعمل الفتنة دى
يقول شايف فلان اللى عليه التار بعد ما سمحته ماشى ورافع راسه فى البلد وكان محدش عاجبه
وانت ماشي فى البلد وكانك غلبان او ضعيف ومن هنا بيبدأ يولعها نار
ويخلينى اتجنن وكم يوم وبعدها بننفذ العملية ونخلص
طيب وانت راضي عن اللى بيحصل ده
لا
طيب ليه بتعملوا كده ... كررت السؤال اكتر من مرة علشان اقنعه بفكرة رفض الثأر
انت متعلم طبعا
انا جامعى ومعى كلية اداب
طيب كويس يعنى راجل متعلم ومثقف
حتى لو كنت دكتور فى الجامعة لاوزم ناخد بالتار
طيب والحل
مفيش حل
المهم الحوار تمادى قليلا
وبعدها بصيت له وركزت
وقلت له عاوز اصورك على الجوال ( الموبايل )
لقيت وشه احمر واتخض
قال ليه
عادى يعنى ذكرى
وكمان ايه رايك عاوز احط صورتك ع النت واكتب عن موضوع التار
اتخض اكتر
وقال شكلك عاوزهم يقتلونى
ضحكت
ياعم انا باهزر وعارف انه خطر احط صورتك
طيب ايه رايك هاكتب اسمك بالموضوع اللى هاكتبه عن الثار
ولا حتى اسمي । لانهم فى البلد هيعرفون
المهم انهيت الحوار سريعا بدون نتيجة
والملخص للموضوع ان استحالة الابتعاد عن الاخد الثأر ستبقي
من وجهة نظر الاصدقاء
تفتكروا ايه الحل بجد
هل ممكن موضوع الثأر ده يكون له حل نهائي

24 التعليقات:

العلم نور يقول...

مسألة الثأر هذه مع الأسف لم يضع لها حد وقد ساهم الإعلام وبالذات في الأفلام السينمائية في أخذها كقالب درامي أو مضحك، ولم توجد أفلام تناقش هذه القضية من جانب تحريم قتل النفس التي حرم الله إلا بالحق.

موضوع فعلا مهم .. بارك الله فيك ونفع الله بك الأمة الإسلامية العربية.

مي يقول...

انا مش مصدقة بعد كل العلم اللى بقى موجود وانتشار الوعى الدينى
ولسة فى ناس بتفكر بالتخلف القديم ده
حرام والله شباب زى الورد بيضيع وبيكون رافض الفكرة ويحطوه فى النار برضه ونا ملهاش ذنب بتموت
حسبى الله ونعم الوكيل
بس ياريت فى حل مع انى معتقدش لان الجهل لسة فيهم وبيربوا اولادهم على ده
تحياتى لتميزك الرائع
وكفاية غيييييياب بقى

Unknown يقول...

طب هو ليه اصلا من البداية
اول واحد قتل قتل ليه يعنى هو مكنش عارف انه هيفلح باب تار

امل يقول...

ازيك يا حاج
انا مع راى الشجره الام
فعلا خدوا الموضوع ضحك ولم يحلوه اجتماعيا
بس الحل من وجهة نظرى
ان الصعيد ده هو اللى يكون عاصمة مصر
فيحصل انفتاح تعليمى وثقافى واعلامى كبير
ويختلط الحابل بانابل..وتذوب العرقيه اللى معششه فى دماغ اهل الصعيد
طبعا انت فاهمنى

♥نبع الغرام♥♪≈ يقول...

السلام عليكم ورحمة الله
صراحة اصدق كلمات الشاب لو تتذكر حضرتك افلامنا لما تناقش قضية شاب هرب من التار حتى لايصبح قاتل فيصبح هارب

ينتقل من مكان لاخر حياته هى مماته يعيش ذليل فى كلتا الحالتين

ارى اننا مجتمع نضع خطوط لقرب النهايه وذلك بسبب الحروب الداخليه والطائفيه والجماعات
كيف سننهض ونحن اسرى لتقاليد فاتكه للكرامه والرفعه واول مانقوم به ونقول نحن هو :القتل جريمه بشعه حرمها ربى وهم يفتخرو بها
الحل صعب فعلا اعى ذلك ولكن واجب ان نمهد للدين اكثر :الدين:الدين
لما يفهموا الدين صح ويفهموا شرع المولى وعقابه بالتدريج يطبقوا القانون
ويشيلو عن ابنائهم حمل ثقيل يرتمى على كاهلهم ويعيشوا يقلب تعيس بدل من تجدد شبابهم
الله معين ويهديهم لازم يظهر مجموعه منهم ينشرو اهدافهم ويحاربو افكارهم ويعلموا انهم شيضحوا من اجل غيرهم

تحياــــــــــــاتى اليك ونتمنى ان يصلح حالهم المولى العزيز

سواحة يقول...

اعتقد ان سبب انتشاره فى الصعيد عنه فى الدلتا و شمال مصر هو العصبية القبلية الى بيعيش فيها اهل المناطق ده
لان الصعايدة دول نفسهم لما يسكونوا فى مناطق ثانية بقيم اجتماعية ثانية مبيفكروش فى الثار
انا والدى صعيدى و ماظنش يجى على باله الموضوع ده لانه من صغره اتربى فى القاهرة بس لو كانن اتربى فى الصعيد مكنتش اقدر اقول نفس الشئ

سواحة يقول...

و حجة مبرورة باذن الله و ربنا يتقبلها

ذو الوجه المبتسم يقول...

الشجرة الام

نورتى المدونة

نفس وجه النظر عندى

القالب الدرامى فى السنيماوالتليفزيون

واحيانا بيجعلوا من القاتل بطل

بس برده عاوزين حل نهئي

تحياتى لك

ذو الوجه المبتسم يقول...

مى

ازيك

بجد لك وحشة

كل سنة وانتى طيبة

الموضوع مش موضوع تخلف تعليمي

لان معظم الصعايدة متعلمين تعليم عالى

اكيد مع بعض ممكن نقترح حلول بجد

تحياتى لك

ذو الوجه المبتسم يقول...

العيسوي الصغير

نورت مدونتك التانية لاول مرة

ياترى العيسوي ده لقب العائلة فعلا

لان عائلة لعيسوي برده عندنا بالبلد

اول واحد قتل اكيد كان جاهل

زكمان اللى بيقتل مش بيفكر فى انه قتل نفس

بيفكر بتفكير مختلف اكيد

تحياتى لك

ذو الوجه المبتسم يقول...

ماما
نورتينى
الله يسلمك
فكرتك فكرة ممتازة بجد ولله
بس تفتكرى حتى لو حصل انفتاح ممكن ينهى الموضوع ده

ان شاء لله الحج اللى جاى نكون سوى

تحياتى لك وكل سنة وانتى طيبة

ذو الوجه المبتسم يقول...

ابتسامة ملاك

نورتينى

بجد حمل كبير جدا

تعرفى ايه بجد ومتضحكيش

اسمك لمستعار ابتسامة ملاك

لو الكل ابتسم بجد اكيد كل مشاكلنا هتتحل

تحياتى لك

ذو الوجه المبتسم يقول...

wanda

نورتينى لاول مرة وان شاء الله مش الاخيرة

تعرفى من ضمن الحوار قال انهم فى حالة التار بياخدوه من افضل واحد من

العائلة حتى لو مش عايش فى الصعيد ولو حتى دكتور فى الجامعة

تفتكيرهم بمنطق مختلف

منقلقيش .. وش احمر كده ليه ههههههه

العصبية القبلية الى بيعيش فيها اهل المناطق ده
لان الصعايدة دول نفسهم لما يسكونوا فى مناطق ثانية بقيم اجتماعية ثانية مبيفكروش فى الثار

تحليل صحيح

كل سنة وانتى طيبة

تحياتى لك

صدى الصمت - عاشقة الورد - يقول...

التار مشكلة كبيرة ولازم نغير العقولوالفكر عشان نقدر نغير السلوك
تحياتى

سمسم/سما يقول...

السلام عليكم
موضوع عميق جدا
جدا
جدا
قلة الايمان سبب فيها اكيد
والحق على مين
مفروض يكون في دعاة وعلماة من البلد او خارجها
يوعو الناس
ولكن هو ليه العرف والتقاليد مقدمة عالشرع
فحجات كتير منها التار
بجد قلبي وجعني على الشاب ده
بس منطقيا انا لو كنت مكانو
كنت حقول اي حاجة تحصل اهون يكون من اني اقتل
وربنا المستعان

غير معرف يقول...

الابن الفاضل استاذ ناجى
مش ممكن تنزل بوست ولم اعلق
مهما كانت الظروف
موضوع الثار ده موسوعة لن ينتهى
ابدا هو التعليم والتفتح الاعلامى
خفف الوضع شوية ولكن لم ينهيه
بجد والله لك وحشة كبيرة
تحياتى

خواطر شابة يقول...

بداية حج مبرور وذنب مغفور ان شاء الله
تانيا بالنسبة لموضوع البوست موضوع الثأر هنا في المغرب غير موجود الحمد لله لم نسمع عنه لافي القرى ولا في المدن منذ الاستقلال وانتهاء ما كان يسمى بعصر السيبة اي انعدام سطوة القانون والدولة
موضوع الثأر في مصر معالجته ستكون عن طريق تنمية التعليم وانشاء جيل جديد تغرس فيه قيم التسامح و سلطة الدولة وهيبة القانون
تحياتي لك

أريــــــــــــــــــــج يقول...

السلام عليكم ورحمة الله وبركاته

مسالة الثأر هذه كثير ما اسمع عنها وهي فعلا من أخطر المشاكل الاجتماعية مع ان الله عز وجل وصف المؤمنين بالمتسامحين مع بعضهم قال الله تعالى (( ونزعنا ما فى صدورهم من غل اخوانا ))....سورة الحجر أية 47
ولكن قلة الايمان وقلة الوعى وتفضيل التقاليد والعادات على الشرع والحكم الاسلامى.. ندعوا لهم الله بالهداية ..



واخيرا اقول -حج مبرور وذنب مغفور ان شاء الله استاذ ذو الوجه المبتسم ..

بارك الله بك موضوع مهم يستحق المتباعه والنقاش

تقبلوا وافر التقدير والاحترام

زهور الامل يقول...

عمره ما هيكون ليه حل
لانه شيء من قديم الازل ومنتشر لابعد الحدود
وعلى فكرة التار مش في الصعيد بس التار في اي مكان في الدنيا
في اي قرية واي مدينة
اللي ابنه بيتقتل بيحلف انه لازم ياخد تاره حتى لو كان متعلم ومثقف
وفي السعودية برضو موضوع التار ده منتشر جدا
والحكومة عمرها ما هتقدر توقف الحكاية دي
الموضوع ده هينتهي في حالة واحدة بس اذا بطلنا نقتل ومشينا على السراط المستقيم
ربنا يسترها بجد

تحياتي على الموضوع الرائع

حلم بيعافر يقول...

الحل بسيط جدا
عقول الناس اللى راكنة وصدت تشتغل
بس

ليس فقيرا من يحب يقول...

السلام عليكم

ازيك يا استاذ ناجى

ان شاء الله تكون بخير

حج مبرور وذنب مغفور

مشكله التار ده مش وليده يوم

وليله دا عاده غبيه مترسبه من مئات

السنين والحل الوحيد ان الناس تنضف

مخها شويه

ربنا يبارك فيك يا استاذى

وسماح بقى على التأخير

ليس فقيرا من يحب يقول...

نسيت اقولك كل سنه وحضرتك طيب بمناسبه العام الهجرى الجديد

جلال كمال الجربانى يقول...

السلام عليكم

الثأر لن يكون له مكان فى المجتمعات التى تتميز بالتدين وبالعدل وبالمستوى التعليمى المرتفع
لكن طول مافيه جهل وأميه وبعد عن الدين وغياب العدل بطول فترات التقاضى يبقى التار قاعد ومربع
وبكده مجتمعاتنا تبقى عيانه
وربنا يشفى

ودمت فى أمان الله

شمس النهار يقول...

ازيك

الف الف ميروك علي الحج ويارب ماتكنش نسيتنا من خير وجميل دعائك

البوست جميل ودسم
جدا
انا جايه بس ابارك علي الحج واسلم
وان شاء الله ليه عوده اتكلم عن البوست

علشان عايزه دلوقتي ازور ناس كتير جدا
اسلم عليهم


سلام