الخميس، 24 ديسمبر 2009

قراءة الافكار

للإنسان خمس حواس هي النظر والسمع والشم والتذوق واللمس...
وهناك خلاف حول الحاسة السادسة التي توصل بعض العلماء في عام 1997م
إلى أنها عضو غامض يدعى VNO يتحكم في العواطف ويمتلك القدرة
على التقاط الإشارات الكيميائية غير المرئية المنبعثة من أجساد الكائنات الحية،
بينما المفهوم الأكثر شيوعاً للحاسة السادسة هو أنها القدرة على توقع الأحداث قبل وقوعها
والتخاطر والاستشعار عن بعد وهي في الواقع ليست قدرة يختص بها بعض البشر دون غيرهم
ولكنها تصبح خارقة أو خاملة بسبب عوامل معينة تماماً كما هي حاسة البصر
على سبيل المثال حيث يتمتع البعض بنظر سليم بينما يعاني البعض
من قصر أو طول البصر أو فقدانه الحاسة السابعة التي أعنيها هي الإحساس بالزمن أو ما يطلق عليه Time Perception ...
ولتبسيط مفهومها استناداً إلى الثقافة الشعبية
هي إحساسنا على سبيل المثال بأن الأوقات الجميلة تمر سريعاً بينما لحظات الترقب والانتظار تبدو طويلة...
وهي كذلك تفاوت تقديرنا لنفس الزمن الذي نعيشه حيث يشعر البعض
أن يوم السبت على سبيل المثال هو أطول أيام الأسبوع،
والغالبية تشعر أن شهر رمضان هو أقصر شهور العام بينما شوال أطولها...
كما يبدو بشكل عام أن هناك إجماعا بين شعوب العالم على أن السنوات باتت تمر سريعاً
غير أن نفس هذا الإجماع قد يتفاوت تقديره من شخص لآخر
بالرغم من أن عدد أيام العام وساعات اليوم ودقائق الساعة لا يتغير
ذلك كلما تقدم الإنسان في العمر يشعر بأن السنوات تمر سريعاً،
وكلما لم يكن راضياً عن انجازاته يسيطر هذا الإحساس عليه
ويشعر أن السنوات تتسرب من بين يديه بشكل سريع ومخيف।
نرى بالعين ونستنشق بالأنف ونلمس باليد ونسمع بالأذن ونتذوق باللسان،
أما العضو الذي يتحكم في إحساسنا بالوقت فقد يكون هو الساعة البيولوجية
وهذا مايزيد الأمر تعقيداً ذلك أن الساعة البيولوجية نفسها قد تم التعريف
بوظيفتها (كضابط إيقاع) لحياة الإنسان ولكن دون إجماع علمي على تحديد عنوان مسكنها
في عقل وجسد الإنسان।
------ منقول -----
من كم يوم كنت باتفرج على فيلم اجنبى بطولة الممثل ( ميل جيبسون ) وكان موضوع الفلم بيدور حول حاسة مميزة - قراءة الافكار للاشخاص الاخرين ولان الفلم اجنبى وعلشان يميزوه شويتين باثارة حسية
كان بيدور حول قراءة افكار الستات فقط هههههههههه فكرة الموضوع عجبتنى جدا لانى من سنين فكرت بنفس الموضوع على الطبيعة
وبخاصة عندما اشتغلت وتعاملت مع الاخرين بالحياة العملية ولقيت افكار
وتعاملات مختلفة معلش هاقول الفاظ شاذة لقيت
( ابر- واسافيين – وتوقيع بين الناس- وحاجات غريبة )
فسألت نفسي ياترى لو اقدر اقرأ افكار الناس دي بجد ياترى هاقدر اجتنب ضررهم –
افكار كتير وقتها بس بدون نتيجة طبعا يمكن يكون عندى ميزة الى حد ما باستخدمها وهى قراءة العيون وتعبيرات الوجوه
وبحد كبير بيكون توقعى صحيح لانى باعتمد على شئ مهم
وهو الدخول والتعمق داخل الآخر باقل وقت ممكن قد يكون ثوانى معدودة السؤال هنا ؟؟؟
س : لو بالفعل قدرنا نقرأ افكار الاخرين دون سماع اصواتهم او اعترافتهم ياترى هنرتاح بجد ؟؟؟؟؟
س : ياترى لما نسمع نقد الاخريين لشخصيتنا وسبهم علينا ؟؟ هنعمل ايه

22 التعليقات:

غير معرف يقول...

هيييييييييييه

اوووووول تعليق

لاحلى نوارررررة في الدنيا

كح كح

واخيرا نزل البوست هروح اقراه بقى بتمعن :]

غير معرف يقول...

على فكرة انا بحب الحاجات الخارقة والحاسة السادسة والحاجات دي وبحب اتفرج عالافلام الي بتتكلم عن الحاجات دي :)

وفي الحقيقة فعلا بحس انه في ناس عندهم الحاسة السادسة لكن بتكون مختلفة من شخص لاخر يعني تلاقي مثلا شخص بيقدر يقرا افكارك ويحلل شخصيتك بثواني

وتلاقي غيره بيحس بحدوث الشيء قبل وقوعه وغيره بيبقى عارفك هتقول ايه وبتفكر بايه وعارف كل احاسيسك بمجرد نظرة في عنيك كل شخص وليه موهبته الخاصة

وبالنسبة لاسئلتك طبعا مش هنرتاح زي فيلم احمد الفيشاوي (فيلم الحاسة السادسة ) كان ماشي يسمع مصايب وهموم الناس وحقدهم على بعض وغيره ودا شي متعب وصعب نتحمله

عن نفسي كفاية اني اقرا افكار الاشخاص الي بحبهم وبيهمني رايهم وهيكون صعب عليا اعرف نقدهم وخصوصا لما اكون بحب شخص ومعتبراه اعز صديق واعرف انه مش طايقني وهكذا ..

كفاية رغي بقى

وميرررسي عالبوست :)

Unknown يقول...

ههههه
تعرف انك حامل لنفس افكاري
يعطيك العافية يارب على كجهودك

س : لو بالفعل قدرنا نقرأ افكار الاخرين دون سماع اصواتهم او اعترافتهم ياترى هنرتاح بجد ؟؟؟؟؟

من وجهة نظري مش بس حنرتاح , احننا حننصدم , لأنه وقتها راح تعرف كل من حولك على حقيقته وراح تلاقي الحقيقه المرة يلي موجوده بداخل الاخرين ,, وهي حقيقه المصلحة
بمعنى ان الاخرين يقتربون منك فقط لأجل تحقيق مصلحة خاصه بهم , وبمجرد تحقيقها يفارقونها وفي احيان اخرى يبصقون عليك


س : ياترى لما نسمع نقد الاخريين لشخصيتنا وسبهم علينا ؟؟ هنعمل ايه ؟
بيكون أهون من الطريقه الاولى انك تقرأ افكار الاخرين
لأنه من وجهة نظري اللي بحكي عنك من قدامك وبنتقدك وجهاً لوجه اهون علينا من النميمة والظعن من الخلف

يسلموا يا عمري
وللعلم انا زعلان منك زمان ما شفناك عنا
ولا لناس وناس التعليقات

ليس فقيرا من يحب يقول...

السلام عليكم

ازيك يا استاذنا يارب تكون بخير

تصدق فكرت قبل كده فى الموضوع ده وتخيلت فعلا لو انا اقدر اعرف الانسان اللى قدامى ده بيفكر فى ايه بس لقيت الموضوع صعب وهيتعبنى لو حد عزيز عليا واكتشفت انه شايلى حاجه وحشه او حتى لقيت حد بيتألم ومش هاعرف اساعده او اعمله حاجه
الاحسن الواحد يبقى ظانن فى اللى قدامه الخير لحد مايثبت العكس وبعدين لو هاقدر اقرى افكار الناس واتجنب ضررهم كده هاحرم نفسى من ثواب الابتلاء لو حد اذانى مثلا فاهمنى ازاى
س 2 لما نسمع نقد الاخرين لشخصياتنا وسبهم
علينا لو على النقد لو حده من غير سب اوجرح للمشاعر فده حاجه مش وحشه
لكن لو هنسمع سبهم علينا هنتعب وهنقول بس حسبى الله ونعم الوكيل وبرده مش هنرتاح

حلو الموضوع جدا يا استاذنا
تسلم ايديك

العلم نور يقول...

في الحقيقة أنا قرأت كثيرا عن موضوع الحاسة السادسة وما خلصت له أن هذه الحاسة مكانها في القلب فهو كالبوصلة لها .. وقد اعتمدت في ذلك على الآيات التي ذكرت القلوب في القرآن الكريم.

بارك الله فيك ونفع الله بك الأمة الإسلامية العربية.

العلم نور يقول...

في الحقيقة أنا قرأت كثيرا عن موضوع الحاسة السادسة وما خلصت له أن هذه الحاسة مكانها في القلب فهو كالبوصلة لها .. وقد اعتمدت في ذلك على الآيات التي ذكرت القلوب في القرآن الكريم.

بارك الله فيك ونفع الله بك الأمة الإسلامية العربية.

أريــــــــــــــــــــج يقول...

السلام عليكم ورحمة الله



س : لو بالفعل قدرنا نقرأ افكار الاخرين دون سماع اصواتهم او اعترافتهم ياترى هنرتاح بجد ؟؟؟؟؟


اكيد سوف نرتاح سواء كان ما اكتشفناه اجابي او سلبي المهم اننا قدرنا نعرف مافي دواخلهم من ناحيتنا


: ياترى لما نسمع نقد الاخريين لشخصيتنا وسبهم علينا ؟؟ هنعمل ايه ؟


طوبى لمن اهداني اخطائي دون ان يجرحني شخصيا نعم اتقبل نقد الاخرين لكن دون سب والا لن اعيرهم اي اهتمام من اصلو وما اعطيهم وقت حتى اسمع سبهم لان الذي يسب اعتبره شخص تافه ولا داعي ان اعطيه قيمه اصلا

تقديري لكم اخي الكريم

ووبارك الله بك على الموضوع القيم

صدى الصمت - عاشقة الورد - يقول...

ساعات كتير بأتمنى إنى أقرأ أفكار الناس ال قدامى عشان على الأقل أعرف مين صادق معايا ومين بيخدعنى وأعرف كمان ناوين ليا على خير ولة شر
ياريت نقدر نقرأ الأفكار كنا إستريحنا
تحياتى

ذو الوجه المبتسم يقول...

اختى الصغيرة نوارة
نورتى اول تعليق
معلش على التاخير ده غصب عنى بجد نظرا لضغط الشغل

انا عارف ان فيه فلم الحاسة السابعة بتاع احمد الفيشاوى بس مكنتش باحب اتفرج عليه اصله بينى وبينك مفيش فيه اثارة واكشن حاجة كده عربى
انا باح بالاجنبى اكتر
بخصوص قراءة الافكار
مش من السهل تقرأى افكار الطرف الاخر كما تعتقدى
قراءة الافكار بيتطلب جهد كبير وقدرة حسية على الوصول والتعمق داخل الاخر
والشئ ده مش بيجي الا بالاحساس الحقيقي
النابع من الداخل

وبعدين بطلى رغى بقي هههههههههههههه
تحياتى لك

ذو الوجه المبتسم يقول...

Mr.Hazem

اخى الكريم
اسف بجد على التاخير وعدم المتابعة
بس بجد ده مش معاك لوحدك
انا بس مضغوط شوية فى الشغل

وجهة نظرك سليمة فى الموضوع

تقبل تحياتى

ذو الوجه المبتسم يقول...

ليس فقيرا من يحب
ازيك يا رانيا
نورتى المدونة
فينك يا بنتى من زمان
مش بتبانى ليه كده ههههههههههه
معلش برده انا عارف انى مقصر معاكم كلكم بس زي ما قلت غصب عنى
الشغل الفترة دي ضغط شوية

ناس كتير فكرت بالموضوع ده
لكن الاهم من اننا نفكر ازاى نقرأ الافكار
هو ازاى نتعامل مع الافكار دي بطريقة ايجابية

تقبلى تحياتى

ذو الوجه المبتسم يقول...

الشجرة الام

نورتى المدونة

كلامك بالفعل صحيح بدرجة 100%

الحاسة دى مكانها فى القلب

تحياتى لك

ذو الوجه المبتسم يقول...

الايـــــام

نورتينى

تفتكرى بجد انك لو قريتى افكار الاخرين السلبية عنك هترتاحى

اعتقد صعب ترتاحى لو عرفتى كده

فيه فرق بين واحد يهديكى اخطائك والهدف الاصلاح والاعتدال

وواحد يقول اخطائك ويفضحك

الفرق كبير جدا

تحياتى لك

♥نبع الغرام♥♪≈ يقول...

بخخخخخخخخخ

أنا جيت أهووووووووو

مش أقدر على زعلك

كل عام وانت الى اقرب
بس بصراحه أنا قريت البوست بس عشان اتجاوب معاه وارد عليك كويس

بس الحمد لله هرد واللى يحصل يحصل

♥نبع الغرام♥♪≈ يقول...

س : لو بالفعل قدرنا نقرأ افكار الاخرين دون سماع اصواتهم او اعترافتهم ياترى هنرتاح بجد ؟؟؟؟؟
س : ياترى لما نسمع نقد الاخريين لشخصيتنا وسبهم علينا ؟؟ هنعمل ايه

**********************

ج
انا شوفت الفيلم ده لميل جبسون لما كان فى شركه وبيفكر ازاى يعرض فكره لترويج حاجيات النساء

المهم يعنى طبعا صعب جدا لان البشر عقله ونفسه عباره عن عملية معقده جدا هو نفسه احيانا بيصرخ من افكاره
لا طبعا مستحيل يرتاح


وعلى فكره فيه ناس كتير عندها الحاسه دى وهى فى لغة الغرب الميتافزيقا
فى لغة الاسلام صاحب الفطره النقيه
من صدقت نيته يرى الافار والكلام بعيون الاخر وطبعا دى مشكلة تانيه صدقنى

هى كلمة انا متأكده منها علمك زاد فهمك زاد هتتعب اكتر
*****************

طوبه فضه وطوبه دهب يقول...
أزال المؤلف هذا التعليق.
غير معرف يقول...

انا احب كل شىءجميل واحب الناس بس بعض النس متستاهلش الحب لانها التفهم معنى الحب والاحساس

غير معرف يقول...

انا احب كل شىءجميل واحب الناس بس بعض النس متستاهلش الحب لانها التفهم معنى الحب والاحساس

ذو الوجه المبتسم يقول...

غير معروف

صحيح انك بتحبى كل الناس
ومعك ان البعض لا يقدر الحب بمعناه الحقيقي

لكن فيه شئ وبدون زعل

ابحث عن السبب او العيب

قد يكون العيب بك انت فى التعبير
او فى الاحساس نفسه
حاول تصحيح الاوضاع والاعتراف للطرف الاخر باحساسك وتفكيرك

واكيد هيكون فيه نوع من الوضوح والتفاهم اذا اردت ذلك

تقبل تحياتى

غير معرف يقول...

لما اقدر اقرأ الي ف عيون الناس حاتجنب الشر والكره الي جواهم تجاهي ومش حاحبهم واتعلق بيهم لدرجه اني اتصدم لما اعرف الي جواهم ولا حاديهم حاجات هما مش يستهلوها ولا حافضلهم علي نفسي وبعدين مهما كان مدي الجرح حايكون اهون من ان انا افضم مخدوعه فيهم طول العمر

غير معرف يقول...

فيها الايجابي وفيها السلبي ،، منها انك تصحح الاخطاء اللي بنفسك ، وتكون عندك خبره وتعرف عدوك من صديقك .

ومنها تعرف خصوصيات الناس وما اعتقد حتكون مرتاح ،، وممكن يخليك هذا الشيء متبلد الاحساس.

ذو الوجه المبتسم يقول...

فيها الايجابي وفيها السلبي ،، منها انك تصحح الاخطاء اللي بنفسك ، وتكون عندك خبره وتعرف عدوك من صديقك .

ومنها تعرف خصوصيات الناس وما اعتقد حتكون مرتاح ،، وممكن يخليك هذا الشيء متبلد الاحساس

متفق معك الى حد ما بشكل كبير

شكرا لمرورك على المدونة مع انى مش عارف انت مين
تحياتى لك