الخميس، 6 أغسطس 2009

نأسف للازعاج " المرأة وكرسي العرش بمجلس الشعب "

امبارح باللبل كنت قاعد قدام التليفزيون باتفرج على برنامج نأسف للازعاج للمذيعة المتمكنة منى الحسينى وكان معها ضيف وهو عضو مجلس الشعب وضيفة رئيسة جمعية المرأة فى مصر
المهم الموضوع كان ايه
عضوية المرأة بمجلس الشعب وتحديد 64 كرسي للمرأة
ياسلاااااااااااااااام
وايه المشكلة اعملووووووا اللى يريحكم
انا اول واحد اصفق لاى امرأة ناجحة بعملها ومتفوقة حتى لو اعلى منى بالمراتب الوظيفية والعلمية
لكن الكارثة مش فى كدة ... الكارثة موضوع العلمانية اللى طالعين فيها جديد
- هى مصر ممكن تكون دولة علمانية بجد ؟؟

هو صحيح العلمانية هى فصل الدين عن الدولة
هو ينفع الدين نفصله عن حياتنا
ماهى حياتنا هى ديننا وديننا هو حياتنا
طيب والجهات اللى بتمول الفكر العلمانى ده

هتستفيد ايه ؟؟؟؟؟؟؟

وايه يعنى
على بركة الله ..علمانية ...علمانية
الموضوع كبير قووووووووى
ومش هينفع الكلام فيه على الطاااااااااااير

ســـــــــؤال ؟؟
- هى حرية المرأة الحقيقية بتكمن في ايه ؟؟
- ياترى وصولها للمناصب العليا فى الحكم هتعمل بها ايه وهتوصلها لايه ؟؟؟؟
- هو ينفع للمرأة انها تشرع تشريعات ؟؟؟ يمكن ؟
- طيب دور المرأة اللى هتوصل لدرجة عالية بالحكم ؟ نظامها هيكون ازاى فى بيتها وزوجها واولادها ؟؟؟؟
- هى المرأة كانت بتعمل ايه فى عهد الرسول عليه الصلاة والسلام ؟
- هل لو نظرنا فعلا للمرأة ايام الرسول ده نسميه رجعية وتخلف ؟
- هو لازم يعنى التقليد الاعمى للغرب فى كل شئ ؟
- قال تعالى: {وقرن في بيوتكن ولا تبرجن تبرج الجاهلية الأولى وأقمن الصلاة وآتين الزكاة وأطعن الله ورسوله إنما يريد الله ليذهب عنكم الرجس أهل البيت ويطهركم تطهيرا}. هو شرح الآية الكريمة ايه بالضبط ؟؟

وفى الاخر باقول ان المرأة دي هى امى واختى وزوجتى وابنتى
واتمنى لها كل التقدم والتطوير والرقي
لكن فى حدود اللى ربنا شرعه لها

الصورة بتحكى عن نفسها ؟ الموافق على هذا الوضع يتفضل برفع يده

موافقوووووووووووون هههههههههههههههه

معلش هو بوست رخم شوية بس معلش فكرة وجت لى وقلت اكتبها

اهو بندردش شوية

49 التعليقات:

غير معرف يقول...

الحمد لله انى اكون اول تعليق
علشان اقولك كل سنة وانت طيب
وكل عام وانت الى الله اقرب
بالنسبة للبوست انا قرات ولى رحعة
بس مش عايزة يطير اول تعليق
اقصد اول تهنئة

ذو الوجه المبتسم يقول...

اختى ام مالك

اشكرك على التهنئة
وكل سنة وانتى طيبة بمناسبة شهر رمضان الكريم
وان شاء الله نشوفك على عرفات السنة دي

غير معرف يقول...

طبعا ياستاذ ناجى المراة لها دور فعال
وهى الام والاخت والابنة والعمة والخالة
ولكن لهثها وراء المنصب
ليس هذا من ادوارها فنحن فى الحياة
لتحقيق ماامرنا به الله من طاعات حتى ننال سعادة الدارين
فاى سعادة فى خروجها المتكرر ومخلاطتها
بالرجال ولو تحقق لها المناصب
فهى بتتخلى عن دورها الاساسى وتتركه
للخدم وخلافه يقومون به
دين اقر للمراة كل العزة بالقرار
فى البيت والا تكون خراجة ولاجة
ان تكون هى الراعية لاسرتها
الا تكون مصدر للفتنة وهذه المناصب
تتطلب بروتوكلات معينة فى التعامل
يمكن كثير يتهم الراى ده بالتشدد
ولكن هذا ماامرنا بيه الله ورسوله
وماكان لنا الخيرة من امرنا
وده للى عاوز جنة وسعادة فى الدار الاخرة واللى عوزة دنيا زائلة
فلتلهث وراء ماتلهث
وسيكون كل ماتقوم به هباءا منثورا
اسفة على الاطالة ولكن هذا الموضوع
مهم وفيه الكثير من الكلام

ذو الوجه المبتسم يقول...

اختى ام مالك

بصراحة تعليقك متميز جدا
وبجد انه يكون اول تعليق بالشكل وبالفكر ده
ربنا يبارك فيكى

♥نبع الغرام♥♪≈ يقول...

مساء السكر ياسكر


اخبارك ايه يارب تكون تمام وكده وبتاع

وكل سنه وانت طيوب ياقمرى

هههههههههههههههههههههههههههه


بقولك بلاش انت تتكلم عن المرأه
هههه
ياناس ياشر كفايه ار

احنا اللى دهنا الهوا ديكو ياعم وان شاء الله قاعدين على قلوبكم وهنحكم البلد والرجاله هتربى العيال واحنا احنا ولا ذى ذى

ههههههههههههههههههههههههههههههههههه

ليس فقيرا من يحب يقول...

السلام عليكم

ازى حضرتك يا استاذ ناجى

وكل سنه وحضرتك طيب للمرة التانيه

بمناسبه عيدميلادك والنصف من شعبان

بالنسبه لموضوع حضرتك النهارده

انا شايفه ان نحاح المرأة الحقيقى

ينحصر فى رعايتها لاسرتها ورضا زوجها

واعلى منصب ممكن توصله هيا انها تكون

ام صالحه وتخرج شباب صالح يدعيلها لماتموت

وينفع الناس

طبعا ممكن الواحده تشتغل عادى بطريقه

متجيش على دينها ولا بيتها

بس ميكونشى كل همها مناصب كلها

زايله

تقبل تحياتى
فى حفظ الله

ذو الوجه المبتسم يقول...

عاشقة الاحزان .. ايناس
اختى الصغيرة

عارفة امتى ممكن تحكم الست مصر
اولا لما تغيري اسم مدونتك دي
وتفكى التكشيرة اللى على وشك
ايوووووووووه كده .. شطورة

وبعدين يا ستى من البوست اللى فات كان فيه عفريت والراجل قال لك تحت امرك اطلبى اللى تتمنيه

مطلبتيش تكونى رئيسة وزراء ليه
ههههههههههههههههههه
شكلك بترسمى على الرياسة نفسها يا اروبة

تحياتى لك

ذو الوجه المبتسم يقول...

ليس فقيرا من يحب
دايما منورة مندوتي اللى هى مدونتك طبعا
باكون سعيد بجد لما باشوف تعليقك
وتعليقك على الكلام مميز ويستحق كل تقدير واحترام

وعلى فكرة عاوز اقول شئ مهم لاى صديق او صديقة بيعلق على كلامى
انا باكتب بهدف الاستفادة من الموضوعات
وليس مجرد كلمات عابرة

اتمنى انك تنورى المدونة باستمرار
حجز 24 ساعة باليوم ههههههه

تقبلى تحياتى واحتراماتى

مي يقول...

ازيك يا ناجى كل سنة وانت بخير
انا راى ان المرأه مينفعش تحكم لانها العواطف هى اللى بتحكمها دى فطرة فيها وانا شايفة ان المرأه عملها الحقيقى لاسرتها ولاطفالها بس
د وجهة نظرى
تحياتى ليك يا مبدع

غير معرف يقول...

انا عمري ما فكرت اشتغل خالص لانه نجاحي الحقيقي هو رضى ربي ورضى زوجي و الاهتمام بمسئوليات البيت

لكن طبعا مش ضد العمل الي عاوزة او محتاجة تشتغل مفيهاش حاجة لكن تراعي ربنا وتشتغل عشان لقمة العيش ومفيش داعي تنافس الرجالة عالمناصب الي ملهاش فيها و تحافظ على انوثتها لانه في ستات شوية وتلاقي طلعلها شنب هههههههههههههه من كتر ما بتنسى نفسها وانوثتها بالشغل والجري ورا مناصب تخص الرجل فقط

من الاخر كدا والله مش عارفة الستات دول عاوزين ايه :]

شكلهم عاوزين يحكموا البلد فعلا هههههههههههههههههه

بس مش ملاحظ ياخويا انك هالفترة حاططنا بدماغك :]

خد بالك من نفسك بلاش تلاقي جمعية المراة المتوحشة شنت الحرب عليك وطلعت رووحك ههههههههههههههههههههههههههه

تستاهل طبعا وانا اول وحدة هشمت فيك

اهوووووووووووو :]

ههههههههههههههههههه

وكل سنة وانت طيب من هنا للسنة الجاية :)

تحياتي

محمد المصرى يقول...

اذا قولت بوست رخم تانى هتبقى بزعلة

موضوع شائك

العلمانية ماهى الا وباء اصاب قلوب العرب

عزيزى اقسم بالله لولا الدين ماقامت حضارة مثل الاسلام

الرجعية والتخلف تتمثل فى البعد عن الدين

والله ماجعلنا فى ذيل الامم الا البعد عن الدين

وبالنسبة للمراة اقسم انى مارايت ارقى من نساء عهد الدين الاول

ومااظن انهن رجعيين

عزيزى موضوع رائع

ربنا يوفقك

مصرى دائما

fL0weR-giRL يقول...

السلام عليكم
***************
بصراحه انا ماليش في المواضيع دي ومبحبش اتفرج علي متل ها الأشياء

بس قلت ادخل اسلم

كيفك

*** تقبل مروري **

ذو الوجه المبتسم يقول...

مي

اشكرك على التهنئة وكل سنة وانتى طيبة
نورتى المدونة
ووجهة نظرك تمام

تحياتى لك

ذو الوجه المبتسم يقول...

نوارة
هلا اختى الصغيرة

من الاخر كدا والله مش عارفة الستات دول عاوزين ايه :]

شكلهم عاوزين يحكموا البلد فعلا هههههههههههههههههه

تعليق مميز
بس قولى لى هو انتى مش من ضمن الستات دول ولا ايه مش عاوزة تحكمى ولو حتة صغنونة فى البلد ههههههههههه

الفترة دي مش حاططكم فى دماغة ولا حاجة والله
بس هي بتيجى كده

ماهو انتم اللى بتجبوه لنفسكم يا ستات
متقلقيش على اخوكى ... جامد
حتى لو جمعية المرأة شنت مليون حرب
احنا رجالة وقدها قووووى

تحياتى لك

ذو الوجه المبتسم يقول...

لنحيا فى اجواء الحب

ازيك يا برنس
نورت المدونة
تعليق مميز من رجل ذو فكر عالي
بس خلى بالك وقت الجد اوعى تجري وتسيبنى
ههههههههههههههه

تحياتى لك اخى الفاضل

ذو الوجه المبتسم يقول...

fL0weR-giRL

انتى تشرفى وتنورى باي وقت

انا كمان مليش فى المواضيع دي

بس اهو بنفضفض هههههههههه

تحياتى لك

نهر الحب يقول...

ههههههههههههه
الفكرة جميلة ومن حق أى فرد إنه يعبر على اللى حاسه,يسلم قلمك وكتاباتك

كل سنة وانت طيب وبخير

تقبل مرورى

خالص تحياتى

نهر الحب

نهر الحب يقول...
أزال أحد مشرفي المدونة هذا التعليق.
وردة يقول...

انا لسه عند رأيي
المرأة مكانها بيتها نجاحها بين اسرتها
مهما اخدت شهادات واعتلي اكبر لمناصب حيفضل نجاحها الاساسي
في بيتها
انا مش ضد عمل المرأة لاني ببساطة بشتغل
بس تشتغل في ايه واولوياتها ايه
هي ديه النقطة
انا ضد اي تساوي للمرأة مع الرجل غير فيما شرع الله عز وجل
بصراحة اكتر ان ضد جمعيات حقوق لمرأة
ورزقي علي الله
سلام

sweet angel يقول...

السلام عليكم
------------

ده أول مرور ليا بمدونتك الجميله

والموضوع كمان جميل

ووجهة نظري المتواضعه

ان المرأة الي هي الأم والاخت والزوجه والابنه

دورها لا ينحصر فقط في عملها داخل المنزل
كما انها ليس من المفروض ان تقوم باعمال الرجال اصلح للقيام بها
يعني مثلا لما نلاقي بنت بتلعب مصارعه
دي حاجه تدعو للاشمئزاز
لما نلاقي بنت رايحه جايه بين الرجاله في أي منصب من المناصب الي بتحتاج تفرغ تام
يبقى دي كمان حاجه تضايق
وفي نفس الوقت لما نلاقي أم قاعده في البيت
متعرفش تستعمل الموبايل ولا الكمبيوتر
ولو سألتها ابنك فين الساعه 3 الفجر
تقولك بيذاكر عند صاحبه ربنا ينجحهم يارب
ههههههه
دي كمان حاجه تدعو للشفقه

لكن المرأه الحقيقيه
هي التي تدير شؤون بيتها بذكاء
وكذلك تواكب التقدم
كما تخرج لمجال العمل
الذي بالضروره لا يجعلها تهمل شئون أسرتها

كفايه كده
أنا طولت عليك في أول تعليق
ده رأي متواضع

تقبل مروري
خالص تحياتي لك

ذو الوجه المبتسم يقول...

نهر الحب

نورتى المدونة
وباكرر كلامك
ومن حق أى فرد إنه يعبر على اللى حاسه

تحياتى لك

ذو الوجه المبتسم يقول...

وردة

نورتينى يا بشمهندسة

شكرا لتعليقك المنطقي الجميل

تقبلى تحياتى

ذو الوجه المبتسم يقول...

sweet angel

نورتى المدونة

انتى تطولى برحتك طبعا دى مدونتك

تعليقك مميز ومفيد لستات كتير

بانتظار تكرار الزيارة مش مرة واحدة بل مليلون مرة هههههههه

تقبلى تحياتى

كتكوته يقول...

انا شوفت الحلقه دي من البرنامج بس اللي خنقني لا الموضوع ولا حاجه ....لكن طريقتهم في الحوار كان مستفذه اوي بجد...كلها صوت عالي ..........اما عن الموضوع نفسه انا طبعا مع المرءه ومش شايفه ابدا انه تطورها ورقيها ممكن يسبب اي مشكله لكن ان يكون في حدود اولها دينا وثانيا بيتها ...يعني طول ما هي عارفه توفق بين كل ده ...يبقى منقدرش نحكم عليها متشتغلش ولا تتطور ......المهم بقى البوست عجبني اوي
تحياتي لك

كتكوته يقول...

انا شوفت الحلقه دي من البرنامج بس اللي خنقني لا الموضوع ولا حاجه ....لكن طريقتهم في الحوار كان مستفذه اوي بجد...كلها صوت عالي ..........اما عن الموضوع نفسه انا طبعا مع المرءه ومش شايفه ابدا انه تطورها ورقيها ممكن يسبب اي مشكله لكن ان يكون في حدود اولها دينا وثانيا بيتها ...يعني طول ما هي عارفه توفق بين كل ده ...يبقى منقدرش نحكم عليها متشتغلش ولا تتطور ......المهم بقى البوست عجبني اوي
تحياتي لك

كتكوته يقول...
أزال المؤلف هذا التعليق.
لاسع افندى يقول...

طيب مانجرب!!!!!!!!!


تحياتى اللاسعه

ذو الوجه المبتسم يقول...

كتكوتة
اهلا بك .. نورتى المدونة

كويس انك شفتى البرنامج
بينى وبينك انا كمان كنت قاعد متضايق من اسلوب الحاور
وبخاصة ان منى الحسينى اسلوبها بالرغم انه حلو لكنه استفزازى
وبعدين الاثنين كانو على الراجل ههههه
وحظهم الحلو انه كان ماسك اعصابه بالرغم انه صعيدي

يعنى كان ممكن يقوم يضرب على طول هههه

مفيش مانع من تطور ورقي المرأة لكن بحدود الدين مش بالشكل اللى بعض الستات عاوزاه ده

تحياتى

ذو الوجه المبتسم يقول...

لاسع
نورت المكان

نجرب ونشوف

تحياتى

حياتى نغم يقول...

السلام عليكم /

جزاك الله خيراً على اهتمامك بالموضوع .

رأيى مثل أغلب المعلقين فعلاً دور المرأة

الأساسى والأهم هو بيتها وأبنائها

ولكن إذا كانت المرأة ناجحه فى هذا

الدور ولديها ما يؤهلها لدور سياسى

بارز وعندها الوقت والقدرة والإرادة

فما المانع من قيامها بهذا الأمر .

تحياتى وتقديرى .

صدى الصمت - عاشقة الورد - يقول...

هوه فعلاً موضوع شائك ومهم جداً
أنا عن نفسى برغم إنى مرأة عاملة ولكنى بأشوف إن خروج المرأة من بيتها وبهدلتها فى المواصلات والشغل ورجوعها هلكانة للبيت تحاول تخلص مهمها فى البيت وتنام مش قادرة تنطق
كل دة إهدار لها ولصحتها وبيتها وظلم لزوجها وأولادها
لأنها مش هتقدر توازن بينهم ولو قدرت هيكون دة على حسابها هية
لكن لو المرأة متفرغة وأولادها تزوجوا أو كانت ليس لديها أولاد أو زوج فلامانع إنها تتقلد أعلى المناصب وأكيد هتحقق فيها نجاحات
أما موضوع العلمانية وفصل الدين عن الحياة اليومية ف دة شىء مرفوض ومش منطقى إطلاقاً
تحياتى

زهور الامل يقول...

وبما انك متحامل على المراة شويتين بس ما علينا انا فعلا معاك في رايك وكلامك هههههههههههههه
الست فعلا تقدر تحقق اكبر انجاز واعلى المناصب والانتاج بس في بيتها ولولادها وجوزها وانها تطلع جيل صالح

مفيش مانع انها برضو تشتغل وتثبت وجودها علشان مخها مايصديش بس شغل مايبعدهاش عن بيتها واولادها

لكن الستات اللي بيجروا ورا المناصب العليا واللي هتبعدهم بلا شك عن بيوتهم دول انا مش معاهم خالص واكيد هيكونوا فاشلين في بيوتهم وحياتهم الخاصة

انت تطرقت لموضوع جامد جدا وجميل اهنيك عليه

تقبل مروري
تحياتي

ذو الوجه المبتسم يقول...

حياتى نغم
نورتى المدونة لاول مرة
وان شاء الله تكررى الزيارة كتيرررر

مفيش مانع الست تعمل كل اللى هى عاوزاه وتوصل لاعلىالمراتب بجد
لكن فى حدود الدين والشرع

تقبلى تحياتى

ذو الوجه المبتسم يقول...

صدي الصمت - عاشقة الورد

نورتى المكان

تعليق مميز ومنطقي جدا

تعرفى انا دايما باقول لام عبدالرحمن عاوزك تعملى ماجستير وبعدها الدكتوراه
تقول وهاعمل ايه بده المهم عندى اكون ناجحة فى بيتى وتربية اولادي

وعلى فكرة هى مثقفة جدا

تحياتى لك

ذو الوجه المبتسم يقول...

زهور الامل
نورتى المدونة
تعليق مميز
والله مش متحامل ولا شئ
بس انا باحب الوضع الطبيعي يكون موجود

وباتمنى والله ان المرأة توصلى لاعلى المراتب

تقبلى تحياتى

mahasen saber يقول...

امممممممممم البوست ده عايزله فنجان قهوه معتبر وااقعد اجاوبلك على تساؤلاتك

الهم كل سنه وانتا بالف خير

انا كنت اول امبارح معديه من بلبيس من جوه وافتكرتك علطول فضلت ااقول يا ترى فيه مدونيين مبن من بلبيس غير ذو الوجه المبتسم

يا ترى فيه مين غيره

لو عرفت قلى
ممكن

ذو الوجه المبتسم يقول...

mahasen saber

اهلا بك اختى الصغيرة
اشربى القهوة برحتك وتعالى
قولى كل اللى انتى عاوزاه
وبدون تردد

تقبلى تحياتى

طوبه فضه وطوبه دهب يقول...

dardash dardsh wala yhmk el mraa leha dor awlan wakhern lo angzto t3ml aly yre7ha b3do lakn ttnazl 3ano 3shan 7agat kter malhash ay ayma yba da el ghalt b3eno tslm aydak mwdo3 gamel

ذو الوجه المبتسم يقول...

طوبة دهب وطوبة فضة
نورتى المدونة
كلامك تمام
بس تفتكرى بجد الستات دى هتسمع الكلام ولا هتستمر فى الحرب اللى اعلنتها

تحياتى اختى الصغيرة

غير معرف يقول...

على فكرة يااستاذ ناجى
ليك سؤال عندى فى المدونة
ياريت تدخل تجاوب عليه

هــــــــــــايدي يقول...

السلام عليكم ورحمه اللهوبركاته
ازيك عامل ايه
يارب تكون بخير
سامحنى على تقصيرى بس انا بعوض كل اللى يفوتنى
الموضوعين اللى فاتوا كانوا جما اوى
والموضوع اللى قبل كدا مرتبط ببتاع النهارده
العلمانيه وامريكا وجهان لعمله واحده
اول حاجه فكره انى اعمل مجموعه كراسى لمجموعه من النسا فى المجلس بجد فكره متخلف وضد الديمقراطيه لان كدا انا اللى بحدد وبختار
انت بتسال عن العلمانيه اى دوله عاوزه تحاب مصر لازم تلعب على حته الدين احنا يمكن مش بنفذ دينا اوى وبنبعد عنه بس انتت عندك شك ان جواه كل حد مننا بجد
حب لدينا وتمسكنا فيه بطلع كدا فى مواقف معينه
ودا هو اللى بيدينا الشكل والكيان بتاعنا فلو عاوز تغير الكيان دا العب على حته الدين
شايفه ان الست فى بيتها ولو خرجت يكون بيتها برده رقم واحد قبل اى حاجه
لان موضوع رامى وساره مش كانت فى ام فى البت والا كانت عرفت تربى ولادها

هــــــــــــايدي يقول...

نسيت اقولك كل سنه وانت طيب علشان النصف من شعبان اللى عدى وكمان علشان رمضان الللى جاى
فين الفانوس بئى

غير معرف يقول...

mobtasem basha:
yabnty princes diana was a woman,7athsbsot kan set,gehan el sadat
akeed el set hatkon leha door keber awy fel fatra el gaya 3ala mostawa el 3alam
bravo 3alena waklenha wal3a
neyahaha
ta7eyaty

دعاء عويضه يقول...

السلام عليكم

انا اسفه جدا على التاخير بس ماكنش بايدي كنت مشغولة شوية

المفروض المراه ماتتحطش في دور او منصب الا اذا كانت بجد مخها ذري و مخها بميت راجل او الشغلانه دي ماتنفعش يمسكها غير واحده ست و برده لازم تعرف توفق بين الشغل و بيتها و اولادها
غير كده مالهاش لازمة خالص تسيب بيتها و اولادها مفتقدنها

لانها مهما عملت مع اولادها برده هيكون عندهم نقص في حنان الام و مراعتها ليهم

و ايام الرسول عليه افضل الصلات و السلام ده كان دور المراه المكان اللي ماينفعش فيه راجل
ودي مش رجعية ولا تخلف بالعكس قمة التخلف اللي بنشوفه دلوقتي
وكل شوية الحقوا المراه حوشوا المراه...

و الله انا عن نفسي كمراه يعني مش شايفه ان فيه حاجه نقصانا علشان الهوجه دي هههههههههههه

تمنياتي ليك بالتوفيق

دعاء عويضه يقول...
أزال المؤلف هذا التعليق.
ذو الوجه المبتسم يقول...

اختى الكبيرة ام مالك
انا دخلت امبارح ورديت على السؤال

كل سنة وانتى طيبة

اتمنى ان شاء الله احضر معكم لقاء قريب

ذو الوجه المبتسم يقول...

اختى الدكتورة هايدي

نورتى المكان

اتعودت على تاخيرك بس كانك موجودة والله
دايما بانتظر تعليقك

كل سنة وانتى طيب

ذو الوجه المبتسم يقول...

sally
نورتى المدونة

تعليق مميز وجميل

بس ليه مش تكتبى حروف عربي احسن
شكلها الكي بورد عندك متأمركة ههههه
بالامريكانى يعنى

تقبلى تحياتى

ذو الوجه المبتسم يقول...

dodoo
نورتى المكان والمدونة
تعليقك مميز

الشغلانه دي ماتنفعش يمسكها غير واحده ست و برده لازم تعرف توفق بين الشغل و بيتها و اولادها

انتى تقصدى الست اللى تمسك الشغلانة ولا متنفعش تمسكها هههههههههه

تحياتى لك