الاثنين، 19 أبريل 2010

مستر فتحى - المشرف

من كم يوم الاخوة بيفكرونى بحكاية مستر فتحى
اول ما جيت الشغل هنا بالمدارس كان فيه واحد اسمة الاستاذ فتحى
وكان ماسك النشاط المدرسي والاشراف زيي مدرسيين مصر كده
انا قعدت معه اسبوع واحد بس وبعدها للاسف مشيى هو من المدرسة او بالاصح الادارة مشته
الموقف الكوميدي اللى الاخوة بيحكوا لى عنه
مستر فتحى كان بيشرف فى يوم على المدرسة والمبانى بتعتها والاثاث وكل شئ فيها
وطلع فوق السطوح يستكشف احوال النظافة فوق
وكان فيه غرفة فوق السطوح
فتحى وهو فوق سمع اصوات غريبة
قرب من الغرفة على طرطيف صوابعه
وحط ودانه على باب الغرفة
واذا به يسمع
ااااه
وحاجات من دي ههههه
فتحى تنح
وفجأة فتح الباب
لقى واحد ووحدة فى وضع مخل بالاداب
هههههههههههه
فتحى صرخ وقال
اقفشتكم
هاتوووووووووووا الشرطة
النيابة
البوليس
الناس طلعت فوق تشوف فيه ايه
لقت فتحى ماسكهم متلبسين بالجريمة
الزملاء قالو له ياعم عم فتحى
حرام عليك
ايه اللى انت بتعمله ده
ده شيتو
ودي ايفا
فتحى : مين شيتو وايفا دول
انا مليش دعوة
انا لازم ابلغ الشرطة
يا فتحى ده شيتو السواق هنا بالمدرسة
وايفا دي مراته
وساكنين بالغرفة دي
ايه اللى يخليك انت تطلع هنا اصلا
فتحى تنح تانى
وقال شيتو ومراته
برده مليش دعوة
اللى بيعملوه ده غلط
ازاى يعملوا كده وقت الدوام
المهم هدوا عمنا فتحى واخدوه للمدير
المدير فهمه القصة ونبه عليه ميطلعش فوق تانى
حتى لو سمع اصوات اغرب من كده ههههههههههه
الموقف ده هدية لمستر احمد حبيبي بامريكا
طبعا انت عارف اللى حصل كله

15 التعليقات:

صيدلانيه طالعه نازله يقول...

يعنى احنا نعلق و لا نسيب البوست لصاحب نصيبه
هههههههههههههههههه

بس تحفه حكايه شيتو و ايفا دى
مسخره

ذو الوجه المبتسم يقول...

ازيك يا دكتورة

اخبارك ايه

نورتى المدونة

مسخرة مسخرة بس شيتو وايفا يعيشوووو هههه

تحياتى لك

إمرأه من ثلج يقول...

صباح الخير

اصحى بدرى عن كدة اة علشان ابقى تعليق اول يلا مش مشملة

ويام فى المدارس من بلاوى بس نادر لما نلاقى زى مستر فتحى لسة خايف على النظام تحياتى

ذو الوجه المبتسم يقول...

امرأة من ثلج

نورتينى

الموضوع مش موضوع بلاوي بس

فيه حاجات بتدل على عدم ضمير

زي بيع امتحانات للطلبة والغش اللى بنشوفه
والسرقة
حاجات كتير

الحمد لله مدرستنا هنا مفيش فيها حاجة من دي هههههههه

تحياتى لك

♥نبع الغرام♥♪≈ يقول...

هو لسه فى حد كده


كويس ان لسه فى ناس عندها ضضمير


اخبارك ايه يارب تكوون بخير
ياريت متزعلش منى

ازمه وهتعدى
دعواتك يا باشا

زهور الامل يقول...

هههههههههههههههه والله مستر فتحي ده عسل

والبوست دمه خفيف

تحياتي

Remas يقول...

ازيك يا استاذ ناجى

عسول اوى البوست دا

ههههههههههه

بس مستر فتحى دا بجد حد محترم

هو حضرتك في السعودية ؟

مهموهة أحمد يقول...

استاذ ناجي بجد و الله ليك وحشة كبيرة
و انا بقول مالك مش بقيت بتكلمنا ليه ؟؟
انت زعلان و لا ايه ؟؟
و لو ان على حسب ما افتكر ما حصلش اي حاجة يعني
بس انا قلت اسال يمكن غلطت في حاجة
عموما ربنا يسهل و ما يكونش فيه زعل يا رب

شكرا على البوست الجميل ده و فعلا موقف مضحك اوي اوي
و سلامي لشيتو و ايفا

و مستر فتحي
و فعلا ما حبكتش يعني وقت الدوام على رايه ؟؟؟
ههههههههههههههههههههههههههه
كل واحد ليه دنيا و تفكير غير كل الناس

يللا ربنا يهدي الجميع يا رب

خالص تحياتي و تقديري لشخصك الكريم

ذو الوجه المبتسم يقول...

الملاك الحزين

نورتينى

انا مقدرش ازعل من اختى الصغيرة

بس ابقي طمنينى عليكي لما تروقي

تحياتى

ذو الوجه المبتسم يقول...

زهور الامل

عطرتى المدونة بعطرك

مستر فتحى عسل بس خسارة مكملش فى المدرسة اكتر من شهر واترفد

ذو الوجه المبتسم يقول...

ازيك يا reem

والله لك وحشة

انا عارف انى مقصر فى زيارتى لك ولك الاصدقاء

بس والله غصب عنى مشغول جدا فى العمل

انا ياستى فى مدينة الرياض بالسعودية

وباشتغل مدير مالى لمدارس عالمية

لو تحبي تشتغلى مدرسة

تحياتى لك
وان شاء الله هاحاول متاخرش تانى

ذو الوجه المبتسم يقول...

مهموهة

ازيك يا جميل

باكرر اسفي لقلة زيارتى لك

بس والله غصب عنى علشان الشغل

انتى عارفة معزتك عندى

ان شاء الله لنا لقاء قريب

تحياتى لك

كلمات من نور يقول...

والإدارة في الآخر مشته........عادي

ذو الوجه المبتسم يقول...

كلمات من نور

نورتينى

على فكرة الادارة مشته مش بسبب الموقف ده

مشته لانه حسب ما عرفت انه وعد بعمل اشياء وتطور وللاسف اتضح انه مفيش
كل كلام فى الهوا

انا حضرت اجتماع الادارة لاتخاذ قرار رفده
الموضوع طويل
احكيه بعدين

تحياتى لك

assafo anaroze يقول...

يسعد صباحك
حكاية خفيفة اوي و رائعة استمتعت بخفتها و ضحكت على رذالة مستر فتحي
مودتي