الخميس، 30 يوليو 2009

من الحياة ( كما تدين .. تدان )

رامي وسارة
ابناء لرجل وامرأة من الطبقة العليا . اقصد الطبقة الغنية يعنى
من صغرهم اتربوا على الدلع والتدليل واللى بيطلبوه بيلاقوه
رامى شاب وسيم وجذاب عمره 23 سنة وعنده اصدقاء كتير من الشباب والبنات
بيعمل اللى هو عاوزه بالوقت اللى هو عاوزه
والفترة دى فترة السنة النهائية باحدى كليات القمة
تبدأ قصته عندما كان طفل والدلع والتدليل وكل ما يتمناه اى طفل فى الحياة كان يجد الا شئ واحد وهو اهم شئ حنان الام والاب ونظرا لان بعض الناس بالطبقات العليا لا تنظر الا للماديات والترف واللهو فكان هذا نصيب رامي واخته الاهمال المعنوى وليس المادى
فى اخر سنة بالجامعة تعرف رامي على بعض الاصدقاء الذين معه بالجامعة وكان يذهب للسهر معهم والترف واللهو .. وخطوة خطوة بدء يشرب السجائر وبعدها الخمور والويسكي وبعدها ممارسة الرزيلة مع بعض فتيات الليل والشوارع اللواتى لا يهمهن الا المال ، وكذلك بعض فتيات الجامعة .. وذات يوما اتصل اصدقاء رامى به وعزموه على سهرة حمرا كما يسمونها والمفاجأة ان فيه عضوة جديدة معهم بالشلة وبالفعل ذهب رامى الى وقر السهرات وكان باستقباله ثلاث من اصدقائه والرابع بداخل الغرفة ومعه العضوة الجديدة يمارس معها الرزيلة وبدء رامي بالشرب والمرح واللهو والضحك وانتظار دوره وكان الاتفاق معه على انه يكون اخر واحد يدخل على العضوة الجديدة لانه اخر واحد وصل وبالفعل تم الاتفاق ، دخل اصدقاء ومارسوا معها وجاء الدور على رامي فدخل كالاسد الجائع الذي يريد التهام فريسته دخل الغرفة بسرعة وقفل الباب ولم يري وجه الفتاة التى ارهقت مع الاربعة السابقين وكان هو الاخير
وبدء بالتحدث اليها ولكن المفاجأة عندما سمع الصوت ورأى الوجه خرج من الغرفة مسرعا ليلقي بنفسه من شباك الدور العاشر ليقع صريعا
والسؤال هنا ؟
- لماذا القي رامي بنفسه من الشباك ؟
- ومن هو السبب الرئيسي لانتحار رامى ؟
- وما هو الحل بعد معرفة الحقيقة ؟

18 التعليقات:

ليس فقيرا من يحب يقول...

السلام عليكم

انا هاحجز بس اول تعليق وهاقرى
وارجع اعلق

وردة يقول...

اكيد لقي البنت اخته سارة
مفيش غير الجملة اللي بأت بها البوست
"كما تدين تدان"
اعوذ بالله
لو كل واحد فكر ولو لحظة انو حيحصل فيه نفس الل بيعمله
حنصلح من احوالنا
والعيب الاساسي هنا علي العيلة الي فكرت ان ساعده اولاها في تحيقي رغباتهم الماية فقط
لا حول ولا قوة الا بالله

ليس فقيرا من يحب يقول...

لا حول ولاقوة الا بالله

اكيد رامى لقى ان الفتاه دى هيا اخته

لاحول ولاقوة الا بالله فعلا كما تدين تدان

والسبب تربيه عقيمه وتدليل واصدقاء

سوء وضعف الوازع الدينى ومشاكل ترسبت

فى 23سنه وحاجات كتير

الحل ان سارة ترجع تتوب لربنا

ان الله يغفر الذنوب جميعا

لا حول ولا قوة الا بالله

♥نبع الغرام♥♪≈ يقول...

اعوز بالله وحسبى الله ونعمه الوكيل

يا ابن ادام افعل كما شئت فكما تدين تدان

طبعآ ومن غير تفكير هو عمل كده لانه شاف اخته هى اللى موجوده فى الشقه وبالسهره دى طبعآ وبدون نقاش

السبب الاهل والمال السايب والترفيه اللى عايش فيه يااااااااااااااه

فعلا كل شىء بالدنيا دى سلف ودين

الحل ان الاب والام يشوفو ليه بعدو عن ولادهم وخلوهم يوصلو لكده
ربنا يهدى الجميع

تحياتى

♥نبع الغرام♥♪≈ يقول...

اه على فكره انا عندى ليك سؤال

ابقا ادخل مدونتى واهتم زى ما بدخل عندك

النت عندى مش كويس اليومين دول

السؤال فى انتظارك ولو مالكش رغبه اوكى مافيش مانع
تحياتى

مي يقول...

يااااااااااه فعلا كما تدين تدان ربنا مش بيسيب
اكيد كانت اخته ماهو التربية الغلط اخرتها كده الفلوس والدلع الزايد والاهمال من الاهل
لا حول ولا قوةالا بالله
تحياتى ليك

بنجاواتى يقول...

السلام عليكم

واضح جدا انه لقى ان اللى فى انتظاره هى اخته

كما تدين تدان

والحل بيكون فى التربية اللى هى اهم من اى شئ

تحياتى

ستيتة يقول...

الله انت كنت معي انا وصديق يروي لي نفس القصة؟
حدثت معه بحذافيرها
بس اللي دخل قبله اخو البنت وده بعد سبعة تمانية بالصلاة ع النبي
وربنا لطف ومحدش مات

وحسب رواية الصديق ان هذا الأخ كان الأكثر تفاخرا دوما بمعرفة بنات الناس وممارسة كل فاحشة معهم
وروايات غزواته مستمرة من الإعدادي

وحقيقة يا ناجي لا هي بالطبقة العليا ولا الدنيا

ابو صديقي قال له كلمة واحدة وخلته لم يذهب الى اي اجتماع زي ده تاني وخلته لا يستفذ من اصدقاءه من جنود ابليس مرة اخرى

افعل يابن ادم ما شئت فكما تدين تدان

لك اخوات وشوف عاوز تشوف فيهم ايه

هي كده خلصت

غير معرف يقول...

لا حول ولا قوة الا بالله

انقهرت وربي ايه البنات دي مصنوعة من ايه

ربنا يهدي بنات وشباب المسلمين

هلكككانة عالاخر ومش لاقية كلام اقوله بجد

تحياتي

سمسم/سما يقول...

السلام عليكم
ربنا يجزيك كل خير
بس يا ريت بعض الشباب والبنات الي معندوش اخلاق يتعلم ويتوب والناس الي بتربي متربي اولادها عالحق بقى
والله الاسلام الحقيقي هو دين الحق والكرامة
لو كان متربي كويس مكنش حصل الي حل
وكل واحد بيعمل كده اكيد لسى باب التوبة مفترح يلحقو

Unknown يقول...

صدر العدد السابع عشر من مجلة رؤية مصرية بالمفاجأة القوية الجديدة .. تصميم وبرمجة مختلفين تماما ليواكبوا نجاحات المجلة ويتفقوا مع مادتها وأقلامها
دعوة خاصة مني أنا رئيس تحرير المجلة لزيارة المجلة والتفاعل معنا فيها وإبداء آرائكم .. سجل عضويتك وارسل مشاركتك .. معنا فؤيق كامل من المحررين والصحفيين يقومون لكل أعباء المجلة لتخرج لكم في أبهى صورة وأجمل منظر
ننتظر تشريفكم
دمتم بخير
إبراهيم العدوي

اعشق فى الليل ضوء القمر يقول...

الموضوع ده حقيقى ولا لأ
يا ستير يارب
ربنا يسترها علينا و أقاربنا

mimi يقول...

عروستي

mimi يقول...

لا تزر وازرة وزر أخري

ولا إيه؟

(green eyes) يقول...

اكيد طبعا طلعت اخته للأسف
مش عارفة اقول للأسف انها اخته ولا للأسف على ما وصل اليه رامي !!!
طبعا للأسف على الاتنين

حاسه ان الدين هو العمود الفقري في اي بيت مسلم يعني مهما وصل الدلع والتدليل لحد كبير ...الدين هو الاساس اللي بيظبط امور الدنيا كلها

هو فعلا كما تدين تدان ولكن كم منا يأخذ بتلك المقوله

سعيده اني زورت وتعرفت على المدونة بتاعتك ولنبقى على تواصل

تقبل مروري

dodoo يقول...

السلام عليكم

واضح طبعا انه لقى العضو الجديد دي هيا اخته
و كان لازم ينتحر.. لو ما كنش انتحر يبقا بصراحه ما بيحسش

و سبحان الله كما تدين تدان

وعلى فكرة وانا صغيرة سمعت قصه زي دي بس الفرق ان الولد اشترك مع اصحابه في خطف بنات عفيفات واغتصابهم

وفي مرة اصحابه اتصلوا عليه و قالوله احنا خطفنا بنت ورغم انك ما اشتركتش معانا المرة دي بس احنا حجزنالك نصيبك

وبعد ما وصل كان هو طبعا اخر واحد برده اتفاجئ بانها اخته

وزي ما عمل في بنات عفيفات مالهمش في الحرام اتعمل في اخته

ربنا يعافينا و يعفو عنا ... اللهم امين

انا اسفه اني طولت عليك

بس بجد ما شاء الله كتابتك جميلة جدا و بتشد اي حد

غير معرف يقول...

سمعت هذه القصة للشيخ المعروف محمد الصاوى
على شريط من شرائطه
غفلة الاهل وغياب الدين والاخلاق
والتفكك الاسرى
كل هذا من الاسباب
والحل رجوع الاحتواء للبيت عدم الغفلة
عن الابناء وصداقتهم فى السن الحرجة
وان يكون الام والاب قدوة لهم
اللهم ارحمنا برحمتك

ذو الوجه المبتسم يقول...

اخوانى واخواتى

ليس فقيرا من يحب

وردة

عاشقة الأحزان

مي

بنجاواتى

ستيته حسب الله الحمش

ঔღঔ نـــوارة ঔღঔ

سمسم

كاتب مصري

اعشق فى الليل ضوء القمر

mimi

green eyes)

dodoo

أم مالك


كل تعليقتكم صحيحة واشكركم على زيارتكم الكريمة

وعاوز اقول شئ مهم جدا يمكن كان فيه سؤال فى بوست سابق لي ماهو الهدف من التدوين ؟؟؟؟

القصص اللى باكتبها من الحياة هى فعلا قصص حقيقية والهدف من كتابتها بالنسبة لى شخصياً
- باخرج اللى جوايا اولا
- باستفيد من اراء الجميع سواء بالتأييد او بالنقد

لسة فيه كتير من الحياة ؟؟؟
وفيه كمان موضوعات جديدة ان شاء الله نستفيد منها جميعا

تقبلوا تحياتى